Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Eberewu 9:15 - Mazu Otchena a Mulungu

15 Nona pa evo vanawanda Yesu kala namasogolrelra wa Yopangana Ixa vari va Mulugu na atu. Muwari mwa Yesu atu atene oitaniwa anowanda watchela jorayela johokana mala uwa, jejo japanganne Mulugu ira aavahe. Tchoira Yesu ohokwa ira aawombole aliba itaniwa zela mwa jotega jaira atu muwari moviringaniha yopangana yoroma.

အခန်းကိုကြည့်ပါ။ ကော်ပီ




Eberewu 9:15
52 ပူးပေါင်းရင်းမြစ်များ  

<<Magomelo wa sumana 62 dile, wenno usakulriwe na Mulugu ule unopiwa, agomeleve eno. Era eno ukalawo mwene unafuna za vamohi na nikuru naye na anyakondo, aze abwanyule sidadi yatene vamohi na Nyumba ya Yehova. Mbwenye goma waye unoza umuzele nnga za wa mahindje madjindji. Inoza ivenye kondo vamohi na jobwanyula jatene Mulugu amanle liye balra ira azena mwilamboni, fiyeda makutulo.


Eto mutu wenne unahiye nyumba daye, nari adibiliye, nari arongoliye, nari babaye owu mmaye nari ahimaye nari ilambo yaye, ahiya jatene jejo na mwasa wa nzina naga, unowatchela fendo 100 jatene jejo jahiyile liye, eto unovahiwa ingumi yohomala.


Siku niwa nifiyaga, oharuma anamalabaye ira: <Venyani, mudowe mwaawandele atu anne naaitanile hiyo, kaze kadje pwando ya matelo a mwanaga.> Mbwenye anamalabaye ale kagadowile, kagaawandenle, atwale tchazilewo.


Mwa enne mwenole unoza awongege na atu anne anaze kafwanyeyege muwononi waye odjana erege: <Zani, nyo atu orelihiwa na Baba. Zani muwatchele umwene wenno usakanyediwe para nyo roma mapanduwelo a ilambo.


Miyo dali mandave eto nyo mohodiwariha, dali murenda eto nyo mohoza dipanda. Miyo dali mukadeya, mbwenye nyo mohoza diona!>


Yesu avenyihanaga ira adowege muulrendoni mwaye, ohokala mulombwana mmohi orayela atamangile za wa Yesu, liye mukokorela. Agamukokorenle, ohonfuka ira: <<Namafundjiha wapama, miyo ira dikayena ingumi yohomala, dire avi?>>


Evale mundimuwa mmohi ohofukaga, liye ira: <<Namafundjiha wapama, ira miyo dikayena ingumi yohomala, dire avi?>>


Kagamanle dja, ohoirana yengo imohive, liye tukula kopo, avaha aawandelaga eraga: <<Kopo ila tchi kopo ya sangiri naga, neno nnatatiya para nyo muwari mokunga Yopangana Ixa.


Miyo nnoavaha ingumi yohomala eto kiza katolowa. Kalivo eto unafuna diwaka mmandani mwaga.


<<Eniva, nnouhiyani mmandani mwa Mulugu, na mmandani mwa mazu a sayi daye anno anawanda ulimbihani ira muze mukayena rayela zulu vamohi na afwihu atene anne katchenihiwe.>>


Tchoira akala ora yali hiyo amwidani a Mulugu, nihiwandanihiwa na Mulugu muwari mwa ukwa wa Mwanaye, kodi ora nili hiyo owandanene na Mulugu, Yesu unoza anihiye? Nari. Kaza anihiya. Yesu mwinnya unoza anivuluse mwasiwa liye na vanove ukalawo.


Tchoira tempu yali hiyo ovuta na mwasa wa jotega jehu, tempu yagakwakwanne, tchi tempu yenno Kiristu azile liye nikwela hiyo atu abure.


Mbwenye Mulugu unanioniheda nizivela waye ulukulu tchoira tempu yali hiyo otegene, tchi tempu yanikwenle Kiristu.


Yotambilra ya yotega ku ukwa. Mbwenye mahala unavaha Mulugu muwari mwa Nabwiya wehu Yesu Kiristu anozana ingumi yohomala.


Hiyo nihiiziwa ira jatene jinaireya, Mulugu unosakanya ira jiwande awendela pama atu anne anamuzivela Mulugu eto anno uaitanne liye mofuna mwaye.


Ale aafunne Mulugu ira katukule makalelo a Mwanaye, banno aaitanile liye. Ale aaitanile liye, banno aakalihile liye apama. Ale aakalihile liye apama, banno aatitimihile liye.


Atu anafuna za ona upama unna Mulugu liye aatolotchaga atu abure ale gu hiyo uniitanile liye. Hiyo atu oitaniwa, kanili aJudewu ve bahi, nari. Kohokalamo oitaniwa aJudewu, kohokalamo oitaniwa ohokala aJudewu.


Liye gunivahile iwandelo ira nikale anamalaba a Yopangana Ixa yenno inalaba muwari mwa Munemba hiya yolremba. Tchoira yolremba inopa mbwenye Munemba unavaha ingumi.


Akala ohokala mutu vari viwa, ku wonga kohokalawo atu angasi angasi hiya mutu mmohi. Mbwenye Mulugu gu mmohi.


Muwari mwa Yesu na sangiri naye, nihiwomboliwa. Muwari mowomboliwa, nihileveleliwa joviringaniha jehu. Jatene ejo jinazela mwa sayi dilukulu da Mulugu bahi,


Nyo mwagavwile Muselu Wapama nalaleya hiyo, tchi tempu yenno yuitanneni Mulugu ira muze muvulusiwe momuroromela Yesu. Mulugu uuvuluseleni ira awande uvahanimo nyo undimuwa unna Nabwiya wehu Yesu Kiristu.


Uliwo Mulugu mmohive bahi eto uliwo maliba niwandaniha mmohive bahi vari va hiyo atu na Mulugu, wenno unafwanyeya agali mutu, Yesu Kiristu.


Nona miyo zela jatene jinadiireyela, nnowanda vilela ira atu osakulriwa na Mulugu kafiyede watchela vulusiwa wewo unazana undimuwa wohomala muwari mwa Yesu Kiristu.


muwari mokana yoing'anela ira nnoza nivahiwe ingumi yohomala yenno Mulugu wenno ahananama, alumbenle liye nivaha, romelave wanle ahanapandutche zulu na ilambo ya vati.


Mulugu uhunikaliha pama vamentoni vaye muwari mwa sayi daye ira vasogolro niwande za tambilra ingumi yohomala yenno inaing'anela hiyo.


Nyo mowanda awendela tangaranga ale kavokediwe mukadeya. Nyo eto mowanda hagalala muwari mowakiwa jengo janna nyo. Tchoira nyo mohokana ibaribari ira: <<Ja ilambo ya vati jiwakiwe hiyo kahi yengo. Tchoira nnoza niwatchele yengo yapama kwaranya jiwakiwe hiyo eto inafuna hiyo kana tchi yengo yohomala.>>


Inafwanela mukale atu ovilela muiragana funa wa Mulugu. Tchoira mwavilela, mwagairilena yofuna ya Mulugu, munoza muwatchele yenno Mulugu ipanganne liye ira auvaheni.


Atu atene anna kohofiyeda kwa kahanawatchele jatene Mulugu apanganne liye. Mbwenye kakwileve na nroromelo niwa nene. So aliwa kaonne mapangano apanganne Mulugu olapela wene ati ati ati, aliwa ziveliwa eto aliwa rumelaga ira: <<Mwilamboni muno nili atu oza. Hiyo so nnafwanyeya nagali aliba vira.>>


Mufiyile wa Yesu, mwinnya ukungile Yopangana Ixa. Mufiyile wewo uli sangiri niwokiwe nnawonga pama nohiyana na sangiri na Abeli.


Mulugu wa murendele unvenyihile mokwani Nabwiya wehu Yesu, Namakumbuza Mundimuwa wa mabila muwari mwa sangiri na yopangana yohomala auvaheni jatene japama jinafuneya ira nyo muwandege irana funa waye. Muwari mwa Yesu Kiristu, Mulugu anikamihedege irana jatene jili japama vamentoni vaye. Yesu Kiristu atamaleliwe kala no kala. Ame!


Fwanyeya ira voira ahimiwa anawenda muwari mwa sangiri na maningo, na liyene eto ohowanda tukula makalelo mamohive a sangiri na maningo ira awande kwa muwari momugondjiha wenno unna kopolo da ukwa unafwanyeya agali Diyabo.


Nona nyo abalaga otchenihiwa, afwaga oitaniwa na Mulugu uli zulu, inafwanela muhele joumbuwela jenyu wa Yesu, wenno uli namarumiwa eto mundimuwa wa anamakuta unamurumela hiyo vatando.


Fwanyeya ira Mulugu asakanyaga nipangano na Abarahamu, na mwasa oira kaaliwo mutu mmohiwa omukwaranya Mulugu, liye oholumbela na nzina naye eraga:


Mwa enne mulombwana Abarahamu ohoroma dediha muwari movilela ante liye fiyeda vahiwa yapanganne Mulugu.


Muwari mwa yolumbela ya Mulugu, ku tapulela Yesu unonivaha ibaribari ira Yopangana Ixa ili pama hiyaniha na Yopangana ya Wanle ivirile.


Mulugu awongaga zela Yopangana Ixa, ku wonga tempu yowenda na Yopangana ya Wanle yafuna imale. Eto eni tempuwa ihifiya ira yenno yafuna mala igome. Ihiwaheya eto ihanle vang'ono ira idimele wene.


Yesu avolowile mamburo otchena fendo imohi bahi. Liye avolowaga, kavolowile na sangiri na mbuzi, nne sangiri na ana ng'ombe, nari. Mbwenye avolowile na sangiri naye. Muwari mwa sangiri naye nne, liye ohowanda kwakwaneliheda ira hiyo nikale owomboliwene kala no kala.


Inakala nnga mutu unalremba karta naye zela makalelo ogawa jengo jaye, liye agakwile. Ira karta nne nilabe, yengo yoroma inafuneya ku kana ibaribari ira maliba lremba uhukwa.


Kiristu ukwile fendo imohi bahi ira awatchele jotega ja atu oindjiva. Liye unoza aze akoka. Mbwenye za waye wanembinli kahi ira unazela awatchele jotega. Azaga fendo yanembinli unazela ira aavuluse atene anno anamudediha mohagalala.


Orelihiwa gwenno unavilela muwari moxixiwa. Tchoira agamanle vilela, unotambilra tchapowa wa Ingumi wenno Nabwiya ulumbenle liye avaha atene anamuziveliwa.


Tchoira Kiristu na liyene ukwile fendo imohive ira atimihe jotega jihu jatene. Masiki liye alive mutu wapama ahategile, ohoonihiwa goyi zela jotega ja atu abure ira awande nizana wa Mulugu. Liye akwile mwa maningo, mbwenye ohovenyihiwa mwa Munemba.


Nyo mwagamanle onihiwa goyi tempu ya vang'ono, Mulugu wa sayi datene, wenno uuitanileni muwari mwa Yesu Kiristu ira muvolowe muwari mwa undimuwa waye ohomala, liyene unoukalihani okwakwanelene, unouvahani kopolo, unoulimbihani no uimelihani pama.


Eto nipangano ninivahile liye tchoira unonivaha ingumi yohomala.


Aliwa komuimbelaga mwana Nibila nne nyumbo ixa keraga: <<Nyo muli ofwanelela ira muwande tukula livuru no, mutwe jofungihana jidindiwevo, mwasiwa nyo mohopiwa eto muwari mwa sangiri nenyu muhuwanda awombola atu a malogo matene, a viwongelo datene, na atu a vilambo datene, na kada atu ira kakale a Mulugu,


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ