Filemoni 1:14 - Mazu Otchena a Mulungu

¹⁴ Miyo mbwenye dafuna nnga we udikamihede muwari mwa Onezimo mofuna mwawo muwari mwa upama wawo hiya Onezimo adikamihedege we wahaiziwile.

Filemoni 1:14 ပူးပေါင်းရင်းမြစ်များ

1 Koronika 29:17

Nyo Mulugu waga, miyo dihiiziwa ira munoxixa mirima eto munoaziveliwa atu owongowa mirima. Jatene duuvahileni miyo, divelenle mofuna mwaga eto na murima watene. Mwa eni eto nnoaona mohagalala atwinyu anafwanyeya eva, kavelelaga wa nyo mofuna mwewa.

1 Korinto 9:17

Akala miyo nnalaleya na mmirimani mwaga mwatene, nnokana yotambilra. Mbwenye masiki dahafunege, dilive mutu ovahediwa izo yolaleya.

1 Korinto 9:7

Kodi munyakondo guvi unalaba ahatambilra yengo? Kodi bani unazala munda wa uva, amala uva uwa ahadjaga? Bani unakumbuza anavinyama liye ahang'waga mukaka wa anavinyamale?

2 Korinto 1:24

Mabasa analaba hiyo, kahi ira nitongege nroromelo nenyu, so mbwenye hiyo nnalaba vamohi na nyo ira muhagalale. Tchoira nyo muli olimbene na mwasa wa nroromelo munna nyo.

2 Korinto 8:12

Tchoira mutu afuna vaha na mmirimani mwaye yengo inna liye, yovaha yofwanela tcheniyo inavaha liye na mmirimani mwaye zela vigomenle liye. Mwasiwa kalivo unakosiwa yengo yahanna liye.

2 Korinto 9:5

Tcheniyo idivahile zelru ira daakokomeze abalihu ira kadowe sogolro waga ira kavayele gumaniha yovaha yenno yawongile nyo ira muvahe. Tchoira hiyo nnafuna ira nagafiyile, yovaha inafuna nyo vaha munivahede na mmirimani mwenyu mwatene hiya kalaga nnga nnaukosani muwari moziveliwa jokana jidjindji.

2 Korinto 9:7

Kada mutu inafwanela avahe na makalelo nnga muumbuwenle liye mmirimani mwaye, hiya mowanganyeda, hiya mokanyihediwa. Mwasiwa Mulugu unamuziveliwa mutu unavaha mohagalala.