Filemoni 1:5 - Mazu Otchena a Mulungu

⁵ Tchoira dihimala vwa zela nroromelo ninna we umuroromelaga Nabwiya Yesu eto makalelo unaaziveliwa we atu atene otchenihiwa.

Filemoni 1:5 ပူးပေါင်းရင်းမြစ်များ

Joira ja Anamarumiwa 20:21

Doalaleya aJudewu nari atu ohokala aJudewu anno kali aGerego ira katwaruwe kamuhare Mulugu eto kamuroromele Nabwiya wehu Yesu Kiristu.>>

Roma 12:13

Mukayena makalelo oakamiheda afwihu otchenihiwa zela jengo jinaahalela. Muzuzumelege ira mwaawatchelege alendo na makalelo apama.

1 Korinto 16:1

Zela makalelo anafuna hiyo soka kobiri ira naagawelege afwihu otchenihiwa anafwanyeya ilambo ya Judeya, nnouwandelani ira muiregena makalelo amohive nnga daawandenle miyo makuru a atu omuroromela Yesu anafwanyeya ilambo ya Galasiya.

Galasiya 5:6

Tchoira mutu uli muwari mwa Yesu Kiristu, akala uineliwa owu hehi kaineliwe, jejo kajinna mabasa. So ilukuluwa inafuneya mutu akayena nroromelo eto muwari mwa nroromelo aaziveliwege afwaye.

Efezo 1:15

Nona miyo dagavwile zela makalelo anamuroromela nyo Nabwiya Yesu eto na makalelo munaaziveliwa nyo atu atene otchenihiwa,

Koloso 1:4

Tchoira nihimala vwa zela nroromelo ninna nyo, mmuroromelaga Yesu Kiristu eto nihimala vwa makalelo munaaziveliwa nyo atu atene otchenihiwa

1 Tesalonika 3:6

Mbwenye Timoteyo agazile wewo, aufwannyeni mwagannave makalelo omuroromela Yesu, mwagalive atu ozivelana. Nfwihu Timoteyo agazile uno, owanda niwandela ira: <<Afwihu na vanove anouumbuwelani mwapama. Sawasawa nnga nyo munafuna nnga mwagadowile aona afwihu a Tesalonika, na aliwene anafuna nnga kagauonneni nyo.>>

Filemoni 1:7

Tchoira miyo, mbalaga dihimala vwa makalelo anaazivela we atu otchenihiwa, waalimbihaga mmirimani mwewa. Dagavwile ejo, na miyene dihiwanda hagalala no pwaseya.

1 Juwawu 3:23

Nlamulo naye eto ti ni: niroromelege nzina na Mwanaye Yesu Kiristu eto nizivelanege mmohi na nfwaye nnga mwemo mwanirumele liye.