Eberewu 9:6 - Mazu Otchena a Mulungu

⁶ Jatene ejo jagamanle sakanyediwa, anamakuta kovolowa malambo matene kwartu yoroma ile, aliwa hindaga mabasa kavahiwe atu na Mulugu.

Eberewu 9:6 ပူးပေါင်းရင်းမြစ်များ

Ezodu 27:21

Mulombwana Arawu na ahimaye a alombwana kahindihege panti dile, dedo nnafwanyeya mMusasani Ogumanamo, ikukuru ya unde wa kurtina yogawa Nimburo Notchena na Nimburo Notchenetchetcha, kurtina yenno inafwanyeya sogolro wa Kaxa ya Umboni. Panti dile dikalege dohinda dene malambo matene kuma tchiguwoni fiyeda unde tcha vamentoni va Yehova. Neni nikale nlamulo nohomala para Ana Izarayeli atene na atu atene anabaliwelegemo musogolro.>>

Daniyeli 8:11

Na ibaribari nnyanga nne nohoviulukulihaga fiyeda jofuna lingana na musogolrelri wa nikuru na zulu nne. Nnyanga nne nohomaliha mikuto dotumeya da malambo matene daveleliwetcha wa musogolrelri ule eto nohokarakasulaga nimburo naye notchena.

Roma 9:4

Tchoira aliwa babehediwe ira kakale ahima a Mulugu. Moneya undimuwa wa Mulugu wawenda na aIzarayeli. Mulugu apanganne jopangana na aliwa. Zela pandi ya malamulo, Mulugu aavahedile aliwene. Muwari moawandela atu makalelo omutamalela, Mulugu aawandenle aliwa. Muwari moavaha mapangano, apanganne na aliwa.

Eberewu 7:11

Anamakuta anno kafwanyeya kagali aLevi, baawandela afwiwa malamulo a Mozeji. Mbwenye ahakale nnga atu kawandaga kala okwakwanela vamentoni va Mulugu muwari mwa unamakuta wa aLevi, unamakuta wewa kwamala, avolowagavo mutu mmohiwa ira akale namakuta molingana na nikuru na Melikezedeki. ALevi anno kakumile muzizani mwa Arawu kogokwakwana anno.