Eberewu 7:25 - Mazu Otchena a Mulungu

²⁵ Nona liye unowanda avulusa mokwakwanela anno anafuna mukwivela Mulugu muwari mwa liye. Tchoira liye ukalawove kala no kala ira aalobelelege atwale vari va aliwa na Mulugu.

Eberewu 7:25 ပူးပေါင်းရင်းမြစ်များ

Izaiya 45:22

<<Nyo atene munafwanyeya magomelo wa ilambo ya vati murungunuwele wa miyo ira muvulumuwe. Tchoira miyo dili Mulugu, kalivo mmohiwa.

Izaiya 45:24

<<Atu anerege wonga zela miyo ira: <Upama na kopolo jinafwanyeya muwari mwa Yehova bahi.> Mbwenye atene anno kamutakaleliwilena, anoza kaze wa liye, kakayena manyazo.

Izaiya 53:12

Na mwasa wenno miyo nnonvaha rihediwa wewo unafwanyeyana andimuwa andimuwa amohiwa. Liye vamohi na atu a kopolo anerege gaana jengo jaawakile atu amwidani kondoni. Tchoira liye ohovelela ingumi yaye, liye fiyeda piwa eto kohomuirela makalelo abure nnga mutu oviringana. Liye ohopwatela jotega ja atu adjindji eto unaalobelela atu okonda tongiwa ira kaleveleliwe.

Izaiya 59:16

Eto Yehova agaonne ira kalivo mutu owanda nivunela, kaziveliwile. Na mwasa wenno, muwono waye uhuzana vulusa wewo wafunile liye, eto wongowa waye wohomuvaha kopolo.

Izaiya 63:1

<<Kodi ula bani unaza akumelaga sidadi ya Bozira, ilambo ya Edomu, agawarile jowara jofila, jijerimelaga eto unawenda na kopolo daye dindimuwa?>> <<Gu miyo Yehova nnawonga mwa ibaribari, eto dihikana kopolo dovulusa.>>

Daniyeli 3:15

Peno mbwenye eni ihifiya tempu yenyu. Eni nyo mwavwa nla wa palraza, falauta, arpa, lira, sitara, salteriyu vamohi no nla wa yoimbana ili yatene, nyo inafwanela mukokore, mutamalele ikwamutu yosema yenno isakanyile miyo. Mwairana eno, inokala pama. Mbwenye mwahafuneve irana, tempu imohive munovayela tatileliwa muhofuni mwa munlo ohindetchetcha. Jaireya eno, kodi mulugu guvi unafuna uvunelani mmandani mwaga?>>

Daniyeli 3:17

Hiyo navokediwa muhofuni mwa munlo ohindetchetcha, nihikana ibaribari ira Mulugu wehu wenno unamulaba hiyo unowanda nivunela. Liye eto gunafuna nivunela mmandani mwenyu, so mwene!

Daniyeli 3:29

Na miyene eto nnafuna dikumihe nlamulo. Nlamulo niwa ti ni: Mwindji watene, malogo matene, atu a viwongelo datene, mutu wenno unawonge mazu abure wa Mulugu wa mulombwana Sadaraki, Mezaki na Abedenego, inafwanela agwadanyiwe yano yano eto nyumba yaye inomala bwanyuliwa. Mwasiwa kaliwo mulugu mmohiwa unawanda nvunela mutu na makalelo anna!>>

Daniyeli 6:20

Agafiyile wewule, ohomuitanaga mulombwana Daniyeli na nizu nokumbanya eraga: <<Daniyeli namalaba wa Mulugu Okalawo, kodi Mulugu wawo wenno unamulaba we malambo matene uhuwanda uvunela muwari mwa apodogoma?>>

Daniyeli 9:16

<<Nabwiya, voira nyo munairetcha jatene japama, nnouvepani mukwihe takaleliwa wenyu na uwali wenyu munna nyo zela sidadi yenyu ya Jeruzalemu, yenno inafwanyeya yagali mwango wenyu otchena. So Nabwiya, atu a vilambo dowandamelana anopeta sidadi ya Jeruzalemu eto anapeta mulogo wenyu na mwasa wa jotega jehu na jotega jasakanyile makolo ehu a wanle.

Juwawu 14:13

Dadowa wa Baba, jatene jinafunege nyo vepa na nzina naga, miyo nnerege irana ira undimuwa wa Baba uoneye mwa miyo Mwanaye.

Juwawu 14:16

<<Miyo nnonvepa Baba ira auvaheni Nkamihedi mmohiwa, wenno unafuna kalaga na nyo kala no kala.

Juwawu 14:6

Evale Yesu ohowakula eraga: <<Miyo dili Ndila, dili Ibaribari, dili Ingumi. Kalivo mutu unafuna vira dowa wa Baba ahavirile mwa miyo.>>

Roma 5:10

Tchoira akala ora yali hiyo amwidani a Mulugu, nihiwandanihiwa na Mulugu muwari mwa ukwa wa Mwanaye, kodi ora nili hiyo owandanene na Mulugu, Yesu unoza anihiye? Nari. Kaza anihiya. Yesu mwinnya unoza anivuluse mwasiwa liye na vanove ukalawo.

Roma 5:2

Muwari mwa liye eto muwari mwa nroromelo, nihiwanda volowa muwari mwa sayi da Mulugu dedo nnawendana hiyo. Eto ninna hagalala mwasiwa nihiiziwa ira vasogolro nnoza nione undimuwa wa Mulugu.

Roma 8:34

Nnga kodi bani unafuna mmanga mulandu? Kalivo. Mwasiwa Yesu Kiristu wenno akwile eto avenyihiwa mokwani, gunanilobelela vari va hiyo na Mulugu. Liye unafwanyeya agali muwononi odjana wa Mulugu.

1 Korinto 1:21

Tchoira Mulugu na zelru daye kafunne ira atu kaiziwe ibaribari mwa zelru dewa da ilambo ya vati. Evale Mulugu opiya zelru ira aavuluse atu anaroromela muselu unalaleya hiyo, muselu wenno atu a mwilamboni anaona atu nnga uzimora.

Efezo 2:18

Tchoira mwa Yesu, muwari mwa Munemba mmohive, hiyo aJudewu na nyo atu ohokala aJudewu, atene nnowanda fiya ora ili yatene vamentoni va Baba.

Efezo 3:12

Muwari mwa hiyo muroromela Yesu, muwari movira mwa liye, hiyo nnowanda fiya vamentoni va Mulugu molimbiha murima.

Efezo 3:20

Mulugu ukana kopolo daye dinalabana liye muwari mwa hiyo. Muwari mwa kopolo daye, liye unowandetchetcha jatene kwaranya nnga jinavepa hiyo, kwaranya eto nnga jinaumbuwela hiyo. Nona hiyo atu omuroromela Yesu inafwanela nimutamalelege Mulugu movira mwa Kiristu matempu matene, kala no kala. Ame!

Filipo 3:21

Liye aza, unotchindja maningo ohokala pama anna hiyo ala ira nikayena maningo nnga maningo okana undimuwa anna liye. Jatene ejo unoirana muwari mwa kopolo dedo nnatongana liye jatene.

1 Timoteyo 2:5

Uliwo Mulugu mmohive bahi eto uliwo maliba niwandaniha mmohive bahi vari va hiyo atu na Mulugu, wenno unafwanyeya agali mutu, Yesu Kiristu.

2 Timoteyo 1:12

Nona miyo zuzumaga nnga vini miyo eni. Mbwenye kannanyaswa, mwasiwa miyo dihimuiziwa wenno dimuroromenle miyo eto dihikana ibaribari ira liye unowanda hideda yenno imukoyihile miyo fiyeda siku neno.

Eberewu 11:6

Eto vahali nroromelo, kavali wandeya ira mutu airena yengo yomuziveliha Mulugu. Tchoira mutu ira awande mukwivela Mulugu, unaroma rumela ira Mulugu ukalawo eto unoatambilriha ale ananvenda.

Eberewu 13:15

Nona inafwanela nivelelegeve mukuto wehu omutamalela Mulugu muwari mwa Yesu ora ili yatene. Mukutuwa ku wonga jowonga jehu na milomo dihu niromolege nzina naye.

Eberewu 2:18

Liye eto unowanda akamiheda atu anne anaxixiwa mwasiwa na liyene ohoonihiwa goyi muwari moxixiwa.

Eberewu 2:9

Mbwenye hiyo nnamuona Yesu wenno wanle ayevihiwe malambo a vang'onove akwaranya angelro, peno eto uhumala hambihiwa ira akale mutu okana undimuwa eto akale mutu oteteliwa, mwasiwa muwari mwa sayi da Mulugu, liye ohokwa ira awande lawiha ukwa vamalroni va atu atene.

Eberewu 5:7

Muwari mwa malambo Yesu awarile liye maningo, olobela no kuwa ulukulu na misodi anvepaga wenno awanda muwombola mokwani. Jalobela liye jovweya mwasiwa liye ohorumela irana jofuna ja Mulugu.

Eberewu 7:16

Mbwenye unamakuta wa Namakuta muxa uzile tchineneva kuzenle muwari mobaliwa munlogoni neno nnawongiwa mmalamuloni, nari. So mbwenye liye uwandile kala namakuta muwari mwa kopolo daye dinna liye, zela liye kana ingumi yohowanda tolotchiwa.

Eberewu 7:19

Voira malamulo tchawandile kwakwaneliheda yengo ili yatene, vamalroni va malamulo nihiwanda vahiwa yoing'anela ixa, unafwanyeya agali mutu unamuing'anela hiyo. Eto muwari mwa mutu wenno, hiyo nnowanda mukwivela Mulugu.

Eberewu 7:24

Mbwenye Yesu kuma varomile liye laba unamakuta waye pakana na vanove, pakana mukalakala, liye unohidedave unamakuta waye mwasiwa liye unokalawo kala no kala.

Eberewu 7:8

Zela anamakuta kakungiwe muwari mwa malamulo a Mozeji, aliwa anawatchela yanekumi kagali atu anaing'anela kwa. Mbwenye Melikezedeki ohowatchela yanekumi agali gu mutu ohidedeliwa umboni ira ukalawove.

Eberewu 9:24

Tchoira Kiristu kavolowile mamburo otchena kali mwilamboni ya vati muno kasakanyiwe na manda a atu. Mwasiwa mamburo a ilambo ya vati ila anafwalrafwaniha mamburo otchena a ibaribari anafwanyeya ilambo ya zulu. Kiristu mbwenye uvolowile zulu uwa wene ira awonge vamentoni va Mulugu zela wa hiyo.

Judaji 1:24

Mulugu wenno unawanda ukoyani ira mwahagwagwaduwe eto unawanda uvelelani mohokana yotakala vamentoni va undimuwa waye mwaganna hagalala undimuwa,