Eberewu 9:24 - Mazu Otchena a Mulungu

²⁴ Tchoira Kiristu kavolowile mamburo otchena kali mwilamboni ya vati muno kasakanyiwe na manda a atu. Mwasiwa mamburo a ilambo ya vati ila anafwalrafwaniha mamburo otchena a ibaribari anafwanyeya ilambo ya zulu. Kiristu mbwenye uvolowile zulu uwa wene ira awonge vamentoni va Mulugu zela wa hiyo.

Eberewu 9:24 ပူးပေါင်းရင်းမြစ်များ

Ezodu 28:12

Mabwe menli ale ufungihede mmafudini mwa kuleti ya unamakuta ira Ana Izarayeli kaumbuweliwege. Arawu awarege mazina ale mmafudini mwaye ira aIzarayeli kaumbuweliwege vamentoni va Yehova.

Ezodu 28:29

<<Mwa eno, Arawu avolowaga Nimburo Notchena, unatukulege mazina a ahima a anapongwe a mulombwana Izarayeli anafwanyeyege vayowarani ya vamirimani ile, yenno inaiziwiha jofuna ja Mulugu, ira aIzarayeli kaumbuweliwege tempu yatene vamentoni va Yehova.>>

Matewuji 18:10

<<Kaing'anani! Vari va ahima ang'onong'ono okala ha anna, kammulramwisevo nne mwana mmohi. Mwasiwa miyo nnouwandelani ira angelro ewa zulu ora datene anakala vamentoni va Baba wenno unafwanyeya zulu.

Markuji 14:58

<<Nihivwa liye awongaga ira: <Nyumba ya Yehova imangile atu na manda, miyo nnobwanyula, dimange muwari mwa malambo mararu nyumba imohiwa yohomangiwa na manda a atu.> >>

Markuji 16:19

Nabwiya Yesu agamanle wonga na aliwa, ohotukuliwavo, liye dowihiwa zulu, liye garati ikukuru ya muwononi odjana wa Mulugu.

Lukaji 24:51

Aarelihagave, Yesu ohoromaga ahiyaga, liye tukuleliwa ilambo ya zulu.

Juwawu 16:28

<<Miyo dizaga mwilamboni ya vati, dikumenle wa Baba. Eto nnohiya ilambwela tchineneva, diwelele wa Baba wakoka wene.>>

Juwawu 6:62

Nnga ahakale mudiona miyo Mwana wa Mutu digwelaga didowaga zulu wakaletcha miyo, mwakala avi?

Joira ja Anamarumiwa 3:21

Yesu mbwenye unokalave zulu fiyeda tempu inafuna za tchindjeya jatene jene ira jikale pama akoka nnga Mulugu mwawongele liye wanle muwari mwa anamafiyiheda otchena.

Roma 8:33

Kodi mutu guvi unawanda musumela mutu umusakunlre Mulugu? Kalivo. Tchoira Mulugu gunamukaliha wapama.

2 Korinto 5:1

Maningo ehu ala nnakalamo hiyo mwilamboni muno anafwanyeya nnga musasa. Muwari mobalra jengo johooneya, hiyo nihiiziwa ira musasa wehu ula atolowa, nihikana nyumba imohiwa yokumela wa Mulugu, yohomangiwa na manda, ya mukalakala inafwanyeya ilambo ya zulu.

Koloso 3:2

Inafwanela mutukule joumbuwela jenyu, muumbuwelege jengo ja zulu hiya jengo ja ilambo ya vati.

Eberewu 1:3

Ule umuonne Mwanaye, umala ona undimuwa unna Mulugu. Mwanaye wenno eto unafwanyeya agali Mulugu. Muwari mowonga mwaye wa kopolo bahi, liye unnave sogolrelra ilambo ya zulu na ilambo ya vati. Agamanle nikwela muwari mohuwa jotega jehu, liye ugarati zulu muwononi odjana wa mpando wa Wenno unna Undimuwa.

Eberewu 12:2

Nitamangege nimuing'anaga Yesu, wenno unafwanyeya agali maliba romiha nroromelo nehu eto maliba kwakwaneliheda nroromelo nehu, wenno avilenle akomeliwa vamuradini, alramwisaga nyaswa ozela piwa. Liye airagana eno, abalra ira: <<Dakomeliwa vamuradini, kahi yengo. Tchoira vasogolro hagalala unafuna miyo kana kahi ung'ono.>> Peno eto, ugarati nimburo na ibaribari, muwononi odjana, mpandoni wa Umwene wa Mulugu.

Eberewu 4:14

Inafwanela nihidede pama ibaribari inna hiyo mwasiwa nihimukana mundimuwa wa anamakuta wehu ohokala wa masika wenno ugwenle afiya zulu, unafwanyeya agali Yesu, Mwana Mulugu.

Eberewu 6:20

Yesu onisogolra, liye volowa muwari mwa Nimburo Notchenetchetcha ira anikamihede hiyo. Tchoira liye unafwanyeya agali mundimuwa wa anamakuta wa mukalakala olingana na unamakuta wa Melikezedeki.

Eberewu 8:2

Liye unalaba mabasa mamburo otchena muwari mwa Musasa wa Yehova wa ibaribari wenno ukungiwe na Nabwiya hiya musasa okungiwa na atu.

Eberewu 8:5

Anamakuta a mwilamboni ya vati muno jinalaba atu jinakala nnga yofwalrafwaniha, jinakala nnga nfulri wa musasa wa ibaribari unafwanyeya ilambo ya zulu. Tchoira Mozeji afunaga imetcha Musasa wa Yehova, liye owandeliwa na Mulugu ira: <<Uing'ane pama ira uwande sakanya jatene molingana na makalelo duonihile miyo mwangoni uno.>>

Eberewu 9:1

Muwari mwa yopangana yoroma yapanganne Mulugu, dohokalawo sanganiko dozela makalelo omutamalela Mulugu. Ohosakanyiwa Musasa wa Yehova mwilamboni ya vati. Musasole agawiwe pandi mbinli. Sala yoroma yaitaniwa Nimburo Notchena, vevo vakala yogoromeyavo panti na meza vaheliwa pawu dedo datapulela ira Mulugu uli vamohi na atwaye.

Eberewu 9:23

Yali yofuneya ira jatene ja ilambo ya vati jejo jinalingana na jengo ja ilambo ya zulu jitchenihiwe muwari mwa sangiri na vinyama. Mbwenye jengo ja ibaribari jiwa jinafwanyeya zulu jafuna jitchenihiwe na mikuto dapama kwaranya sangiri na vinyama dile.

Eberewu 9:9

Jatene eji jali jofwalrafwaniha para tempu ili hiyo ila. Tchoira mwa tempu yenno mabasa kalaba anamakuta kavelelaga jovelela na mikuto, ejo kajawanda sakanyeda mmirimani mwa aliba mutamalela Mulugu ale ira kahakayena yowanganyeda zela vali atu.

1 Peduru 3:22

Liye agavenyihiwe, agadowile zulu, peno va unafwanyeya muwononi odjana wa Mulugu. Liye eto uhuvahiwa utongi ira aatongege angelro nari andimuwa andimuwa nari kopolo datene.

Jowandeliwa 8:3

Noira eno, ohozaga mungelro mmohiwa wa vaheno vene aganna mmandani mwaye yotumeyelamo jonukela yosakanyiwa na oru, liye dowa imela wandamelana ibuwa yosakanyiwa na oru, yenno inafwanyeya vasogolro va mpando wa umwene. Mwa enne ohovahiwa jonukela pwi ira atumeye amala agumanihe na jolobela ja atu otchenihiwa adowe avelele vaibuwani vale.