Eberewu 9:11 - Mazu Otchena a Mulungu

¹¹ Mbwenye tempu ili hiyo ila, Kiristu gu mundimuwa wa anamakuta wenno unasogolrelra jatene japama jizile tchineneva. Liye mbwenye ohovolowa Musasa wa Yehova mundimuwa, okwakwanela, wenno unafwanyeya ilambo ya zulu hiya wenno asakanyiwe na manda a atu unafwanyeya ilambo yopandutchiwa ya vati ila.

Eberewu 9:11 ပူးပေါင်းရင်းမြစ်များ

Jenesesi 49:10

Mulombwana Juda kalivo mutu mmohiwa unafuna muwaka umwene waye, nne ikumbuzo yaye ya umwene, fiyeda tempu inafuna liye za vahiwa umwene waye wa ibaribari. Malogo matene anerege zana mivaho, kanvahege eto atu atenene anerege nvwelela.

Izaiya 59:20

Yehova unawonga ira: <<Namawombola unoza aze Siyawu ira aawombole Ana Jako anno anahiye jabure jinaira atu.>>

Malakiya 3:1

Yehova wa Makuru Matene unawonga ira: <<Kaing'anani, miyo nnoza dimurume maliba milanyo waga vasogolro vaga ira asakanyede ndila inafuna miyo vira. Liye agazile, morurumutcha Nabwiya unoza aze muwari mwa Nyumba yaye. Liye gu Nabwiya wenno unafuna zana yopangana eto wenno munamuing'anela nyo eto munanfuna nyo.

Matewuji 11:3

<<Mudowe mwanfuke muire: <Kodi Namatikeliwa wenno afuna za gu nyenne? Owu hehi nimuing'anelegeve mutu mmohiwa?> >>

Matewuji 2:6

<We Beleme masiki uyevileve muwari mwa ilambo ya Judeya, uhukana mabasa malukulu. Masiki tatamo datene nnafwanyeya ilambo ya Juda dindjive, mwa weyo Beleme punaza mubaliwe mwene wenno unafuna akumbuzaga atwaga akuda Izarayeli.> >>

Markuji 14:58

<<Nihivwa liye awongaga ira: <Nyumba ya Yehova imangile atu na manda, miyo nnobwanyula, dimange muwari mwa malambo mararu nyumba imohiwa yohomangiwa na manda a atu.> >>

Juwawu 1:14

Mulombwana Mazu ohoza, liye wara maningo, kalaga vamohi na hiyo atu. Hiyo nihiona undimuwa waye ineriha liye gu Mwana mmohive wa Baba unafwanyeyana sayi dilukulu vamohi na ibaribari.

Juwawu 4:25

Evale muhiyanole ohowongaga eraga: <<Miyo dihiiziwa ira ukala Namatikeliwa unafuna za, wenno unaromoliwa na nzina na Kiristu. Liye aza, unonionelrihedamo jatene jene.>>

Joira ja Anamarumiwa 7:48

<<Mbwenye Wenno Ukwaranyile Jatene kanakala nyumba yosakanyiwa na manda. Kalaga nnga mazu namafiyiheda awongile liye oira:

2 Korinto 4:18

Tchoira hiyo kannakukumuwela jengo jooneya na meso, mbwenye nnakukumuwela johooneya na meso bahi. Mwasiwa jengo jooneya ti jengo johodibeliwa vira mbwenye jengo johooneya ti jengo ja mukalakala.

2 Korinto 5:1

Maningo ehu ala nnakalamo hiyo mwilamboni muno anafwanyeya nnga musasa. Muwari mobalra jengo johooneya, hiyo nihiiziwa ira musasa wehu ula atolowa, nihikana nyumba imohiwa yokumela wa Mulugu, yohomangiwa na manda, ya mukalakala inafwanyeya ilambo ya zulu.

Koloso 2:11

Vamohive vevo muwari mogumanihiwa na Yesu Kiristu, Kiristu ouinelani. Ineliwa wewo kahi ineliwa na manda a atu. Ineliwa na Kiristu ku wonga Kiristu uhumala uwungulani kopolo da jofuna jenyu ja maningo dawara nyo.

Eberewu 10:1

Muwari mwa malamulo munafwanyeya nfulri bahi wa jengo japama jinafuna za sogolro. Mbwenye malamulo kahi jengo japama jiwa jinatonyihediwa muwari mwa nfulri. Nona malamulo tchawanda akwakwaneliheda atu anne kamukwivela Mulugu ira kamutamalele muwari mwa mikuto, masiki aliwa kavelelege mikuto dimohive kada yaka.

Eberewu 12:27

Navwa ira Mulugu ohowonga zela tika wanembinli, inafwanela niiziwe ira jatene jowanda tikeya, ku wonga jatene jopandutchiwa, jinoza jikumihiwemo, jimale dimela ira jihale ejo jahanawanda tikeya bahi.

Eberewu 13:14

Tchoira mwilamboni ya vati hiyo kaninna sidadi ya mukalakala. Hiyo mbwenye nnavenda sidadi yenno inafuna za.

Eberewu 2:17

Ira liye awande akamiheda ale kabaliwe muzizani mwa Abarahamu, yali yofwanela liye asanduwe, makalelo aye matene kakale olingana na abalaye. Ali ira awande kala mundimuwa wa anamakuta okana tangaranga, ororomeleya muwari mwa mabasa a Mulugu. Yali yofwanela liye kala namakuta wa makalelo anno ira awande sembeselra uwali wanna Mulugu zela jotega.

Eberewu 3:1

Nona nyo abalaga otchenihiwa, afwaga oitaniwa na Mulugu uli zulu, inafwanela muhele joumbuwela jenyu wa Yesu, wenno uli namarumiwa eto mundimuwa wa anamakuta unamurumela hiyo vatando.

Eberewu 4:15

Tchoira mundimuwa wa anamakuta unna hiyo kahi namakuta oimwanana nikumbanyeda zela jovuta jehu. Tchoira na liyene ohoroma xixiwa na makalelo matene nnga anaxixiwa hiyo, mbwenye liye kategile.

Eberewu 7:1

Tchoira Melikezedeki unamuwonga hiyo ula, ali mwene wa sidadi ya Salemi. Eto mutu mmohive wenna ali namakuta wa Mulugu Okwaranya Jatene. Mundimuwa Melikezedeki eto gwenno agumanne na Abarahamu akumaga kondoni agamanle agondjiha amwene aawanana liye. Evale Melikezedeki agangumannena Abarahamu, ohomureliha.

1 Juwawu 5:20

Hiyo eto nihiiziwa ira Mwana Mulugu uhuza eto umala nivaha onelramo ira niwande muiziwa mutu wenno uli wa ibaribari. Hiyo nili muwari mwa Mutu wa ibaribari ule muwari mwa Mwanaye Yesu Kiristu. Liye unafwanyeya agali Mulugu wa ibaribari eto unafwanyeya agali ingumi yohomala.

2 Juwawu 1:7

Tchoira kohokalawo anamanyenga oindjiva anabuwa mwilamboni ya vati anno kahanaroromela ira Yesu Kiristu uzile muwari mwa maningo. Mutu uli watene unawonga ejo gu mutu onyenga eto gu namamwida Kiristu.