Eberewu 8:13 - Mazu Otchena a Mulungu

¹³ Mulugu awongaga zela Yopangana Ixa, ku wonga tempu yowenda na Yopangana ya Wanle yafuna imale. Eto eni tempuwa ihifiya ira yenno yafuna mala igome. Ihiwaheya eto ihanle vang'ono ira idimele wene.

Eberewu 8:13 ပူးပေါင်းရင်းမြစ်များ

Izaiya 51:6

Muvenyihede meswinyu zulu eto muing'ane ilambo ya vati. Tchoira zulu unoza udimele nnga utchi, eto ilambo ya vati inoza imale nnga yowara. Na makalelo amohive ale anakalamo anoza kakwe nnga ngulrisi. Mbwenye vulusa waga unoza ukalewo kala no kala. Eto upama waga kuza umala.

Matewuji 24:35

Zulu na ilambo ya vati jinoza jivire, mbwenye mazwaga kiza kamala.

Lukaji 22:20

Kagamanle dja, ohoirana yengo imohive, liye tukula kopo, avaha aawandelaga eraga: <<Kopo ila tchi kopo ya sangiri naga, neno nnatatiya para nyo muwari mokunga Yopangana Ixa.

1 Korinto 13:8

Fiyiheda ja Mulugu unokana goma uwa. Eto wonga na viwongelo dohofundjiwa unoza umale. Eto iziwetchetcha unokana goma uwa. Mbwenye muziveliwa nfwawo kunakana magomelo uwa.

2 Korinto 3:6

Liye gunivahile iwandelo ira nikale anamalaba a Yopangana Ixa yenno inalaba muwari mwa Munemba hiya yolremba. Tchoira yolremba inopa mbwenye Munemba unavaha ingumi.

2 Korinto 5:17

Nona akala ukala mutu uli muwari mwa Kiristu, liye gu yopandutchiwa ixa. Ja wanle jihivira. Jatene jihisanduwa, jinafwanyeya jagali jixa.

Eberewu 1:11

Ilambo ya zulu na ilambo ya vati jinokana goma uwa, mbwenye nyo muli wa mukalakala. Eto zulu na ilambo ya vati jinoulula nnga jowara.

Eberewu 12:24

Mufiyile wa Yesu, mwinnya ukungile Yopangana Ixa. Mufiyile wewo uli sangiri niwokiwe nnawonga pama nohiyana na sangiri na Abeli.

Eberewu 7:22

Muwari mwa yolumbela ya Mulugu, ku tapulela Yesu unonivaha ibaribari ira Yopangana Ixa ili pama hiyaniha na Yopangana ya Wanle ivirile.

Eberewu 8:6

Eto fwanyeya ira Kiristu mabasa uvahiwe liye bokwaranya mabasa kalaba anamakuta a wanle, sawasawa nnga yopangana ikungile Kiristu vari va Mulugu na atu tchapama kwaranya Yopangana ya Wanle. Tchoira yopangana inalabana Kiristu isakanyiwe na mapangano apama kwaranya mapangano a Yopangana ya Wanle.

Eberewu 8:8

Mbwenye ira Mulugu asakanye yopangana imohiwa, liye ere ona ira atu kohoviringaniha yopangana yoromele. Mwa enne pawonga liye ira: <<Kavuruwanani inafuna miyo wonga dagali Nabwiya! Inoza ifiye tempu inafuna miyo sakanya Yopangana Ixa mwa aIzarayeli na akuda Juda.

Eberewu 9:15

Nona pa evo vanawanda Yesu kala namasogolrelra wa Yopangana Ixa vari va Mulugu na atu. Muwari mwa Yesu atu atene oitaniwa anowanda watchela jorayela johokana mala uwa, jejo japanganne Mulugu ira aavahe. Tchoira Yesu ohokwa ira aawombole aliba itaniwa zela mwa jotega jaira atu muwari moviringaniha yopangana yoroma.