Eberewu 6:10 - Mazu Otchena a Mulungu

¹⁰ Tchoira Mulugu gu Mulugu otonga pama. Liye kanalramwisa jatene jaira nyo momuumbuwela liye, mwaakamihedaga afwinyu otchenihiwa, mwaalabelaga eto mwaaziveliwaga. Eto tcheniyo inairana nyo na vanove. Jatene ejo Mulugu kanalramwisa.

Eberewu 6:10 ပူးပေါင်းရင်းမြစ်များ

Ezodu 1:20

Na mwasa oira anamabaliha ale kali atu omuova Mulugu, Mulugu ohairela upama eto ohareliha mmabandjani mwewa.

Matewuji 10:42

<<Eto mutu wenne unanvahe masiki kopo imohi ya mahindje odidila muwari mwa atu olramwiseya ala, anvahaga muwari moira gu namadiharaga, miyo na ibaribari nnouwandelani ira liye unoza akayena yotambilra yaye!>>

Matewuji 20:7

Evale aliwa kohomuwakulaga, aliwa ira: <<Kaniire funa. So mbwenye hiyo kanimuonne mutu ofuna nivaha mabasa ira nilabe siku na peno ni.>> Mwa enne liye ohawandelaga kwi: <<Na nyenne dowani mwalabege mundani waga wa uva, wewo unalaba afwinyu.>> Evale kohodowa, aliwa labaga.

Matewuji 25:17

Eto nfwaye mmohiwa avahiwile kobiri mbinli ule, ohoroma sakanyana malronda, liye patamo kobiri dimohi diwa mbinli.

Markuji 9:41

Tchoira miyo na ibaribari nnouwandelani ira mutu wenno unauvahani kopo ya mahindje ira mung'we na mwasa wa nyo kala atu a Kiristu, liye unoza akayena yotambilra yaye.>>

Juwawu 13:20

<<Miyo nnafuna duwandeleni ibaribari. Mutu wenne unamuwatchela wenno dimurumile miyo, mutuyo udiwatchela eto miyo. Eto ule unadiwatchela miyo, umuwatchela na wenno udirumile.>>

Joira ja Anamarumiwa 10:31

liye ira: <Korneliyo, lobela wawo uhuvweya eto jovaha jawo jejo jinaavaha we aliba simela, jihifiya wa Mulugu nnga mukuto onukela pama.

Joira ja Anamarumiwa 10:4

Evale agamuonne, ohorendjeyaga, liye roma muing'anaga pama aganna ova ulukulu, liye ira: <<Kawongani Nabwiya, munafuna nni?>> Evale mungelrole ohomuwandelaga liye ira: <<Jolobela jawo na jovaha jawo jejo jinaavaha we aliba simela, jihifiya wa Mulugu nnga mukuto onukela pama.

Joira ja Anamarumiwa 11:29

Vevale anamamuhara Yesu a Antiyokiya kohelavo zelru ira: <<Ndoweni nisokeni kobiri ira naavahe abalihu omuroromela Yesu anafwanyeya Judeya.>> Evale kada mutu ohovelela kobiri nnga yawandile liye.

Roma 12:13

Mukayena makalelo oakamiheda afwihu otchenihiwa zela jengo jinaahalela. Muzuzumelege ira mwaawatchelege alendo na makalelo apama.

2 Korinto 9:1

Zela ja sokasoka jejo jinasokiwa para akamiheda atu otchenihiwa, kahi yengo yoira dulrembelegeni.

Galasiya 5:13

Nyo abalaga muhuitaniwa ira mukale atu okutchiwa. Mbwenye muwari mokala atu okutchiwa, kamunukede kutchiwa wenyu ira ukale dugumento noirana jofuna ja maningo. So mbwenye inafwanela muwandege kamihedana muwari mozivelana.

Galasiya 5:6

Tchoira mutu uli muwari mwa Yesu Kiristu, akala uineliwa owu hehi kaineliwe, jejo kajinna mabasa. So ilukuluwa inafuneya mutu akayena nroromelo eto muwari mwa nroromelo aaziveliwege afwaye.

Galasiya 6:10

Inafwanela niwande akamiheda atu atene na makalelo anawanda hiyo. Eto muwari moakamiheda atu atene mule, inafwanela nisimbwege kamihedana mukalele hiyo atu okana nroromelo.

Detoronomiyo 32:4

<<Liye gu Nibwe nindimuwa eto jolaba jaye jatene ti jolaba jokwakwanela, tchoira ndila daye datene nnafwanyeya dagali ndila dapama. Mulugu gororomeleya, muwari mwa liye kamunafwanyeya jonyenga. Mulugu unafwanyeya agali wapama eto owongowa.

Koloso 3:17

Inafwanela eto jowonga jenyu, joira jenyu, jatene jene muirege na nzina na Nabwiya Yesu eto muiregena muwari momutamalela Mulugu Baba movira mwa Yesu.

1 Tesalonika 1:3

Tchoira hiyo nnoumbuweletcha vamentoni va Mulugu Babihu mabasa munahinda nyo muwari mwa nroromelo nenyu na makalelo analaba nyo muwari moaziveliwa afwinyu mwaakamihedaga no dediha wenyu wolimba munna nyo muwari mwa Nabwiya wehu Yesu Kiristu.

1 Timoteyo 6:18

Inafwanela aliba rayela kairegena japama, kakale orayela zela irana jengo japama, kaavahege atu jengo na manda menli eto kakale okozeyene ira kameyewo jokana jiwa, kaakamihedegena afwiwa.

2 Timoteyo 4:8

Kuma peno dowa sogolro nnaing'anela tambilra tchapowa wa upama wenno Nabwiya Namatonga wapama unafuna liye divaha siku niwa nafiya. Siku neno miyo kannatambilra meka, mbwenye nnatambilra vamohi na atu atene anne kaziveliwe za waye.

Eberewu 10:32

Nyo eto kamudiwale ira malambo mwaromile nyo onelramo ibaribari, mohowanda vilela muwari mwa makatamiho madjindjene ozela onihiwa goyi.

Eberewu 13:16

Kamuhiye irana japama eto kamuhiye vahana jinna nyo. Tchoira mweragana eno, ejo jinafwanyeya jagali mikuto nnaziveliwa Mulugu.

1 Juwawu 1:9

Mbwenye nalrapa jotega jehu, liye gororomeleya eto gwapama ira anilevelele eto ira anihuwe mwa jotakala jatene jinna hiyo.