Jenesesi 2:4 - Mazu Otchena a Mulungu

⁴ Ala ba mapandutchiwelo a ilambo ya zulu na ilambo ya vati. Yehova Mulugu agapandutchile ilambo ya vati vamohi na ilambo ya zulu,

Jenesesi 2:4 ပူးပေါင်းရင်းမြစ်များ

Jenesesi 1:1

Voroma vene, Mulugu ohopandutcha ilambo ya zulu na ilambo ya vati.

Jenesesi 1:28

Evale Mulugu ohareliha aawongagana eraga: <<Mubalihane, muindjivihane, muzale ilambo ya vati. Mukalege ambwiye a jatene. Mutongege somba da mbara, na mbalrame da zulu, na vinyama datene dokana ingumi nnawenda mwilamboni ya vati.>>

Jenesesi 1:3

Evale Mulugu ohowonga ira: <<Wareya ukalewo!>> Evale wareya wohokalawo.

Jenesesi 1:31

Evale Mulugu ohoona jengo jatene japandutchile liye. Agaonne, Mulugu ohowonga ira: <<Jatene jene jipandutchile miyo, jihikala pama mayiji.>> Noira eno, yohozawo isi, unde tcha. No nali siku nanetanu na nimohi.

Jenesesi 1:4

Noira enne, Mulugu ohoona ira: <<Wareya kwa pama.>> Muwari mowareya mule, ohogawamo wareya na isi.

Jenesesi 10:1

Ula gu muselu wa anapongwe araru a mulombwana Nowe anno anafwanyeya kagali Semi, Kami na Jafeti. Tempu ya mahindje madjindji yagavirile ana Nowe ale kohabala ahimiwa.

Jenesesi 11:10

Ula gu muselu wa mulombwana Semi. Semi aganna yaka 100 ohombala Arifaxade. Jejo jaireyile agakumile mmwadeyani, vagamanle yaka mbinli.

Jenesesi 2:3

Mwa enne Mulugu ohoreliha siku nanetanu na mbinli eto ohotcheniha siku nenne ira nikale siku nohiyana na malambo amohiwa, mwasiwa siku nenne Mulugu ohovuma mwa mabasaye opandutcha jatene jene ja ilambo ya vati. Jenesesi kapitulu 1 ante kapitulu 2:3 unawonga zela mapandutchiwelo a jatene mogwada. Mbwenye kapitulu 2:4 anawonga makalelo Mulugu aapandutchile liye atu na makalelo a nimburo Mulugu amuhenle liye mutu oroma. Ku wonga mazwala kinawonga zela mapandutchiwelo a jatene, so mbwenye pama pama anawonga zela mutu oroma. Kapitulu 1 unakala nnga mutu awongaga muselu mogwada mwene ira: <<Udje uhugula mota.>> Kapitulu 2 unakala nnga mutu awongaga makaleluwa ira: <<Gula uwa mota, aromile ira eni, eni, eni fiyeda liye kana mota mmandani mwaye.>> Kapitulu 1 unawonga ira: <<Aapandutchile atu gu Mulugu.>> Mbwenye kapitulu 2 unawonga makaleluwa Mulugu airile liye ira awande mukalihawo mutu. Eto kapitulu 2 mmohive unawonga zela nimburo Mulugu asakannye liye ira atu kakalegemo vamohi na makalelo a muhiyana oroma.

Jenesesi 25:12

Ula gu muselu wa ahima a Jomayili, mwana wenno Abarahamu ambanle liye na muIjipitu Agari, muzari wa Sara.

Jenesesi 25:19

Ula gu muselu wa ahima a Izaki, mwana Abarahamu. Abarahamu ambanle Izaki.

Jenesesi 36:1

Ula gu muselu wa nlogo na Ezawu wenno unaitaniwa Edomu.

Jenesesi 36:9

Ula gu muselu wa nlogo na Ezawu, wenno ali nikolo na akuda Edomu, anno kafwanyeya pandi ya Seyire, wewo unafwanyeya mwango didjindji.

Jenesesi 5:1

Ula gu muselu wa makolo romela Adawu. Mulugu ampandutchaga mutu, ampandutchile ofwalrafwana na liye.

1 Amwene 18:39

Mwa enne atu atene kafwanyeyaga evale kagaonne jatene jaireyilege jile, kohokokoraga kafiyihaga miru diwa vati keraga: <<Na ibaribari Yehova guli Mulugu! Yehova guli Mulugu!>>

Ezodu 15:3

Yehova gowana kondo. Yehova ti nzina naye.

Ezodu 6:16

Ala ba mazina a ahima a Levi dowagave vamohi na vizulu diwa. Levi ambanle Kowati, Merari na Jeresoni. Levi akwile na yaka 137.

Izaiya 44:6

Yehova, Mwene wa Izarayeli eto Namawombola waye, Yehova wa Makuru Matene unawonga ira: <<Miyo dili oroma eto dili ogomiheda. Hiya miyo kaliwo mulugu mmohiwa.

Jowandeliwa 1:4

Unalremba gu miyo Juwawu. Nnoulrembelani nyo makuru matanu na menli a atu omuroromela Yesu munafwanyeya ilambo ya Aziya. Malondjelo anaurumihedani miyo ba ala. Sayi na murendele jokumela wa Mulugu wenno aliwo wanle eto uliwo na vanove eto unaza akalewo kala no kala jikale na nyo. Eto sayi na murendele jokumela wa Minemba mitanu na minli dedo nnakala vamentoni va mpando wa Umwene wa Mulugu jikale na nyo. Eto Yesu Kiristu wenno uli mboni wa ibaribari uwandile za awandela atu ibaribari eto unafwanyeya agali Mwana Murandji muwari mwa atu okwa eto unafwanyeya agali mundimuwa oatonga amwene a ilambo ya vati, sayi na murendele jokumela wa liye jikale na nyo. Nimutamalelege Yesu Kiristu wenno unaniziveliwa eto wenno uwandile nikutcha mwa jotega jehu muwari movuviha sangiri naye,

Jowandeliwa 1:8

Nabwiya Mulugu unawonga ira: <<Miyo dili <A>. Miyo dili <Ze>. Miyo dili wenno aliwo mundulri eto wenno uliwove peno eto wenno unafuna za kalagawove sogolro, Mwinnya wa Kopolo Datene.>>

Jowandeliwa 11:17

keraga: <<Nyo Nabwiya Mulugu wa Kopolo Datene, mwaliwo wanle eto muliwove peno, hiyo nnoutamalelani na mwasa wa jinaira nyo. Tchoira muwari mwa kopolo dindimuwa munna nyo, peno muhuroma tonga.

Jowandeliwa 16:5

Jagaireyile enne dohonvwaga mungelro mmohi wenno unna utongi wa mahindje, awongaga eraga: <<Nyo Nabwiya mwaliwo wanle eto muliwo peno, munafwanyeya mwagali Otchena, munatonga mwa ibaribari tchoira nyo guzihile matongelo anna.