Jenesesi 17:3 - Mazu Otchena a Mulungu

³ Abaramu agavwile mazwale, ohoworama, agwihedaga kove yaye vati. Evale Mulugu ohowelela wonga na liye eraga:

Jenesesi 17:3 ပူးပေါင်းရင်းမြစ်များ

Jenesesi 17:17

Evale Abarahamu agavwile mazu a Yehova, ohokokoraga aoramihedaga kove yaye vati, liye teyaga ekave mmirimani mwaye eraga: <<Kodi johobabihaga ireya mulombwana okana yaka 100 liye mbala mwana? Kodi na ibaribari muhiyanaga Sara unoza ambale mwana agali liye unna yaka 90?!>>

Jenesesi 18:2

Abarahamu agavenyihile meswaye, ohaonaga atu araru kagaimenle wandamelana vali liye vale. Agaaonne atwale, ohatamangelaga, liye akokorela.

1 Amwene 18:39

Mwa enne atu atene kafwanyeyaga evale kagaonne jatene jaireyilege jile, kohokokoraga kafiyihaga miru diwa vati keraga: <<Na ibaribari Yehova guli Mulugu! Yehova guli Mulugu!>>

Ezodu 3:6

Ohowongagave eraga: <<Miyo dili Mulugu wa makolo awo, Mulugu wa Abarahamu, Mulugu wa Izaki, eto Mulugu wa Jako.>> Mozeji agavwile eno, ohotawiha kovaye, aovaga ira unamuone Mulugu.

Daniyeli 10:9

Mwa enne miyo dohovwaga nizu na mutule awongaga. Dagavwile mazu awonga liye, dohogonelavo kove dilukulu, dagaing'anihile kove yaga vati.

Matewuji 17:6

Anamamuharaye ale kagavwile nizu nne, kohorendjeyaga, aliwa gwa, kaing'anihaga kove diwa vati.

Jozuwe 5:14

Evale mulombwanole ohomurumelaga Jozuwe eraga: <<Miyo kadili wa pandi yawo nne kadili wa pandi ya amwidanawo. So mbwenye ira dize wa weyo, tchoira dili mundimuwa wa anyakondo a Yehova.>> Noira enne, Jozuwe ohokokoraga, aoramihedaga kove yaye ante fiyiha vati, liye mutamalela. Noira enne, ohonfuka eraga: <<Mbwiyeni kodi mwazela diwandela nni miyo namalaba wenyu?>>

Jowandeliwa 1:17

Mwa enne miyo dagamuonne, dohogwa vamanyaloni vaye kalaga nnga dere kwa. Mbwenye liye ohodihinda na ndanda naye nodjana, eraga: <<Kuove. Miyo vano dili Oroma eto dili Ogomiheda.

Anamasogolrelra 13:20

Fwanyeya ira munlo aromaga hinda lave lave lave vaibuwani vale, Mungelro wa Yehova ule ohovolowa muwari mwa munlo wenno, liye dowaga zulu. Evale mulombwana Manowa vamohi na muhiyanaye kagaonne enne, kohokokoraga, kaoramihaga miru diwa ante fiyiha vati.