Eberewu 4:14 - Mazu Otchena a Mulungu

¹⁴ Inafwanela nihidede pama ibaribari inna hiyo mwasiwa nihimukana mundimuwa wa anamakuta wehu ohokala wa masika wenno ugwenle afiya zulu, unafwanyeya agali Yesu, Mwana Mulugu.

Eberewu 4:14 ပူးပေါင်းရင်းမြစ်များ

Matewuji 4:3

Mwa enne, namaxixa ohomuzelaga, amuwongagana eraga: <<Akala weyo uli Mwana Mulugu, urume mabwala kasanduwe, kakale pawu.>>

Markuji 1:1

Roma wa Muselu Wapama wa Yesu Kiristu, Mwana Mulugu,

Markuji 16:19

Nabwiya Yesu agamanle wonga na aliwa, ohotukuliwavo, liye dowihiwa zulu, liye garati ikukuru ya muwononi odjana wa Mulugu.

Lukaji 24:51

Aarelihagave, Yesu ohoromaga ahiyaga, liye tukuleliwa ilambo ya zulu.

Joira ja Anamarumiwa 1:11

<<Nyo alombwana a Galileya nyo, munaing'anela nni zulu? Yesu wenno ukumenle wa nyo atukuleliwaga zulu, unoza aze na makalelo amohive nnga mumuonne nyo agwelaga zulu.>>

Joira ja Anamarumiwa 3:21

Yesu mbwenye unokalave zulu fiyeda tempu inafuna za tchindjeya jatene jene ira jikale pama akoka nnga Mulugu mwawongele liye wanle muwari mwa anamafiyiheda otchena.

Roma 8:34

Nnga kodi bani unafuna mmanga mulandu? Kalivo. Mwasiwa Yesu Kiristu wenno akwile eto avenyihiwa mokwani, gunanilobelela vari va hiyo na Mulugu. Liye unafwanyeya agali muwononi odjana wa Mulugu.

2 Korinto 12:2

Miyo dihimuiziwa mutu mmohi muwari mwa Kiristu, atukuliwe adowiwana fiyeda zulu waneraru yaka 14 da mundulrimu. Akala mutule atukuliwe muwari mwa maningo owu hehi, kadiiziwile. Uiziwile ejo gu Mulugu.

2 Korinto 9:13

Tchoira aliwa kagawatchenle mabasa analaba hiyo, anerege mutitimiha Mulugu ira: <<Nnoutitimihani zela vwelela unna afwihu wewo unakumela muwari morumela Muselu Wapama wa Kiristu. Eto nnoutitimihani na mwasa wa sokasoka uniirele afwihu na manda menli, kanivaha hiyo vamohi na atu amohiwa.>>

Efezo 4:10

Agatitile, ohogwela dowaga ilambo ya zulu ante ilambo ya zulu-zulu ira awande mwada matongelo aye mwatene mwene.

Eberewu 1:8

Mbwenye zela Mwanaye, mMazuni muhulrembiwa ira: <<Nyo Mulugu [Mwana], mpando wenyu wa umwene gwa mukalakala. Nyo munatonga muUmweneni mwenyu na makalelo okwakwanela.

Eberewu 10:12

Mbwenye Kiristu avelenle mukuto mmohi, fendo yoroma eto fendo yogomiheda. Agamanle velela mukuto waye, liye dowa garati nimburo na muwononi odjana wa Mulugu,

Eberewu 10:23

Inafwanela nihidede pama yodediha inarumela hiyo vatando muwari mohodenguma. Mwasiwa wenno univahile nipangano naye gororomeleya.

Eberewu 10:29

Akala eno, nnga ikalele mutu wenne umulramwisile Mwana Mulugu eto uwesile sangiri na yopangana neno nimutchenihile nnga yengo yohokana mabasa eto unna mulandu omutakaliha Munemba Otchena wenno unazana sayi da Mulugu, ki mutu wenno tongiwa waye unaza ukale avi?

Eberewu 12:2

Nitamangege nimuing'anaga Yesu, wenno unafwanyeya agali maliba romiha nroromelo nehu eto maliba kwakwaneliheda nroromelo nehu, wenno avilenle akomeliwa vamuradini, alramwisaga nyaswa ozela piwa. Liye airagana eno, abalra ira: <<Dakomeliwa vamuradini, kahi yengo. Tchoira vasogolro hagalala unafuna miyo kana kahi ung'ono.>> Peno eto, ugarati nimburo na ibaribari, muwononi odjana, mpandoni wa Umwene wa Mulugu.

Eberewu 2:1

Nawanda iziwa ira Mwana Mulugu ukana mabasa akwaranya angelro, inafwanela niwande hideda pama jatene jivwile hiyo zela Yesu tawiha ira nnaze niholowe.

Eberewu 2:17

Ira liye awande akamiheda ale kabaliwe muzizani mwa Abarahamu, yali yofwanela liye asanduwe, makalelo aye matene kakale olingana na abalaye. Ali ira awande kala mundimuwa wa anamakuta okana tangaranga, ororomeleya muwari mwa mabasa a Mulugu. Yali yofwanela liye kala namakuta wa makalelo anno ira awande sembeselra uwali wanna Mulugu zela jotega.

Eberewu 3:1

Nona nyo abalaga otchenihiwa, afwaga oitaniwa na Mulugu uli zulu, inafwanela muhele joumbuwela jenyu wa Yesu, wenno uli namarumiwa eto mundimuwa wa anamakuta unamurumela hiyo vatando.

Eberewu 3:14

Tchoira hiyo nihikana pandi na Kiristu nakala oimelene fiyeda makutulo na nroromelo nehu nanna hiyo voroma vene.

Eberewu 6:20

Yesu onisogolra, liye volowa muwari mwa Nimburo Notchenetchetcha ira anikamihede hiyo. Tchoira liye unafwanyeya agali mundimuwa wa anamakuta wa mukalakala olingana na unamakuta wa Melikezedeki.

Eberewu 6:6

Noira eno, aliwa gwa, hiyaga ibaribari. Kaira eno mbwenye kinawandeya ira kavenyihiwe fendo yanembinli ira katwaruwe. Mwasiwa aliwa anamukomela Yesu Mwana Mulugu vamuradini akoka. So mbwenye anagomela nongeya na mulandu unna atu. Tchoira aliwa banampetiha Mwana Mulugu.

Eberewu 7:3

Mundimuwa Melikezedeki nne babaye nne mmaye kiiziweyile, nne ziza naye kaniiziweyile. Nne tempu ibaliwe liye, nne tempu ikwile liye, kajiiziweyile. So liye wireve oneya nnga namakuta wa mukalakala nnga Yesu Mwana Mulugu.

Eberewu 8:1

Ilukuluwa inawonga hiyo muwari mwa jatene jeji tchoira nihikana mundimuwa wa anamakuta wenno uli zulu ugaratile muwononi odjana wa mpando wa Umwene wa Mulugu wa Kopolo.

Eberewu 9:12

Yesu avolowile mamburo otchena fendo imohi bahi. Liye avolowaga, kavolowile na sangiri na mbuzi, nne sangiri na ana ng'ombe, nari. Mbwenye avolowile na sangiri naye. Muwari mwa sangiri naye nne, liye ohowanda kwakwaneliheda ira hiyo nikale owomboliwene kala no kala.

Eberewu 9:24

Tchoira Kiristu kavolowile mamburo otchena kali mwilamboni ya vati muno kasakanyiwe na manda a atu. Mwasiwa mamburo a ilambo ya vati ila anafwalrafwaniha mamburo otchena a ibaribari anafwanyeya ilambo ya zulu. Kiristu mbwenye uvolowile zulu uwa wene ira awonge vamentoni va Mulugu zela wa hiyo.

1 Peduru 3:22

Liye agavenyihiwe, agadowile zulu, peno va unafwanyeya muwononi odjana wa Mulugu. Liye eto uhuvahiwa utongi ira aatongege angelro nari andimuwa andimuwa nari kopolo datene.