Eberewu 7:19 - Mazu Otchena a Mulungu

¹⁹ Voira malamulo tchawandile kwakwaneliheda yengo ili yatene, vamalroni va malamulo nihiwanda vahiwa yoing'anela ixa, unafwanyeya agali mutu unamuing'anela hiyo. Eto muwari mwa mutu wenno, hiyo nnowanda mukwivela Mulugu.

Eberewu 7:19 ပူးပေါင်းရင်းမြစ်များ

Juwawu 1:17

Tchoira Malamulo kavahediwe mwa Mozeji. Mbwenye sayi vamohi na ibaribari ilukulu zela Mulugu kajikumile mwa malamulo. Jikumile mwa Yesu Kiristu.

Juwawu 14:6

Evale Yesu ohowakula eraga: <<Miyo dili Ndila, dili Ibaribari, dili Ingumi. Kalivo mutu unafuna vira dowa wa Baba ahavirile mwa miyo.>>

Joira ja Anamarumiwa 13:39

Muwari mwa Yesu, mutu uli watene unamuroromela unokutchiwa mwa jatene jejo jahawandile liye kutchiwa muwari mwa malamulo a Mozeji.>>

Roma 5:2

Muwari mwa liye eto muwari mwa nroromelo, nihiwanda volowa muwari mwa sayi da Mulugu dedo nnawendana hiyo. Eto ninna hagalala mwasiwa nihiiziwa ira vasogolro nnoza nione undimuwa wa Mulugu.

Roma 7:7

Nnga vire hiyo nikutchiwa zela wenda na malamulo, nnafuna niwonge avi? Kodi malamulo tchi yengo yotega? Nari, nne vang'ono! Tchoira dahaiziwa malamulo, miyo kadaiziwa jotega. Mwasiwa ahakala malamulo kawonga ira: <<Kusilrilre>>, miyo kadaiziwa ira silrilra tchi yengo yabure.

Roma 8:3

Tchoira Mulugu ohoirana yenno malamulo yahawandile atu irana. Malamulo tchawanda gondjiha jofuna jehu ja maningo ira hiyo niwandege irana joira japama. Mulugu mbwenye ohomuruma Mwanaye na maningo nnga mutu otega ira awatchele mmaningoni mwaye tongiwa wafuna hiyo tongiwa zela jotega jehu ira hiyo niiregena jengo japama jinafwanyeya mmalamuloni muwari mwa Munemba. Ale anawenda na maningo kinawanda irana jengo japama jinafwanyeya mmalamuloni. Anawanda irana gu hiyo atu owenda na Munemba.

Galasiya 2:16

Masiki eno hiyo nihiiziwa ira mutu kanakala wapama vamentoni va Mulugu muwari mwa joira jaye joharihamo malamulo, mbwenye unakala wapama momuroromela Yesu Kiristu. Hiyo nimuroromenle Yesu Kiristu ira niwande kala apama momuroromela liye bahi hiya vikaliha apama vamentoni va Mulugu muwari moharihamo joira ja malamulo. Tchoira kalivo unaza akale wapama vamentoni va Mulugu muwari moharihamo malamulo.>>

Galasiya 3:21

Kodi malamulo anoruniha mapangano a Mulugu? Kavali wandeya. Tchoira wahakale nlamulo nowanda nvaha mutu ingumi, atu kerege kala apama vamentoni va Mulugu muwari mwa malamulo.

Galasiya 3:24

Fwanyeya ira malamulo kaniwendiha nnga mboziye, ira Kiristu agazile, niwande kala apama muwari mwa nroromelo.

Efezo 3:12

Muwari mwa hiyo muroromela Yesu, muwari movira mwa liye, hiyo nnowanda fiya vamentoni va Mulugu molimbiha murima.

Koloso 1:27

Mulugu ohosakulra ira aaonihe atwaye otchenihiwa yengo yokoyeya yagali upama ulukulu wohokala wa masika unaawendela liye atwaye kagali atu ohokala aJudewu. Upamiwa gu ula. Kiristu uli mmirimani mwenyu, nona muhukana ibaribari zela undimuwa unafuna hiyo za kana.

1 Timoteyo 1:1

Unalremba gu miyo Pawulo, namarumiwa wa Yesu Kiristu, nnafwanyeya dagali mutu urumiwe na Mulugu Nvulusi wehu vamohi na Yesu Kiristu wenno unamuroromela hiyo.

Eberewu 10:1

Muwari mwa malamulo munafwanyeya nfulri bahi wa jengo japama jinafuna za sogolro. Mbwenye malamulo kahi jengo japama jiwa jinatonyihediwa muwari mwa nfulri. Nona malamulo tchawanda akwakwaneliheda atu anne kamukwivela Mulugu ira kamutamalele muwari mwa mikuto, masiki aliwa kavelelege mikuto dimohive kada yaka.

Eberewu 11:40

Tchoira Mulugu ohelavo zelru ira aliwa kibaranyede kana jatene mokwakwanela. So mbwenye Mulugu apanganne ira anigumanihe hiyo atene, a wanle na a tchineneva, amala ora yenno imohive anikwakwanelihede hiyo atene.

Eberewu 11:6

Eto vahali nroromelo, kavali wandeya ira mutu airena yengo yomuziveliha Mulugu. Tchoira mutu ira awande mukwivela Mulugu, unaroma rumela ira Mulugu ukalawo eto unoatambilriha ale ananvenda.

Eberewu 3:6

Mbwenye Kiristu kahi namalaba bahi. Liye eto gu Mwana ororomeleya osogolrelra vande va Mulugu. Fwanyeya ira akala hiyo nnomuhideda pama wenno nnamuroromela hiyo, akala nnowanda titimiha zela inaing'anela hiyo, nyumba ya Mulugu gu hiyene.

Eberewu 4:16

Nona tempu inasegedeya hiyo inafwanela niwande kwivela mohokayikela mpando wa umwene wewo unakumela sayi ira niwande wendeliwa tangaranga eto nifwanye sayi ira niwandege kamihediwa tempu inafuna hiyo nnga nikamihediwe.

Eberewu 6:18

Mulugu wenno ahananama univaha nipangano naye nohotchindjeya na yolumbela yaye yohotchindjeya, ku wonga jengo mbinli johotchindjeya ira hiyo aliba tamangela wa Yesu ira nivuneliwe niwande limbiha kopolo ira nihidedegeve yoing'anela yenno ilumbenle Mulugu ira anivahe.

Eberewu 7:11

Anamakuta anno kafwanyeya kagali aLevi, baawandela afwiwa malamulo a Mozeji. Mbwenye ahakale nnga atu kawandaga kala okwakwanela vamentoni va Mulugu muwari mwa unamakuta wa aLevi, unamakuta wewa kwamala, avolowagavo mutu mmohiwa ira akale namakuta molingana na nikuru na Melikezedeki. ALevi anno kakumile muzizani mwa Arawu kogokwakwana anno.

Eberewu 7:20

Eto fwanyeya ira zela anamakuta a wanle, Mulugu kalumbenle ira unamakuta wewa gwa mukalakala. Mbwenye zela namakuta muxa wenno unafwanyeya agali Yesu, Mulugu ohomuwongana yolumbela yaye inafwanyeya mMazuni ira: <<Nabwiya uhulumbela eto kaza atchindja. Liye uhuwonga ira: <We uli wa namakuta mukalakala.> >>

Eberewu 7:25

Nona liye unowanda avulusa mokwakwanela anno anafuna mukwivela Mulugu muwari mwa liye. Tchoira liye ukalawove kala no kala ira aalobelelege atwale vari va aliwa na Mulugu.

Eberewu 8:6

Eto fwanyeya ira Kiristu mabasa uvahiwe liye bokwaranya mabasa kalaba anamakuta a wanle, sawasawa nnga yopangana ikungile Kiristu vari va Mulugu na atu tchapama kwaranya Yopangana ya Wanle. Tchoira yopangana inalabana Kiristu isakanyiwe na mapangano apama kwaranya mapangano a Yopangana ya Wanle.

Eberewu 9:9

Jatene eji jali jofwalrafwaniha para tempu ili hiyo ila. Tchoira mwa tempu yenno mabasa kalaba anamakuta kavelelaga jovelela na mikuto, ejo kajawanda sakanyeda mmirimani mwa aliba mutamalela Mulugu ale ira kahakayena yowanganyeda zela vali atu.

Tiyagu 4:8

Mmukwivele Mulugu, mwaira eno na liyene unoukwivelani. Muhuwe manda enyu nyo atu otega. Muhuwe mmirimani mwenyu nyo atu oumbuwela ja wu na wu.