Eberewu 9:26 - Mazu Otchena a Mulungu

²⁶ Tchoira ahakale nnga Yesu avelelaga mikuto va kada yaka, yerege funeya ira Kiristu akwe fendo didjindji dene kuma vapandutchiwe zulu na ilambo ya vati pakana fiyeda peno va. Mbwenye kiireyile eno. Yesu ohoza kwa fendo imohi bahi muwari mwa matempu ogomiheda ala ira muwari monikwela fendo imohi yenno, awande maliha jotega jehu.

Eberewu 9:26 ပူးပေါင်းရင်းမြစ်များ

2 Samuweli 12:13

Evale mwene Davi ohomuwongana Nata eraga: <<Miyo dihimutegela Yehova!>> Eto Nata ohowongaga eraga: <<Eto Yehova na liyene uhukurumuwela yotega yawo. Weyo eni kunakwa.

2 Samuweli 24:10

Mbwenye Davi agamanle akontari atwale, ohoroma umbuwela zela ibure yasakanyile liye muwari moakontari atu. Na mwasa wenne, mwene Davi ohonvepaga Yehova eraga: <<Yehova miyo duhutegelani zela jejo jiirile miyo, daakontarigi atu. Yehova nnouvepani ira mukurumuwele yodawa yaga miyo namalaba wenyu. Mwasiwa miyo dihisakanya uzimora!>>

Izaiya 2:2

Malambo ogomiheda Mwango wa Nyumba ya Yehova unoza avenyihiwe ira akale otama kwaranya mwango datene eto unoza akale vazulu va mikuma datene. Malogo matene a atu anoza katamangele Mwangoni wa Yehova wewo.

Daniyeli 10:14

Eni miyo dizele ira dutapulelemo jatene jinafuna aireyela mulogo wawo malambo ogomiheda. Mwasiwa jejo jinaonihiwa we ti jengo jinafuna ireya musogolro vagamanle malambo madjindjene.>>

Daniyeli 9:24

<<Eni mulogo wawo vamohi na sidadiwene yotchena kohovahiwa sumana 70 ira jengo tanu na imohi ji jiireye: Yoroma, kawande hiya jabure jiwa jatene jinaira atu. Yanembinli, kawande gomiheda jotega jiwa jatene. Yaneraru, jotakala jimalihiwe. Yowelela, uze upama wohomala. Yowelela, jiwande kwakwanela jatene jawongiwa morohani vamohi na jofiyiheda. Yogomiheda, Nimburo Notchenetchetcha niwande venyihediwa.

Matewuji 13:39

Eto mwidani wenno azile wokamo ntandje nne unafwanyeya agali Diyabo. Eto mahandelo uwa unafwanyeya agali magomelo wa ilambo eto anamahanda ba angelro.

Matewuji 13:40

Mwa eno, voira ntandje nnogudeliwa dowa tumeyiwa na munlo eto pinafuna ireya magomelo wa ilambo.

Matewuji 25:34

Mwa enne mwenole unoza awongege na atu anne anaze kafwanyeyege muwononi waye odjana erege: <Zani, nyo atu orelihiwa na Baba. Zani muwatchele umwene wenno usakanyediwe para nyo roma mapanduwelo a ilambo.

Juwawu 1:29

Mmetcheloni muwa, Juwawu ohomuonaga Yesu azaga wali liye. Evale ohowongaga, liye ira: <<Kaing'anani! Mwana Nibila na Mulugu, neno nnatimiha yotega ya atu a ilambo ya vati, gwenne!

Juwawu 17:24

<<Babani miyo eto nnafuna ira atu anno mudivahile nyo kaze kakale na miyo nimburo nimohive nnafuna miyo kala ira kawande ona undimuwa wenno mudivahile nyo, na mwasa odiziveliwa wenyu ulukulu wewo unna nyo romelave wanle zulu na ilambo ya vati jahanapandutchiwe.

1 Korinto 10:11

Jatene eji jaaireyele ira jikale jofwalrafwaniha eto jilrembiwele para hiyo atu a tchineneva, hiyo atu okalawo matempu ogomiheda ala ira niwendjele, nahairena makalelo abure kaira afwihu.

Galasiya 4:1

Inawonga miyo inakala nnga mwana uvahiwe jorayela ja marafula babaye. Masiki agalive mwinnya wa jatene, mbwenye akala mwana, liye kanahiyana na muzari.

Efezo 1:10

Tchoira wanle Mulugu ohokanamo ira: <<Tempu yakwakwana, miyo nnafuna digumanihe jatene ja zulu masiki ja ilambo ya vati ira jatene mwinnya akale Kiristu.>>

Efezo 5:2

Inafwanela muwendege na makalelo ozivelana nnga eto Kiristu aniziveliwe liye, fiyeda velela ingumi yaye ira hiyo nikale pama. Ovivelela wa Mulugu ira akale yovelela yonukela pama eto ira akale mukuto wa Mulugu.

Titu 2:14

Yesu ohovelela maningwaye na mwasa oniwombola hiyo ira niwande hiya makalelo oirana jinakondiha malamulo nazana hiyo eto ira anihuwe, nikale atwaye apama, otamangela sogolro niiragana japama.

Eberewu 1:2

Mbwenye malambo ogomiheda ala, Mulugu unawonga na hiyo muwari mwa Mwanaye wenno amuhambihile liye ira akale mwinnya wa jatene. Mulugu eto apandutchile jatene muwari mwa Mwanaye wenno.

Eberewu 10:10

Muwari mwa Yesu Kiristu za irana jofuna ja Mulugu, liye za vivelelaga maningo aye fendo imohi eto fendo yogomiheda, pa evo vawandile hiyo tchenihiwa.

Eberewu 10:12

Mbwenye Kiristu avelenle mukuto mmohi, fendo yoroma eto fendo yogomiheda. Agamanle velela mukuto waye, liye dowa garati nimburo na muwononi odjana wa Mulugu,

Eberewu 10:26

Tchoira nadowave sogolro nitegaga komove nagamanle wandeliwa mazu a ibaribari, kavihanle mukuto mmohiwa unafuna rumelela jotega jejo.

Eberewu 10:4

Tchoira kavali wandeya ira sangiri na ng'ombe na sangiri na mbuzi niwatchele jotega.

Eberewu 4:3

Hiyo mbwenye nimuroromenle gunavolowa muwari movuma mwa Mulugu. Tchoira zela atu anne kahanamuroromela, masiki mabasaye opandutcha zulu na ilambo ya vati kagamanle wanle, Mulugu ohowonga ira: <<Miyo doholumbela na uwali waga ira: <Atu anne kiza eto kavolowa movuma mwaga.> >>

Eberewu 7:27

Liye kanalingana na andimuwa a anamakuta amohiwa, nari. Tchoira andimuwa a anamakuta amohiwa anarometcha velela mikuto zela jotega jewa malambo matene. Kamala eno, aliwa roma velelaga mikuto para jotega ja atu. Mbwenye namakuta wehu, jejo kanairana. Tchoira liye muwari movivelela liye mwinnya, umala velela mukuto okwakwanela fendo yoroma eto fendo yogomiheda.

Eberewu 9:12

Yesu avolowile mamburo otchena fendo imohi bahi. Liye avolowaga, kavolowile na sangiri na mbuzi, nne sangiri na ana ng'ombe, nari. Mbwenye avolowile na sangiri naye. Muwari mwa sangiri naye nne, liye ohowanda kwakwaneliheda ira hiyo nikale owomboliwene kala no kala.

Eberewu 9:14

na ibaribari sangiri na Kiristu nnolaba kwaranya. Tchoira Kiristu ohowanda vivelela wa Mulugu agali mukuto ohokana yotega muwari mwa kopolo da Munemba Otchena wa Mukalakala. Nona sangiri na Kiristu nnowanda nihuwa mmirimani mwehu ira nahakayena yowanganyeda zela jotega jozana ukwa jaira hiyo mbwenye niwande mulaba Mulugu Okalawo.

1 Peduru 1:20

Liye asakulriwe na Mulugu, zulu na ilambo ya vati jahanapandutchiwe, mbwenye tempu yogomiheda ila Mulugu uhuwanda muoneyiha ira muone upama wenyu.

1 Peduru 2:24

Liye mwinnya atomeyiwaga vaimirini, ohotukula jotega jihu mmaningoni mwaye. Airaga eno, airela ira nikale okwene zela jotega mbwenye ingumi yehu ikale para niiregena upama. Nyo muhuvulumutchiwa na mwasa wa vilonda daye.

1 Peduru 3:18

Tchoira Kiristu na liyene ukwile fendo imohive ira atimihe jotega jihu jatene. Masiki liye alive mutu wapama ahategile, ohoonihiwa goyi zela jotega ja atu abure ira awande nizana wa Mulugu. Liye akwile mwa maningo, mbwenye ohovenyihiwa mwa Munemba.

1 Peduru 4:7

Magomelo wa jengo jatene uhuwandamela. Na mwasa wenno inafwanela muviwendihe pama eto mukayena muru wapama ira muwande lobela.

1 Juwawu 3:5

Nyo eto muhuiziwa ira liye azaga, azele kumihamo jotega eto muwari mwa liye kamuli yotega.

1 Juwawu 3:8

Mbwenye wenno ulemenle irana jotega gwa Diyabo tchoira Diyabo kuma voroma vene unnave tega. Eto Mwana Mulugu ira aze, azele bwanyula joira ja Diyabo.

Jowandeliwa 13:8

Atu atene a mwilamboni ya vati mwatene komutamalela. Atu anne aatonga liye, anne kamutamalela, ba atu anno kahalrembiwile mazina ewa muLivuru na Ingumi na Nibila, neno napiwe romela mapanduwelo a ilambo.

Jowandeliwa 17:8

Besta umuonile we ule, aliwo wanle. Mbwenye malambwala kanafwanyeya mwilamboni. Tchineneva bestole uli muliha odiha ohokana magomelo. Tchineneva eto unoza akume mmulihani odiha ohokana magomelo emo muli liye ira adowe atolotchiwe. Ora inafuna liye kuma mmulihani odiha ohokana magomelo mule, atu anno kahalrembiwe maziniwa muwari mwa Livuru na Ingumi romela mapanduwelo a ilambo, aliwa kaza kamuona bestole akoka, anoza katikinege kerege: <Bestola wanle ohokalawo. Nomala eno, liye dimela. Eto peno uwelela kalawo akoka.> >>