Eberewu 9:14 - Mazu Otchena a Mulungu

¹⁴ na ibaribari sangiri na Kiristu nnolaba kwaranya. Tchoira Kiristu ohowanda vivelela wa Mulugu agali mukuto ohokana yotega muwari mwa kopolo da Munemba Otchena wa Mukalakala. Nona sangiri na Kiristu nnowanda nihuwa mmirimani mwehu ira nahakayena yowanganyeda zela jotega jozana ukwa jaira hiyo mbwenye niwande mulaba Mulugu Okalawo.

Eberewu 9:14 ပူးပေါင်းရင်းမြစ်များ

2 Samuweli 4:11

kodi miyo nnafuna dutongeni avi? Miyo nnoutongani ira mupiwe ira mwahafwanyeye mwilamboni ya vati na mwasa ovuviha sangiri na mulombwana Isbozeti!>>

2 Amwene 19:16

Yehova kareyani mabaru enyu, mudivuruwane. Yehova muhule meso enyu, muing'ane. Muvuruwane mazu a Senakeribe zela wenno umurumile liye ira aze aupokiheni nyo Mulugu Okalawo.

Ezodu 12:5

Kasakulre nibila nari mbuzi, malringana ikale ya mulombwana, yapama, yohorangala, ya yaka imohi.

Izaiya 42:1

Yehova unawonga ira: <<Kaing'anani, ula gu namalabaga, wenno unamuhideda miyo, wenno damusakunlre miyo, wenno unadihagalaliha kalawo waga. Dihela Munemba waga muwari mwa liye. Liye unosakanya ira atu a malogo matene kakayena matongelo a ibaribari.

Izaiya 53:9

Zela makoyiwelo aye, akoyiwe vamohi na atu otakala eto vamohi na atu orayela. Jatene ejo johomuireyela, masiki liye ahairilenave yengo yohokala pama eto masiki muwano mwaye mwahakumileve yengo yonyenga.

Izaiya 57:15

Tchoira wenno uli vazulu va atene eto wenno uli otukuleleya, wenno uliwo tempu datene, wenno unna nzina na Otchena unawonga ira: <<Miyo nnakala nimburo na zulu eto nagali notchena. Mbwenye eto miyo nnokala vamohi na mutu wenno unatwaruwa eto unaviyeviha. Nnomulimbiha wenno uli oviyeviha eto nnoalimbiha murima aliba twaruwa.

Izaiya 61:1

Munemba wa Nabwiya Yehova uli na miyo. Mwasiwa Yehova udihambihile ira daalaleye Muselu Wapama aliba simela. Udirumile ira diwande avulumutcha anno anafwanyeyana kukumuwa mmirimani mwewa, daalaleye kutchiwa atu anno kamangiwe eto ira diwande ahulela anno kafungeliwe mukadeya.

Daniyeli 6:26

Miyo nnasakanya nlamulo naga ira mwatene munavira utongi wa umwene waga, atu kawande ngurumela eto kawandege muova Mulugu wa Daniyeli. Mwasiwa Mulugu wa Daniyeli gu Mulugu okalawo eto gwa mukalakala. Eto umwene waye kuza ubwanyuliwa eto utongi waye uneregeve dowa sogolro malambo a mukalakala!

Matewuji 12:28

Mbwenye akala miyo nnatamangiha minemba dabure muwari mwa Munemba wa Mulugu, ku wonga Umwene wa Mulugu uhufiya wa nyo.

Matewuji 16:16

Agafukile enne, Simawu Peduru ohowonga ira: <<Nyo muli Namatikeliwa, Mwana Mulugu Okalawo!>>

Matewuji 20:28

Kalaga nnga Mwana wa Mutu. Mwana wa Mutu kazele ira atu kamulabege. Mbwenye uzile avahe ingumi yaye ira aawombole atu oindjiva.>>

Matewuji 7:11

Akala nyo mwagalive atu abure muhuiziwa avaha ahiminyu jengo japama, nnga ikalele Babinyu uli zulu avi? Kodi liye kanawanda avaha jengo japama atu anne ananvepa? Na ibaribari unoavaha na makalelo okwaranya.

Lukaji 12:24

Kaaoneni anakungu. Aliwa kinazala, kinahanda eto kinna ntata nne kinna sandja. Mbwenye masiki eno, Mulugu unoavaha jodja jiwa. Nnga ikalele nyo avi, kodi kamuli ofuneya kwaranya mbalrame?

Lukaji 12:28

Tchoira akala Mulugu unowanda wariha mpinda wa mukokolani, wenno unakalawo peno bahi eto metchelo adowa atatileliwa vanikusani, kodi liye kanauwarihani nyo atu okana nroromelo noyeva?

Lukaji 4:18

<<Munemba wa Nabwiya uli na miyo. Mwasiwa Nabwiya udihambihile ira daalaleye Muselu Wapama aliba simela eto udirumile ira daalaleye mazu aliba kadeya ira kawomboliwe, aliba haona kaonege, ale anazuzumihiwa kakutchiwe muwari mo zuzuma wewa.

Juwawu 3:34

Mwasiwa wenne urumiwe na Mulugu unawonga ja Mulugu. Tchoira Mulugu avahaga Munemba waye kanahiyededa.

Joira ja Anamarumiwa 1:2

fiyeda siku natukuleliwe liye zulu. Tchoira Yesu ahanadowe zulu, ohasakulra anamarumiwaye. Mwa kopolo da Munemba Otchena, Yesu ohawandela mangano aye, nomala, liye dowa zulu.

Joira ja Anamarumiwa 10:38

Eto muhuiziwa ira Mulugu ohomuhambiha Yesu wa Nazareti na Munemba Otchena na kopolo. Mwa enne liye ohoroma wendawenda airagana jatene japama, aavulumutchaga ale kazuzumihiwa na Diyabo mwasiwa Mulugu ali na liye.

Joira ja Anamarumiwa 14:15

<<Alombwana nyo, kodi munairela nni jeji? Hiyo kanili amilugu, nili atu nnga nyo. Nizilena Muselu Wapama ouwandelani ira muhiye jengo johokana mabasa jinera nyo ji, mmuharege Mulugu Okalawo, wenno upandutchile ilambo ya zulu na ilambo ya vati na bara na jatene jinafwanyeyamo.>>

Joira ja Anamarumiwa 15:9

Mulugu kahiyanihile mwa hiyo na aliwa, tchoira liye ohowanda atcheniha mirima dewa mwa nroromelo.

Roma 1:20

Mulugu nkalelo unna liye kanaoneya na meso mbwenye unaoneya pama mwa jengo jipandutchile liye. Tchoira kuma vapandutchile Mulugu ilambo yatene, mutu aing'ana jopandutcha japandutchile liye unoiziwa ira Mulugu gwa ibaribari eto gwa kopolo dohogoma. Eto muwari moiziwa ejo, aliwa Mulugu kinambalra. Nona kohomala gwana mulandu.

Roma 1:4

Nihikana eto ibaribari ira gu Mwana Mulugu tchoira liye agakwile, mwa kopolo da Munemba Otchena, ohovenya mokwani. Mutuwa gu Yesu Kiristu Nabwiya wehu.

Roma 11:12

Akala viringaniha wa aIzarayeli uhazelana atu a mwilamboni ya vati rayela undimuwa eto akala viringaniha wewa uhazelana atu ohokala aJudewu rayela, ki nnga aIzarayeli atene viringaniha wewa wamala, kaza kavulusiwa, upama unafuna azela atu atene mwilamboni ya vati unaza ukale avi? Unaza ukale upama wohokala wa masika.

Roma 11:24

Nyo tambi dozawo dile, Mulugu uwanda ugwadani mukokolani, za ubandihani na mutengo wa azeti wa vande agali atu kinerana eno. Ki eto tambi daye da mutengole dakotonle liye atatila dile, era atukule, awelihedewo, kodi nnorutcha banda? Kannarutcha. Kalaga nnga aJudewu, na aliwene kera kawelihediwe nigodoni wakumihiwile atu, kinarutcha banda na nigodo niwa akoka.

Roma 6:13

Eto nne kamutukule jano jenyu nyo labagana jotega. So mbwenye ili yapama mutu avivelele wa Mulugu wenno univahile ingumi hiyo okwene, avelele jano jaye wa Mulugu ira alabegena jengo japama.

Roma 6:22

Mbwenye muhumala kutchiwa muuzarini mwa jotega mwafwanyeya nyo. Peno muli azari a Mulugu. Mbwenye mpindu zela kala azari a Mulugu, mawendelo enyu anotchenihiwa. Muwari motchenihiwa mule, goma uwa ku kana ingumi yohomala.

1 Korinto 15:45

MMazuni mulrembiwa ira: <<Adawu ali mutu aromile vuma ilambo ya vati, ali wenno aromile kana ingumi.>> Mbwenye zela ingumi ya ilambo ya zulu, ukala Adawu mmohiwa ogomiheda wenno unaavaha atu ingumi ya ilambo ya zulu.

2 Korinto 5:21

Ira nikale pama, Mulugu amukalihile wenno ahaiziwile yotega ira akale mutu otega ira muwari mwa liye, hiyo niwande kana upama wa Mulugu.

2 Korinto 6:16

Kodi harana kuvi unafwanyeya muwari mwa Nyumba ya Yehova na vikwamutu josema? Tchoira hiyo nili Nyumba ya Mulugu Okalawo. Kalaga nnga mazu Mulugu awongile liye oira: <<Miyo nnosakanya vande vaga muwari mwa aliwa eto nnowenda muwari mwa aliwa. Miyo nnokala Mulugu wewa. Aliwa anokala atwaga.

Galasiya 2:19

Muwari mwa malamulo miyo dohowanda onelramo ira: <<Kadiwende na malamulo.>> Pa evale vahiyile miyo wenda na malamulo ira diwande wenda na Mulugu.

Efezo 2:5

tempu yawenda hiyo okwene niiragana joviringaniha jehu, liye uwanda nivaha ingumi. Mulugu uhunivaha ingumi ixa anigumanihaga vamohi na Kiristu. Mwa sayi daye muhuvulusiwa.

Efezo 5:2

Inafwanela muwendege na makalelo ozivelana nnga eto Kiristu aniziveliwe liye, fiyeda velela ingumi yaye ira hiyo nikale pama. Ovivelela wa Mulugu ira akale yovelela yonukela pama eto ira akale mukuto wa Mulugu.

Detoronomiyo 15:21

Mbwenye areliwa mwanainyama wa mulombwana oroma ohokala pama, otchikama, owu ohoona, nari okana yoviringana ili yatene, mwanainyama wenno kamuvelelege wa Yehova Mulugu wenyu.

Detoronomiyo 17:1

Mozeji ohowongagave eraga: <<Mwavelelaga mwanainyama wa Yehova Mulugu wenyu, kamuvelelege ng'ombe nari nibila norangala nari nokana yabure ili yatene, tchoira yenno inafwanyeya yagali yengo yotakaletchetcha wa Yehova Mulugu wenyu.

Detoronomiyo 31:27

Tchoira miyo dihiiziwa pokiha wenyu na uvuruvuru wenyu. Mwasiwa miyo peno dagaliwove eni, nyo munafwanyeya mwagali atu omuruniha Yehova. Nnga ikalele miyo dagakwile, havwelela wenyu unafuna ukale wa avi?

Detoronomiyo 33:27

Mulugu wenno unakalawo kala no kala gu nimburo nenyu nokala. Liye gunaukoyani na kopolo daye dohomala. Liye uhatatilela amwidaninyu olapela na nyo kwi: <Kaatolotcheni.>

Detoronomiyo 5:26

Mwasiwa kalivo mutu ubabihile vuruwana nizu na Mulugu Okalawo awongaga muwari mwa munlo nnga nnavwela hiyo peno, amala eno mutuwa akalawo.

1 Tesalonika 1:9

So akuda Masedoniya na Akaya banawonga ira: <<Sidadi ya Tesalonika mazu kalaleyile aPawulo wewo, atu kohomala hiya vikwamutu josema jahara atu, peno mbwenye aliwa anamuhara Mulugu Okalawo, Mulugu wa ibaribari.

1 Timoteyo 1:17

Mulugu Mwene wa tempu datene, wenno ahanawanda kwa, ahanawanda oneya na meso, Mulugu mmohive uliwo, ateteliwe eto undimuwa waye uoneye kuma peno dowa sogolro kala no kala. Ame.

1 Timoteyo 3:15

kalekale uno didodomewo. Jatene jinaulrembela miyo ji jinauwandela mawendelo ofwanela para ahima anafwanyeya vande va Mulugu, anno anafwanyeya kagali Nikuru na Mulugu Okalawo. Nikuru na Mulugu akala nnga ha yengo, gu aliserisi eto gu muzati ohideda ibaribari.

Titu 2:14

Yesu ohovelela maningwaye na mwasa oniwombola hiyo ira niwande hiya makalelo oirana jinakondiha malamulo nazana hiyo eto ira anihuwe, nikale atwaye apama, otamangela sogolro niiragana japama.

Eberewu 1:3

Ule umuonne Mwanaye, umala ona undimuwa unna Mulugu. Mwanaye wenno eto unafwanyeya agali Mulugu. Muwari mowonga mwaye wa kopolo bahi, liye unnave sogolrelra ilambo ya zulu na ilambo ya vati. Agamanle nikwela muwari mohuwa jotega jehu, liye ugarati zulu muwononi odjana wa mpando wa Wenno unna Undimuwa.

Eberewu 10:10

Muwari mwa Yesu Kiristu za irana jofuna ja Mulugu, liye za vivelelaga maningo aye fendo imohi eto fendo yogomiheda, pa evo vawandile hiyo tchenihiwa.

Eberewu 10:12

Mbwenye Kiristu avelenle mukuto mmohi, fendo yoroma eto fendo yogomiheda. Agamanle velela mukuto waye, liye dowa garati nimburo na muwononi odjana wa Mulugu,

Eberewu 10:2

Ahakanlege nnga mikuto diwandaga muhuwa mutu, kadaveleliwegeve yaka datene. Tchoira aliba mutamalela Mulugu kamala velela fendo imohi bahi kogokala apamene. Tchakanave yokumbanya bure zela jotega jiwa jile.

Eberewu 10:22

Na mwasa wa jatene eji, inafwanela nimukwivele Mulugu mohokana yowanganyeda mmirimani mwehu, mokana nroromelo nolimba, mokana mirima dapama mowokiwa sangiri ira nahakayena jowanganyeda jotakala eto nimukwivele Mulugu muwari mokana maningo ohuwiwa na mahindje otchena.

Eberewu 11:21

Mwa nroromelo mulombwana Jako, afunaga kwa ohareliha ana Joze ambinlene, agasamenle ikumbuzo yaye, liye mutamalela Mulugu.

Eberewu 13:12

Nona Yesu na liyene eto ohoona goyi unde wa mulango ira aatchenihe atu muwari mwa sangiri naye.

Eberewu 3:12

Polre polre abalaga tawiha ira muwari mwa nyo unakalemo mutu mmohi okana murima otakala, ohororomela wenno unafuna amubalrabanduwihe na Mulugu Okalawo.

Eberewu 6:1

Mwa eno, inafwanela hiyo fundja wehu zela Kiristu ukale wodowa sogolro nnga mutu aulukulaga. Hiya welelaga jofundja jejo jifundjile hiyo wanle. Kaniwelele wongaga jengo joroma, ja aliserisi. Ku wonga kaniwelele fundja zela twaruwa mwa joira jokwa no muroromela Mulugu.

Eberewu 7:16

Mbwenye unamakuta wa Namakuta muxa uzile tchineneva kuzenle muwari mobaliwa munlogoni neno nnawongiwa mmalamuloni, nari. So mbwenye liye uwandile kala namakuta muwari mwa kopolo daye dinna liye, zela liye kana ingumi yohowanda tolotchiwa.

Eberewu 7:27

Liye kanalingana na andimuwa a anamakuta amohiwa, nari. Tchoira andimuwa a anamakuta amohiwa anarometcha velela mikuto zela jotega jewa malambo matene. Kamala eno, aliwa roma velelaga mikuto para jotega ja atu. Mbwenye namakuta wehu, jejo kanairana. Tchoira liye muwari movivelela liye mwinnya, umala velela mukuto okwakwanela fendo yoroma eto fendo yogomiheda.

Eberewu 9:12

Yesu avolowile mamburo otchena fendo imohi bahi. Liye avolowaga, kavolowile na sangiri na mbuzi, nne sangiri na ana ng'ombe, nari. Mbwenye avolowile na sangiri naye. Muwari mwa sangiri naye nne, liye ohowanda kwakwaneliheda ira hiyo nikale owomboliwene kala no kala.

Eberewu 9:26

Tchoira ahakale nnga Yesu avelelaga mikuto va kada yaka, yerege funeya ira Kiristu akwe fendo didjindji dene kuma vapandutchiwe zulu na ilambo ya vati pakana fiyeda peno va. Mbwenye kiireyile eno. Yesu ohoza kwa fendo imohi bahi muwari mwa matempu ogomiheda ala ira muwari monikwela fendo imohi yenno, awande maliha jotega jehu.

Eberewu 9:7

Mbwenye avolowa Nimburo Notchenetchetcha akala mundimuwa wa anamakuta bahi. Liye eto avolowa va yaka fendo imohi bahi. Eto avolowaga, kahi ira avolowa ve eno ahatukunle yengo, nari. Avolowaga ovolowana sangiri, liye velela wa Mulugu ira akunele jotega jaye na jotega jaira atu kahaiziwaga ira yenna tchotega.

Eberewu 9:9

Jatene eji jali jofwalrafwaniha para tempu ili hiyo ila. Tchoira mwa tempu yenno mabasa kalaba anamakuta kavelelaga jovelela na mikuto, ejo kajawanda sakanyeda mmirimani mwa aliba mutamalela Mulugu ale ira kahakayena yowanganyeda zela vali atu.

1 Peduru 1:19

Mbwenye nyo muwomboliwe muwari mwa sangiri nofuneyetchetcha na Kiristu, nnga sangiri na mwana nibila nohorangala eto nohokana yodugudela.

1 Peduru 2:22

Liye kategile, nne wanoni waye kwakumile mazu onyenga.

1 Peduru 2:24

Liye mwinnya atomeyiwaga vaimirini, ohotukula jotega jihu mmaningoni mwaye. Airaga eno, airela ira nikale okwene zela jotega mbwenye ingumi yehu ikale para niiregena upama. Nyo muhuvulumutchiwa na mwasa wa vilonda daye.

1 Peduru 3:18

Tchoira Kiristu na liyene ukwile fendo imohive ira atimihe jotega jihu jatene. Masiki liye alive mutu wapama ahategile, ohoonihiwa goyi zela jotega ja atu abure ira awande nizana wa Mulugu. Liye akwile mwa maningo, mbwenye ohovenyihiwa mwa Munemba.

1 Peduru 4:2

malambo matene anamale liye mwilamboni ya vati muno avendege irana jofuna ja Mulugu, hiya iragana jofuna ja maningo.

1 Juwawu 1:7

Mbwenye hiyo nawenda mmoneyani nnga liye uli mmoneyani, nnowenda vamohi movwanana kada mutu na nfwaye eto sangiri na Yesu Mwana Mulugu nnonihuwa mwa jotega jatene jinna hiyo.

1 Juwawu 3:5

Nyo eto muhuiziwa ira liye azaga, azele kumihamo jotega eto muwari mwa liye kamuli yotega.

1 Samuweli 17:26

Mwa enne Davi ohafukaga alombwana aawandamenlege liye, eraga: <<Kodi mutu wenne unampe nFilistewu ule, amaliha manyazo anna hiyo aIzarayeli, unavahiwa nni? Kodi nFilistewu mutu ohoineliwa nnga wenna bani ira liye aze apokihege na makalelo anna nikuru na anyakondo a Mulugu Okalawo?>>