Eberewu 6:18 - Mazu Otchena a Mulungu

¹⁸ Mulugu wenno ahananama univaha nipangano naye nohotchindjeya na yolumbela yaye yohotchindjeya, ku wonga jengo mbinli johotchindjeya ira hiyo aliba tamangela wa Yesu ira nivuneliwe niwande limbiha kopolo ira nihidedegeve yoing'anela yenno ilumbenle Mulugu ira anivahe.

Eberewu 6:18 ပူးပေါင်းရင်းမြစ်များ

Jenesesi 19:22

So ubaranye ira utawele wewule, mwasiwa miyo nnaudedihege weyo ufiye para dirome laba mabasaga.>> Na mwasa wenne, sidadile inaitaniwa Zowari [ku wonga ing'onong'ono].

1 Amwene 2:28

Fwanyeya ira mulombwana Jowabe aharetcha jofuna ja mulombwana Adoniya, agali voroma vene ohokonda muhara Abisalawu. Mwa enne liye agavwile zela jejo jamuireyele namakuta Abiyatare na Adoniya, liye ohotawaga dowa mMusasani mwa Yehova, liye dowa hinda nnyanga na ibuwa ya mukuto.

Izaiya 27:5

Owu hehi amwidani kaze kadinyindele miyo nnga nimburo newa nolimba notawelamo. Kaze kapangane na miyo murendele. Na ibaribari kaze kapangane na miyo murendele.>>

Izaiya 51:12

Miyo gu miyene unaulimbihani. Kodi nyo muli ani ira mumuovege mutu unafuna za kwa? Munamuovela nni mutu wenno unafuna za vunda nnga malatchi?

Izaiya 56:4

Tchoira Yehova unawonga ira: <<Zela atu ohoya mmba anno anakoya masabado aga eto anasakulra irana jejo jinafuna miyo, vamohi no limbiha pama yopangana yaga,

Izaiya 64:7

Kalivo nne mutu mmohi unaitana nzina nenyu, nne kalivo unarurumuwa ira auvepeni nyo. Tchoira nyo muhutawiha kove yenyu wa hiyo eto muhunihiya ira nitolowe na mwasa wa jotakala jehu.

Matewuji 24:35

Zulu na ilambo ya vati jinoza jivire, mbwenye mazwaga kiza kamala.

Matewuji 3:7

Mwa ora yenno, kohokalawo andimuwa oasogolrelra aJudewu zela ja Mulugu. Amohiwa kali nikuru na aFarizewu, amohiwa kali nikuru na aSadusewu. Mwa enne Juwawu vaaonnege liye adjindji kazaga, kafunaga jobatiziwa na liye, ohovayela asumulula eraga: <<Nyo mulogo wa jivili nyo! Kodi uuwandenleni bani ira mutawe uwali wa Mulugu unafuna za utolotchani?

Lukaji 2:25

MuJeruzalemu mule mohokala mulombwana mmohi aitaniwa Simeyawu. Liye ali mutu wapama, omuriheda Mulugu eto odediheda ona womboliwa wa aIzarayeli. Eto liye ali mutu owenda na Munemba Otchena.

Roma 15:5

Mulugu wenno unavaha vilela no limba murima, awande gumaniha mirima denyu ira muwendege vamohi movwanana mofuna mwa Yesu Kiristu

Roma 3:25

Mulugu amurumile Yesu ira aze avuvihe sangiri naye ira mutu amuroromela, Yesu mwa sangiri naye amalihena uwali wanna Mulugu zela mutule. Mulugu ohoirana eno ira aonihe ira liye gowongowa, tchoira wanle Yesu ahanaze Mulugu movilevela mwaye, ohiya vammambalo jotega ja atu.

Roma 3:4

Nari, nne vang'ono! Inafwanela niiziwe ira masiki atu atene kakale atu onama, Mulugu mbwenye gwa ibaribari. Kalaga nnga ilrembiwe mMazuni ira: <<Nyo Mulugu mwawonga, gunafwanyeyana razawu. Nyo Mulugu munoagondjiha atene ofuna usumelani.>>

Roma 5:5

Yoing'anela inna hiyo kinagomela nivaha manyazo mwasiwa Munemba Otchena Mulugu univahile liye unoniiziwiha hiyo mmirimani mwehu ira na ibaribari Mulugu unoniziveliwetchetcha.

Filipo 2:1

Mwaona ira munalimbiheya mwa Kiristu eto muwari moziveliwiwa na Kiristu, muhupwaseya eto muhukana Munemba Otchena unawendana nyo eto muhukana ziveliwa para afwinyu eto munafuna aliwa kaone upama,

Koloso 1:23

Ira Yesu awande uvelelani mwagali apamene siku nenne, inofuneya muwendegeve na nroromelo nenyu, mukale atu olimba eto ovilela, kamuhiye yoing'anela yenno ikumile muwari mwa Muselu Wapama muvwile nyo, wenno ulaleyiwe ilambo yatene ya vati. Miyo Pawulo divahiwe ira dikale namalaba wa Mulugu olaleya muselu wenno.

Koloso 1:27

Mulugu ohosakulra ira aaonihe atwaye otchenihiwa yengo yokoyeya yagali upama ulukulu wohokala wa masika unaawendela liye atwaye kagali atu ohokala aJudewu. Upamiwa gu ula. Kiristu uli mmirimani mwenyu, nona muhukana ibaribari zela undimuwa unafuna hiyo za kana.

Koloso 1:5

mwasiwa nyo muhukana ibaribari zela yoing'anela inafuna nyo vahiwa ilambo ya zulu. Yoing'anela yenno muromile vwa muwari mwa mazu a ibaribari anno anafwanyeya kagali Muselu Wapama.

1 Tesalonika 1:10

Eto aliwa anamudediha Yesu, Mwana Mulugu wenno Mulugu unvenyihile liye mokwani ira unoza akume zulu, aze mwilamboni ya vati akoka. Eto aliwa anadediha ira Yesu gunafuna nivunela mwa uwali wa Mulugu unafuna za.>>

1 Timoteyo 1:1

Unalremba gu miyo Pawulo, namarumiwa wa Yesu Kiristu, nnafwanyeya dagali mutu urumiwe na Mulugu Nvulusi wehu vamohi na Yesu Kiristu wenno unamuroromela hiyo.

1 Timoteyo 6:12

Uwanege kondo yapama yozela irana ja nroromelo. Malambo a mundulrimu Mulugu uitana weyo ira ukayena ingumi yohomala eto weyo wohowanda rumela zela ingumi yenno vamentoni va amboni adjindji. Inafwanela uhidede pama ingumi yenno.

2 Timoteyo 2:13

Eto hiyo nahakayena nroromelo, liye mbwenye unokalave ororomeleyene. Mwasiwa liye eka kanawanda viruna.

Titu 1:2

muwari mokana yoing'anela ira nnoza nivahiwe ingumi yohomala yenno Mulugu wenno ahananama, alumbenle liye nivaha, romelave wanle ahanapandutche zulu na ilambo ya vati.

Eberewu 11:7

Mwa nroromelo mulombwana Nowe agawandeliwe zela jengo jafuna za ireya, jejo ora yenno jali jahanaoneye, liye muwari momutitimiha no muova Mulugu, ohosema mwadeya ira liye na atu a vande vaye kavuluwe. Muwari moirana eno, Nowe ohagwihana mulandu atu atene kafwanyeya mwilamboni ya vati eto liye kala mutu oing'anela watchela upama wenno unazela muwari mwa nroromelo.

Eberewu 3:11

Eto muwari mwa uwali wanna miyo, miyo doholumbela ira: <Atu anne kiza eto kavolowa muwari movuma unaavaha miyo.> >>

Eberewu 3:6

Mbwenye Kiristu kahi namalaba bahi. Liye eto gu Mwana ororomeleya osogolrelra vande va Mulugu. Fwanyeya ira akala hiyo nnomuhideda pama wenno nnamuroromela hiyo, akala nnowanda titimiha zela inaing'anela hiyo, nyumba ya Mulugu gu hiyene.

Eberewu 6:17

Nona Mulugu na liyene ira awande aoniha ale kafuna watchela nipangano naye ira mwa ibaribari jofuna jaye kajinatchindjeya, agawongile nipangano naye, liye eto ohowendjeda yolumbela yaye.

Eberewu 7:19

Voira malamulo tchawandile kwakwaneliheda yengo ili yatene, vamalroni va malamulo nihiwanda vahiwa yoing'anela ixa, unafwanyeya agali mutu unamuing'anela hiyo. Eto muwari mwa mutu wenno, hiyo nnowanda mukwivela Mulugu.

Jozuwe 20:3

Sidadi dedo nnalabege ira mutu wenne unampe nfwaye mohofuna, nari mohokozeyela, atawelegemo ira mutu wenne upiwile ule mbalaye azaga ira awelihe kunyakunya, ahawandege muirela yabure.

1 Juwawu 1:10

Naira: <<Hiyo kannababihege tega>>, nnamukaliha Mulugu nnga mutu onama eto mazwaye kinafwanyeya muwari mwa hiyo.

1 Juwawu 5:10

Wenno unamuroromela Mwana Mulugu ukana umboni mmirimani mwaye ekave. Mbwenye wenno ahanarumela umboni wa Mulugu unamuwesa Mulugu nnga mutu onama mwasiwa liye karoromenle umboni Mulugu amuhidedele liye Mwanaye.

1 Samuweli 15:29

Eto Mulugu, wenno unafwanyeya agali Ibaribari ya aIzarayeli, kananama eto youmbuwela yaye kanatchindja. Liye kahi mutu nnga hiyo ira amala unotchindja youmbuwela yaye, liye hairagana yenno iwongile liye.>>