Eberewu 6:12 - Mazu Otchena a Mulungu

¹² Muwari mokana ibaribari zela yoing'anela inna hiyo, kamunakala atu oimwa mbwenye munaasazihege afwinyu anno anawanda vahiwa japama Mulugu apanganne liye mwasiwa aliwa kohokana nroromelo no vilela.

Eberewu 6:12 ပူးပေါင်းရင်းမြစ်များ

Matewuji 22:32

<Miyo dili Mulugu wa Abarahamu, Mulugu wa Izaki na Mulugu wa Jako!> Liye kahi Mulugu wa atu okwa, mbwenye gu Mulugu wa atu okalawo!>>

Matewuji 25:26

Evale patarawaye ule ohomuwakulaga eraga: <We namalaba wabure eto olramwisa we. Akala weyo wohomala iziwa ira miyo nnohanda munda wenno wahazanle miyo eto nnodula vevo vahaokile miyo mbewu,

Lukaji 16:22

<<Noira enne, maliba simela Lazaro ule ohokwa. Agakwile, angelro kohomutukula, aliwa mudowana wewo wafwanyeya Abarahamu. Eto vagamanle malambo a vang'ono, mulombwana orayela ule na liyene ohokwa, liye koyiwa.

Lukaji 8:15

Mbwenye mbewu dedo damorenle vateyani vapama, ba atu anne anavwa mazu a Mulugu, kakoyaga kaganna murima wapama na makalelo apama eto kavahaga jovaha japama muwari movilela.>>

Roma 12:11

Kamuirege japama molramwisa. Inafwanela muiregena japama mwa Munemba, mmulabaga Nabwiya.

Roma 2:7

Ale kavilenle irana joira japama muwari mofuna upama wa ibaribari, no titimihiwa na Mulugu, na ingumi yohokana goma uwa, Mulugu unoavaha ingumi yohomala.

Roma 4:12

Mulugu anvulusile Abarahamu ahanaineliwe ira liye akale nnga babi wa atene ale kafuna za kalihiwa nnga atu apama momuroromela Mulugu ahali muwari moineliwa. Eto liye gu babi wa atene kaineliwe eto anawenda na makalelo omuroromela Mulugu nnga jairile liye wanle ahanaineliwe.

1 Tesalonika 1:3

Tchoira hiyo nnoumbuweletcha vamentoni va Mulugu Babihu mabasa munahinda nyo muwari mwa nroromelo nenyu na makalelo analaba nyo muwari moaziveliwa afwinyu mwaakamihedaga no dediha wenyu wolimba munna nyo muwari mwa Nabwiya wehu Yesu Kiristu.

2 Tesalonika 1:4

Malambwala nyo muli muwari moharahariwa eto jikalawo jengo jidjindji jinouireyelani. Mbwenye masiki eno nyo munovilela eto muli olimba muwari mwa nroromelo. Na mwasa wa makalelo matene apama munna nyo, hiyo nagumana na makuru a atu a Mulugu, nnoutitimihetchani.

Eberewu 1:14

Nnga kodi angelro bani? Angelro ti minemba. Ba anamalaba anno Mulugu unaaruma liye ira kadowe kaakamihedege atu anne anafuna watchela vulusiwa.

Eberewu 10:36

Inafwanela mukale atu ovilela muiragana funa wa Mulugu. Tchoira mwavilela, mwagairilena yofuna ya Mulugu, munoza muwatchele yenno Mulugu ipanganne liye ira auvaheni.

Eberewu 11:33

Tchoira atene anno mwa nroromelo kohogondjiha maumwene, aliwa venyiha matongelo a ibaribari mwilamboni, aliwa fiyeda watchela mapangano, aliwa eto kohofunga milomo da apodogoma,

Eberewu 12:1

Afwihu atene naawongile hiyo ala anafwanyeya kagali amboni oindjiva kanirindjile. Nona naona zela amboni adjindji ozela joira jiwa, inafwanela nitatile yengo ili yatene inaninyemela na jotega jejo jinanipitikelrelra, nitamange korida yenno ivahiwe hiyo.

Eberewu 13:7

Kamudiwalege mawendelo a andimuwinyu anno kauwandenleni mazu a Mulugu. Inafwanela eto mwahadiwale makalelo anafuna atu gomela zela mawendelo ewa, na nyenne musazihe nroromelo ninna atu.

Eberewu 5:11

Nihikana jengo jidjindji jinafuna hiyo wonga zela unamakuta wa Yesu. Mbwenye ili yorutcha ira nuwandeleni mwasiwa nyo muli atu orutchiwa onelramo.

Eberewu 6:15

Mwa enne mulombwana Abarahamu ohoroma dediha muwari movilela ante liye fiyeda vahiwa yapanganne Mulugu.

Tiyagu 1:3

Tchoira vilela wenyu unaoneya pama mwalimba muwari moxixiwa nroromelo nenyu.

2 Peduru 1:10

Nona abalaga inafwanela muzuzumelege ira ioneye ira mwa ibaribari muli atu oitaniwa, atu osakulriwa. Tchoira mwairaga eno, kamuza mugwagwaduwa.

1 Juwawu 2:25

Eto nipangano ninivahile liye tchoira unonivaha ingumi yohomala.

Jowandeliwa 13:10

Ule usakulriwe ira ahindiwe, unohindiwa. Ule usakulriwe ira apiwe na supada, unopiwa na supada. Jafiya eno, inafwanela atu otchenihiwa kakale ovilela eto kakale olimba mwa nroromelo.