Eberewu 6:17 - Mazu Otchena a Mulungu

¹⁷ Nona Mulugu na liyene ira awande aoniha ale kafuna watchela nipangano naye ira mwa ibaribari jofuna jaye kajinatchindjeya, agawongile nipangano naye, liye eto ohowendjeda yolumbela yaye.

Eberewu 6:17 ပူးပေါင်းရင်းမြစ်များ

Jenesesi 26:28

Aliwa kohomuwakulaga keraga: <<Tchoira nihiona ira na ibaribari Yehova uli na weyo. Mwa eno, nihifiyeda umbuwela ira: <Tchapama nidowe nagumane na liye ira niwandane.> Nnafuna ira nisakanye yopangana yowandana na weyo.

Ezodu 22:11

mutu wenne akoyile alumbele vamentoni va Yehova ira: <Uirilena kahi miyo.> Evale mwinnyole arumele yolumbela ya nfwaye. Jaireya enne nfwaye ule kanapagalri zela yenno idimenle.

Izaiya 14:24

Yehova wa Makuru Matene ulumbela ira: <<Nnga muumbuwenle miyo, nnoza diirena eno. Nnga mwemo mufunne miyo, inoza iireye eno.

Izaiya 46:10

Miyo dohovayela wonga ja magomelo kuma voroma vene. Roma wanle dohowonga ja sogolro jali jahanaireyeve. Miyo dohowonga ira: <<Inaumbuwela miyo kinaimwanana ireya. Nnoza diirena jatene jinafuna miyo irana.>>

Izaiya 55:11

Na makalelo amohive, mazu aga anakuma muwano mwaga kinawela kaza wa miyo kahalabile yengo. Mbwenye anolaba nnga mwemo munafunela miyo eto anokwakwaneliheda yenno inaruma miyo ira kalabe.

Izaiya 55:7

Mutu otakala ahiye makalelo aye otakala. Eto mutu oirana jabure atchindje joumbuwela jaye, awelele wa Yehova ira Yehova amuwendele tangaranga. Awelele wa Mulugu wehu mwasiwa liye gowanda levelela valukulu.

Malakiya 3:6

Jatene ejo nnoirana, tchoira miyo dili Yehova ohotchindjeya. Nona nyo ana Jako mwahatolowa.

Juwawu 10:10

Mbava azaga, unazela ira abe, ape, atolotche. Mbwenye miyo dizele ira atu kakayena ingumi eto kana uwa kakayena mokwakwanela.

Roma 11:29

Tchoira Mulugu anvaha mutu yengo, umala nvaha. Mulugu amusakulra mutu, umala musakulra.

Roma 8:17

Muwari mokala ana Mulugu, hiyo nnoza nivahiwe upama unna Mulugu. Nnafuna nigane upama wenno Kiristu uvahiwe liye. Ira nivahiwe upama, unazela muwari mwa goyi nnaona hiyo, malringana nionihiwe goyi nnga goyi daonihiwe Yesu ira vasogolro nize nititimihiwe vamohi na liye.

Galasiya 3:29

Muwari moira nyo muli a Kiristu aye, na nyenne muli ahima a Abarahamu. Na nyenne munoza mutambilre japama japanganne Mulugu.

Efezo 1:11

Jatene jinaireya, jinaireya muwari mofuna mwa Mulugu. Mulugu muwari mofuna mwaye unisakunle na hiyene aJudewu wanle ira niwande kana rayela zulu muwari mwa Yesu.

Eberewu 11:7

Mwa nroromelo mulombwana Nowe agawandeliwe zela jengo jafuna za ireya, jejo ora yenno jali jahanaoneye, liye muwari momutitimiha no muova Mulugu, ohosema mwadeya ira liye na atu a vande vaye kavuluwe. Muwari moirana eno, Nowe ohagwihana mulandu atu atene kafwanyeya mwilamboni ya vati eto liye kala mutu oing'anela watchela upama wenno unazela muwari mwa nroromelo.

Eberewu 11:9

Muwari mwa nroromelo naye liye ohowanda dowa garati ilambo yenno Mulugu apanganne liye ira anvahe nnga mutu oza. Liye kamangile nyumbaye, mbwenye akala mmisasani vamohi na Izaki na Jako, anno kawatchenle nipangano nimohive.

Eberewu 6:12

Muwari mokana ibaribari zela yoing'anela inna hiyo, kamunakala atu oimwa mbwenye munaasazihege afwinyu anno anawanda vahiwa japama Mulugu apanganne liye mwasiwa aliwa kohokana nroromelo no vilela.

Eberewu 6:16

Tchoira atu karunihagana bure, kafunaga maliha runihana wewa, anolumbeletcha na nzina na mundimuwa oakwaranya aliwa. Mutu alumbela enne, tapulela ira iwongile liye tcha ibaribari.

Eberewu 6:18

Mulugu wenno ahananama univaha nipangano naye nohotchindjeya na yolumbela yaye yohotchindjeya, ku wonga jengo mbinli johotchindjeya ira hiyo aliba tamangela wa Yesu ira nivuneliwe niwande limbiha kopolo ira nihidedegeve yoing'anela yenno ilumbenle Mulugu ira anivahe.

Tiyagu 1:17

Inafwanela muiziwe ira yengo ili yatene yapama, yengo ili yatene yokwakwanela tchi yengo yokumela zulu, wa Baba wenno upandutchile moneya watene, Baba wenno ahanatchindjeya eto ahanasusa nnga vini nfulri asusaga.

Tiyagu 2:5

Abalaga anaaziveliwa miyo kavuruwanani. Mulugu ohasakulra atu osimela a mwilamboni ira kakale orayela zela kana nroromelo eto ira kakale ofuna watchela Umwene wa Mulugu wenno alumbenle liye avaha anno anamuziveliwa.

1 Peduru 1:3

Otamaleliwa akale Mulugu, Baba wa Nabwiya wehu Yesu Kiristu mwasiwa na tangaranga daye dilukulu, ohonibala akoka ira niwande kana yoing'anela ya ibaribari yokumela muwari movenya wa Yesu Kiristu mokwani.

1 Peduru 3:7

Eto na nyenne alombwana mutenle, inafwanela mukalege vamohi na ahiyaninyu mmavande mwinyu mwa zelru. Tchoira aliwa makalelo kanna atu ba makalelo ovuta kwaranya makalelo munna nyo. Nona inafwanela mwarihedege ahiyaninyu mwasiwa na aliwene anafuna kawatchele ingumi yohomala mwa sayi vamohi na nyo. Inafwanela muiregena jatene eji ira jolobela jenyu jiwandege vweya.