Jenesesi 2:2 - Mazu Otchena a Mulungu

² Mulugu agamarihile mabasaye matene, siku nanetanu na mbinli ohovuma mwa mabasa matene alabile liye.

Jenesesi 2:2 ပူးပေါင်းရင်းမြစ်များ

Jenesesi 1:31

Evale Mulugu ohoona jengo jatene japandutchile liye. Agaonne, Mulugu ohowonga ira: <<Jatene jene jipandutchile miyo, jihikala pama mayiji.>> Noira eno, yohozawo isi, unde tcha. No nali siku nanetanu na nimohi.

Jenesesi 2:3

Mwa enne Mulugu ohoreliha siku nanetanu na mbinli eto ohotcheniha siku nenne ira nikale siku nohiyana na malambo amohiwa, mwasiwa siku nenne Mulugu ohovuma mwa mabasaye opandutcha jatene jene ja ilambo ya vati. Jenesesi kapitulu 1 ante kapitulu 2:3 unawonga zela mapandutchiwelo a jatene mogwada. Mbwenye kapitulu 2:4 anawonga makalelo Mulugu aapandutchile liye atu na makalelo a nimburo Mulugu amuhenle liye mutu oroma. Ku wonga mazwala kinawonga zela mapandutchiwelo a jatene, so mbwenye pama pama anawonga zela mutu oroma. Kapitulu 1 unakala nnga mutu awongaga muselu mogwada mwene ira: <<Udje uhugula mota.>> Kapitulu 2 unakala nnga mutu awongaga makaleluwa ira: <<Gula uwa mota, aromile ira eni, eni, eni fiyeda liye kana mota mmandani mwaye.>> Kapitulu 1 unawonga ira: <<Aapandutchile atu gu Mulugu.>> Mbwenye kapitulu 2 unawonga makaleluwa Mulugu airile liye ira awande mukalihawo mutu. Eto kapitulu 2 mmohive unawonga zela nimburo Mulugu asakannye liye ira atu kakalegemo vamohi na makalelo a muhiyana oroma.

Ezodu 23:12

<<Mulabege mabasinyu ali matene muwari mwa malambo matanu na nimohi. Mbwenye nafiyaga siku nanetanu na mbinli munerege vuma ira ng'ombe yenyu na buru wenyu avume vamohi na azari enyu na ahimiwa, na atu atenene oza.

Ezodu 31:15

Mulabege mabasinyu muwari mwa malambo matanu na nimohi, mbwenye siku nanetanu na mbinli ti sabado, siku novuma eto ti siku notchena para miyo dagali Yehova. Mutu uli watene unahinde mabasa ali matene siku na sabado, apiwe.

Ezodu 31:17

Mukoya sabado inakala sinale yohomala vari va miyo na Ana Izarayeli. Tchoira miyo Yehova disakanyile ilambo ya zulu na ilambo ya vati muwari mwa malambo matanu na nimohi. Mbwenye siku nanetanu na mbinli, dohovuma.>>

Izaiya 58:13

<<Eto mwawanda rambela wenda bure na sabado, mwahiya hinda jofuna jenyu siku notchena naga eto mwawanda itana sabado siku no hagalala, eto siku notchena na Yehova eto siku nofwanela rihediwa, mwawanda niriheda, mwahakale atu ohara ndila denyu eto mwahakale atu ohinda jofuna jenyu siku neno, nne mwahawongege mazu ohokana sogolro uwa siku na sabado,

Juwawu 5:17

Mbwenye kaganfwannye Yesu, liye ohawandela ira: <<Babaga unalabave ante peno eni. Na miyene eto nnalaba eni.>>

Detoronomiyo 5:14

Mbwenye siku nanetanu na mbinli ti siku na sabado, siku nomuumbuwela Yehova Mulugu wenyu. Siku neni nafiya kamuhindege mabasa ali matene, nyo nari mwaninyu wa mulombwana, nari mwaninyu wa muhiyana, nari namalaba wa mulombwana, nari namalaba wa muhiyana, nari ng'ombe nari buru, nari ifuwo yenyu ili yatene nari mutu oza, wenno unakala vamohi na nyo, kakalevo unafuna hinda mabasa. Ili ira namalabinyu wa mulombwana nari wa muhiyana avume nnga munavumela nyo.

Eberewu 4:10

Tchoira wenno uvolowile vuma unavaha Mulugu unowanda vuma mwa mabasaye sawasawa nnga Mulugu avumile liye muwari mwa mabasa alabile liye.

Eberewu 4:4

Tchoira mutu asaka mMazuni unowanda fwanya mazu kawongiwe zela siku na sabado ira: <<Nagafiyile siku nanetanu na mbinli, Mulugu ohovuma mwa mabasa matene alabile liye.>>