Eberewu 9:19 - Mazu Otchena a Mulungu

¹⁹ Tchoira yopangana yoroma ile ira irome laba, jaireyile eni: Mozeji ababihile awandela atu malamulo matene anafwanyeya mmalamuloni. Evale liye tukula sangiri na ana ng'ombe na sangiri na mbuzi na mahindje na mawoya a nibila kagali ofila eto oumbuwela vang'ono, na nikupu na isopo, liye tukula mujelole bwiniha musangirini mule, roma woka livuru na yopangana nne eto liye awoka atu atene.

Eberewu 9:19 ပူးပေါင်းရင်းမြစ်များ

Ezodu 12:22

Mukase nikupu na isopo, mubwinihe mbasiyani muli sangiri, muzolihena kaxilu ya musuwo, wu na wu na vazulu. Eto mwavolowa mmba, kakalevo mutu unafuna kumela unde fiyeda mmetcheloni muwa.

Izaiya 52:15

Sawasawa eto atu a malogo madjindji anoza katikiniheye na liye. Amwene tambe anoza kasauwele yowonga. Mwasiwa jengo jaharomile atu ona malambo a mundulrimu anoza kaone. Jengo jaharomile atu vwa, anoza kaonelremo.

Matewuji 27:28

Kohomuwungulaga jowara jaye jile, aliwa muwariha kapa yofila yagali youmbuwela.

Markuji 15:17

Noira eno, kohomuwungula jowara jaye, aliwa tukula kapa ya usalru wa kore ya musuzu wa bwanda, jagali jowara ja peresu yokwima, aliwa muwariha. Eto aliwa luwa kara ya minga aliwa muhela vamuru vaye.

Markuji 15:20

Nomala mpeta enne, kohomuwungula kapa ya usalru wa kore ya musuzu wa bwanda, yenno yafwanyeya yagali ya peresu yokwima ile, aliwa muwariha jowara jaye, aliwa nkumiheda unde ira kadowe kankomele vamuradini.

Juwawu 19:2

Evale anyakondwale koholuwaga kara ya minga, aliwa muhela vamuru vaye. Kagamanle, aliwa tukula bata ya usalru wapama wa kore ya musuzu wa bwanda, aliwa muwariha.

Juwawu 19:5

Agairile enne, Yesu ohokuma mmba mule, agawarihiwe kara ya minga vamuru vaye. Eto kagamuwarihile kapa yokwima ya usalru wapama wa kore ya musuzu wa bwanda. Evale Pilatu ohowonga eraga: <<Kaing'anani, mutwinyu ula!>>

Eberewu 1:1

Wanle Mulugu ohowonga na makolo ehu fendo didjindji dene na makalelo ohiyana-hiyana muwari mwa anamafiyiheda.

Eberewu 10:22

Na mwasa wa jatene eji, inafwanela nimukwivele Mulugu mohokana yowanganyeda mmirimani mwehu, mokana nroromelo nolimba, mokana mirima dapama mowokiwa sangiri ira nahakayena jowanganyeda jotakala eto nimukwivele Mulugu muwari mokana maningo ohuwiwa na mahindje otchena.

Eberewu 10:4

Tchoira kavali wandeya ira sangiri na ng'ombe na sangiri na mbuzi niwatchele jotega.

Eberewu 12:24

Mufiyile wa Yesu, mwinnya ukungile Yopangana Ixa. Mufiyile wewo uli sangiri niwokiwe nnawonga pama nohiyana na sangiri na Abeli.

Eberewu 9:12

Yesu avolowile mamburo otchena fendo imohi bahi. Liye avolowaga, kavolowile na sangiri na mbuzi, nne sangiri na ana ng'ombe, nari. Mbwenye avolowile na sangiri naye. Muwari mwa sangiri naye nne, liye ohowanda kwakwaneliheda ira hiyo nikale owomboliwene kala no kala.

Eberewu 9:13

Muwari mwa makalelo a wanle, muwari movelela mikuto diwa, fwanyeya ira kada mutu aviringaniha mangano, owokeliwa sangiri na mbuzi, na sangiri na ng'ombe ya mulombwana, vamohi na ndora na ng'ombe ya muhiyana yotumeyiwa. Ejo jalaba ira maningo a atu owokeliwa katchenihiwe. Akala sangiri na vinyama nohokana yalaba atu,

Eberewu 9:18

Sawasawa na jopangana ja Mulugu. Ira jopangana ja Mulugu jilabe, ukalawo unafuna kwa. Masiki yopangana yoroma iromiwaga wene, yaromiwe muwari movuviha sangiri na anavinyama.

1 Peduru 1:2

musakulriwe na Mulugu Baba nnga mwabalrele liye wanle ira mwa Munemba waye Otchena muwande kala atwaye otchenihiwa ira muwari mokala atwaye, muwandege nvwelela Yesu Kiristu eto mukale atu owokeliwa sangiri naye. Malondjelo anaurumihedani miyo ba ala. Difunne ira sayi na murendele jiwendjediwe wa nyo.