Jenesesi 11:3 - Mazu Otchena a Mulungu

^3-4 Evale kohowongaga mmohi na nfwaye, aliwa ira: <<Ndoweni niwombeni boloki, nitumeyeni pama, nimangeni sidadi yehu vamohi na nyumba yolapa ya agwarda, ifiye zulu ira nzina nehu nivweye eto ira nahamwadeyele mwilamboni ya vati.>> Evale kohoroma manga. Aliwa eto tchamangile na mabwe na simenti, nari. Vamalroni va mabwe kalabana boloki eto vamalroni va simenti kalabana alikataraya.

Jenesesi 11:3 ပူးပေါင်းရင်းမြစ်များ

Jenesesi 11:7

Ndoweni nititeni, naviringanihe iwongelo yewa, kakayena viwongelo doindjiva ira kahawandege vwanana.>>

Jenesesi 14:10

Ndabo na Sidimi neno wafuna atu dowa wana, nohokana matchelra madjindji okana alikataraya muwari muwa. Mwa enne anyakondo kakumile sidadi ya Sodoma na Gomora, muwari mowana mule, kohoroma gondjihiwa, aliwa roma tawa. Muwari motawa mule, amohiwa kohomorela matchelra anne eto amohiwa kohotawela mmwangoni.

2 Samuweli 12:31

Noira enne, ohatukulaga atu atene kali musidadi mule, roma alabihaga na aseroti na apikareta na mbazo no sakanya boloki dotumeya. Ala ali makalelo airilena liye sidadi datene da aAmoni. Noira eno, mwene Davi ohowelelaga Jeruzalemu akoka vamohi na aIzarayeli atene.

Ezodu 1:14

aonihaga goyi ira kalawo wewa ukale wa goyi muwari molaba mabasa orutcha, aliwa munyaga ulongo, wombaga boloki, hindaga mabasa matene a mmundani. Muwari mwa mabasiwa matene, aIjipitu kohasakanya Ana Izarayeli azari, aliwa alabihaga na makalelo abure.

Ezodu 2:3

Mbwenye na mwasa oira liye kawanda mukoyave mwanole, oholandaga ngogoda osakanyediwa na mirere, liye marela pama na alikataraya na ulrimbo ira mwahavolowege mahindje. Noira enne, ohomutukulaga mwanole, liye muhela mwemule. Liye tukula ngogoda mwafwanyeya mwanole, dowa goromeya mutcherelani mwa muhindje Nilu, vari va mirere.

Izaiya 5:5

Eto nnafuna duwandeleni, ejo jinafuna miyo iranavo na munda wa uva uyo. Nnafuna digumulevo tchinga niwa ira anavinyama kamale djamo. Nnafuna digumulemo muruwa ira anavinyama kamale nyingalelamo.

Izaiya 65:3

Malambo matene atu anno anaditakaleliwiha komove. Tchoira muwari moahara amilugu amohiwene, anovelela mikuto mmindani eto anotumeya jonukela vazulu va boloki.

Izaiya 9:10

<<Nyumba dehu da boloki dihimala gwa, mbwenye hiyo nnodimanga akoka na mabwe ogwadiwa pama. Mitengo dehu da nantambu dihimala gwihiwa, mbwenye hiyo nnafuna nizale mitengo da seduru vamalroni viwa.>>

Eberewu 10:24

Inafwanela eto niumbuweleni makalelo anafuna hiyo kokomezana zela zivelana eto zela irana japama

Eberewu 3:13

Mbwenye yapamiwa inafwanela kada mutu amukokomezege nfwaye malambo matene na tempu yenno inaitaniwa peno ira muwari mwa nyo ahakalevo mutu okana murima oumma na mwasa wa jonyenga jinafwanyeya muwari mwa jotega.

Tiyagu 4:13

Kadivuruwaneni pama nyo munawongetcha ira: <<Peno nari metchelo, ndoweni sidadi ya Udje, namalewo yaka imohi, nawendihege malronda ira nipege kobiri dihu.>>

Tiyagu 5:1

Kavwani nyo murayenle. Inafwanela munle eto mukuwe na mwasa wa makatamiho anafuna uzelani.