Eberewu 6:11 - Mazu Otchena a Mulungu

¹¹ Hiyo eto nnafuna ira kada mutu muwari mwa nyo awendegeve na makalelo anno fiyeda magomelo. Tchoira mwakanave makalelo anno, munowanda kana ibaribari yatene ira munoza mukayena yoing'anela inaing'anela hiyo.

Eberewu 6:11 ပူးပေါင်းရင်းမြစ်များ

Izaiya 32:17

Evale atu kairagana upama, mwilamboni munokala murendele. Eto muwari mwa upama, ilambo inakala yomiyalene eto yowendelana kala no kala.

Matewuji 24:13

Mbwenye mutu wenno unavilele ante magomelo wa makatamiho anno, unovulumuwa.

Lukaji 1:1

Atu adjindji kohovilevela ira kalrembe istoriya ya jengo jiireyile muwari mwa hiyo.

Roma 12:8

Akala Mulugu uuvahile yolemelela ira uwandege alimbiha afwawo, waalimbihege afwawo. Akala Mulugu uuvahile yolemelela ira uwandege avaha afwawo jengo, waavahege afwawo nnga vagomele kana wawo. Akala Mulugu uuvahile yolemelela yoasogolrelra afwawo, waasogolrelrege na mmirimani mwawo mwatene. Akala Mulugu uuvahile yolemelela ira uwandege awendela afwawo tangaranga, uiregena mohagalala.

Roma 15:13

Mulugu wenno unavaha ing'anela ja sogolro awande uzalihani hagalala na murendele muwari momuroromela ira muwandege limbihiwa zela jinaing'anela nyo sogolro muwari mwa kopolo da Munemba Otchena.

1 Korinto 13:13

Tempu ili hiyo ila, inafwanela mutu amuziveliwe nfwaye, akayena nroromelo, akayena dediha ja sogolro, mbwenye mwa jatene eji, ilukuluwa ku muziveliwa nfwawo.

1 Korinto 15:58

Nona nyo abalaga anauziveliwani miyo, mukale olimbene eto mukale oimelene pama. Inafwanela musimbwege irana mabasa a Nabwiya muwari moiziwa ira mabasa analaba hiyo muwari mwa Nabwiya kannalabela vasayi.

Galasiya 5:5

Hiyo mbwenye muwari mwa Munemba Otchena, muwari mwa nroromelo, nihikana yodediheda ira Mulugu unoza anifwanye nagali atu apama vamentoni vaye.

Galasiya 6:9

Kanigomeni irana jengo japama mwasiwa sogolro ukala handa. Malringana nahahiye irana japama, nnoza nihandeni.

Filipo 3:15

Inafwanela hiyo nili olimba muwari mwa nroromelo niumbuwele na makalelo mamohive anno. Akala muwari mwa jowonga jatene jiwongile miyo, ihikalavo yengo imohi yahanawanda nyo rumela pama, unafuna uonelrihedanimo gu Mulugu.

Koloso 1:23

Ira Yesu awande uvelelani mwagali apamene siku nenne, inofuneya muwendegeve na nroromelo nenyu, mukale atu olimba eto ovilela, kamuhiye yoing'anela yenno ikumile muwari mwa Muselu Wapama muvwile nyo, wenno ulaleyiwe ilambo yatene ya vati. Miyo Pawulo divahiwe ira dikale namalaba wa Mulugu olaleya muselu wenno.

Koloso 1:5

mwasiwa nyo muhukana ibaribari zela yoing'anela inafuna nyo vahiwa ilambo ya zulu. Yoing'anela yenno muromile vwa muwari mwa mazu a ibaribari anno anafwanyeya kagali Muselu Wapama.

Koloso 2:2

ira mulimbiheye mmirimani mwenyu mwagali atu oluweya vamohi muwari mozivelana. Ili ira muwande kana rayela wewo ozela kana ibaribari no onelramo mohokayikela zela Kiristu. Fwanyeya ira Kiristu wanle ali nnga yengo yohoiziweya burebure Mulugu aiziwile liye ekave.

1 Tesalonika 1:5

Tchoira nagaulaleyileni Muselu Wapama ozela vulusiwa, kamwere vwa, nyo kwaranyavo, nari. Muwari mwa Munemba Otchena, mazwale kohoufwanyani na kopolo eto kohogarateya pama mmirimani mwenyu. Nyo muhumala iziwa makalelo matene apama nanna hiyo tempu yawenda hiyo na nyo ira nyo muwande watchela mazu nalaleya hiyo.

1 Tesalonika 4:10

Nyo malambwala muli ozivelanene eto munoaziveliwa abalihu atene omuroromela Yesu anafwanyeya muwari mwa porovinsiya ya Masedoniya mwatene. Inafuna hiyo ukokomezani tchi ila. Zivelana munna nyo, kamuhiye mbwenye mudowegenave musogolro.

2 Tesalonika 3:13

Mbwenye nyo abalihu, kamugomegena irana japama.

Eberewu 10:22

Na mwasa wa jatene eji, inafwanela nimukwivele Mulugu mohokana yowanganyeda mmirimani mwehu, mokana nroromelo nolimba, mokana mirima dapama mowokiwa sangiri ira nahakayena jowanganyeda jotakala eto nimukwivele Mulugu muwari mokana maningo ohuwiwa na mahindje otchena.

Eberewu 3:14

Tchoira hiyo nihikana pandi na Kiristu nakala oimelene fiyeda makutulo na nroromelo nehu nanna hiyo voroma vene.

Eberewu 3:6

Mbwenye Kiristu kahi namalaba bahi. Liye eto gu Mwana ororomeleya osogolrelra vande va Mulugu. Fwanyeya ira akala hiyo nnomuhideda pama wenno nnamuroromela hiyo, akala nnowanda titimiha zela inaing'anela hiyo, nyumba ya Mulugu gu hiyene.

Jozuwe 7:3

Nomala eno, kohowelaga, aliwa dowa muwandela Jozuwe ira: <<Ilambo nifwanyile hiyo wewule, kinafuneya ira atu atene kadowe wewule. So yapamiwa inafwanela naarumeni alombwana okwakwana 2.000 owu 3.000 ira kadowe kawane na akuda Ayi. Kamwaazuzumihe atu atene, nari. Mwasiwa atu anafwanyeya sidadi yenne kahi anene.>>

1 Peduru 1:21

Muwari mwa Kiristu nyo munowanda muroromela Mulugu wenno anvenyihile Yesu mokwani, anvaha undimuwa. Jejo Mulugu airilena ira nroromelo nenyu no ing'anela wenyu jiwande kala na liye.

2 Peduru 1:10

Nona abalaga inafwanela muzuzumelege ira ioneye ira mwa ibaribari muli atu oitaniwa, atu osakulriwa. Tchoira mwairaga eno, kamuza mugwagwaduwa.

2 Peduru 3:14

Nona afwaga anaaziveliwa miyo, voira nyo muli vari vodediha eji, inafwanela muzuzumelege ira liye azaga, aufwanyeni mwahanna ndamba nari yodugudela eto mwagali opwaseyene.

1 Juwawu 3:14

Hiyo nihiiziwa ira nihikuma mokwani mwali hiyo, nihivolowa muingumini mwasiwa hiyo nnoaziveliwa abalihu. Wenno ahanna zivela na abalaye unawendave mokwani.

1 Juwawu 3:19

Muwari mozivelana pa evo vanawanda hiyo iziwa ira hiyo nili a ibaribari eto mmirimani mwehu nnowanda limbiheya vamentoni vaye.

Jowandeliwa 2:26

<<Mutu wenno unagondjihe eto airagana jofuna jaga fiyeda makutulo, miyo nnonvaha utongi Baba udivahile liye. Utongi wewo ku atonga atu a maziza matene mofuna mwaye na makalelo nnga mutu unatukula liye ikumbuzo ya momba, aroma twana jombwe jikalaga mapalive.