Eberewu 6:19 - Mazu Otchena a Mulungu

¹⁹ Yoing'anela yenno inna hiyo tchi yengo ya ibaribari inawanda hiyo hideda pama ira kalawo wehu ukale woimela wene mohokayikela. Tchoira yoing'anela yehu inodowa kwaranya kurtina ante volowa muwari mwa Nimburo Notchenetchetcha.

Eberewu 6:19 ပူးပေါင်းရင်းမြစ်များ

Izaiya 12:2

Kaing'anani Mulugu gu Nvulusi waga. Nnerege muroromela liye eto kilivo inaova miyo, mwasiwa Nabwiya Yehova ti kopolo nnadilimbiha miyo. Gu liyene unafuna miyo muimbela. Gu liyene unadivulusa.>>

Izaiya 28:16

Nona Nabwiya Yehova unawonga ira: <<Kaing'anani, gu miyene uhenle aliserisi muwari mwa Siyawu, nibwe nagali nibwe na ibaribari, nibwe na vamwendoni nofuneya valukulu. Ule unaroromele nibwe neno, kaza atekenyeya.

Matewuji 27:51

Mwa tempu yenne yakwa Yesu kurtina ilukulu yafwanyeya mmba mwa Nyumba ya Yehova yohokauwaga vari na vari roma zulu fiyeda vati. Eto ilambo yatene yohoinainaga eto mabwe kohotweyaga.

Joira ja Anamarumiwa 23:6

Jejile jagavirile, mulombwana Pawulo agaaonne anamatongale, ohoona ira: <<Atwala, amohi ba aSadusewu, amohi ba aFarizewu.>> Mwa enne ohowonga na mazu okuwa ira: <<Abalaga, miyo vano nnafwanyeya dagali muFarizewu, mwana wa aFarizewu. Ira disumeliwe eni, disumeliwe na mwasa okana yodediheda ira atu kakwa, anovenya mokwani. Mulandu unna miyo gwenno.>>

Joira ja Anamarumiwa 27:29

Evale muwari moova ira nera nidowegeve eni, afwase nnoguzula mabwe anafwanyeya mwiko mu, kohobwiniha momba donyemela minnayi na mingohi domangelela na mundulri mwa mwadeya ira dadora, mwadeya abihe imela. Evale aliwa kalobela ira unde utche mobaranya.

Joira ja Anamarumiwa 27:40

Kohopazaga mingohi da momba donyemela dile ira mwadeya awande wenda, momba dile aliwa hiya mwiko. Ora imohive kohotapula mingohi damangihilena atu lemi eto kohovenyihaga nguwo ya sogolro ira nipevo nindunye mwadeya ante tcherela yapama ile.

Roma 4:16

Mulugu opangana ira anvahe Abarahamu jatene muwari momuroromela ira ahimaye a musogolro kawande vahiwa jengo mwa sayi da Mulugu. Ahimiwa kahi so aJudewu anawendana malamulo bahi mbwenye tambe ba atu anno kahanawendana malamulo, malringana wenno unna nroromelo nnga na Abarahamu, wenno uli babi wa hiyo atu atene omuroromela Yesu.

Roma 4:18

Agali kaanna yodediha ira ambale mwana, liye ohororomela ira Mulugu unomukaliha baba wa malogo madjindji, nnga mwawandeliwele liye ira: <<Ahimawo anoza kakale oindjiva nnga nyenyedi.>>

Roma 5:4

Eto vilela ule unozana wenda na makalelo ofwanela. Eto wenda na makalelo ofwanela unozana hiyo kala oing'anela ja sogolro.

1 Korinto 13:13

Tempu ili hiyo ila, inafwanela mutu amuziveliwe nfwaye, akayena nroromelo, akayena dediha ja sogolro, mbwenye mwa jatene eji, ilukuluwa ku muziveliwa nfwawo.

1 Korinto 15:58

Nona nyo abalaga anauziveliwani miyo, mukale olimbene eto mukale oimelene pama. Inafwanela musimbwege irana mabasa a Nabwiya muwari moiziwa ira mabasa analaba hiyo muwari mwa Nabwiya kannalabela vasayi.

Efezo 2:6

Mulugu univenyiha vamohi na Kiristu, nigaratiha vamohi na Kiristu mamburo a zulu-zulu, anigumanihaga vamohi na Yesu Kiristu.

Koloso 1:27

Mulugu ohosakulra ira aaonihe atwaye otchenihiwa yengo yokoyeya yagali upama ulukulu wohokala wa masika unaawendela liye atwaye kagali atu ohokala aJudewu. Upamiwa gu ula. Kiristu uli mmirimani mwenyu, nona muhukana ibaribari zela undimuwa unafuna hiyo za kana.

Koloso 3:1

Akala nyo muhuiziwa ira hiyo nihivenyihiwa vamohi na Kiristu, inafwanela muvendege jengo ja zulu jinafwanyeya wewo Kiristu uli liye ogaratene muwononi odjana wa Mulugu.

2 Timoteyo 2:19

Mulugu mbwenye vaimenle liye ulive olimbene nnga aliserisi. Ibaribari zela vaimenle Mulugu inafwanyeya muwari mwa mazu oira: <<Mulugu umala aiziwa ali aye.>> vamohi na mazu oira: <<Mutu uli watene unaromola nzina na Nabwiya ahiye joviringana.>>

Eberewu 4:16

Nona tempu inasegedeya hiyo inafwanela niwande kwivela mohokayikela mpando wa umwene wewo unakumela sayi ira niwande wendeliwa tangaranga eto nifwanye sayi ira niwandege kamihediwa tempu inafuna hiyo nnga nikamihediwe.

Eberewu 9:3

Mbwenye mutu akwaranya Nimburo Notchena nne afwanya kurtina yanembinli. Konde wa kurtina yanembinli ule ali nimburo naitaniwa Nimburo Notchenetchetcha.

Eberewu 9:7

Mbwenye avolowa Nimburo Notchenetchetcha akala mundimuwa wa anamakuta bahi. Liye eto avolowa va yaka fendo imohi bahi. Eto avolowaga, kahi ira avolowa ve eno ahatukunle yengo, nari. Avolowaga ovolowana sangiri, liye velela wa Mulugu ira akunele jotega jaye na jotega jaira atu kahaiziwaga ira yenna tchotega.

1 Peduru 1:3

Otamaleliwa akale Mulugu, Baba wa Nabwiya wehu Yesu Kiristu mwasiwa na tangaranga daye dilukulu, ohonibala akoka ira niwande kana yoing'anela ya ibaribari yokumela muwari movenya wa Yesu Kiristu mokwani.