Eberewu 4:13 - Mazu Otchena a Mulungu

¹³ Mwa jatene jejo jipandutchiwe, kilivo yengo ili yokoyeya vamentoni va Mulugu. Mbwenye jatene jili vaheno vene, jatene jinnana oniwa na wenno unafuna hiyo za muwandelagamo jatene jiirile hiyo.

Eberewu 4:13 ပူးပေါင်းရင်းမြစ်များ

1 Koronika 28:9

Eto weyo mwanaga Salomawu, umuiziwe pama Mulugu wa babawo eto umulabege liye na murimawo watene no funa wawo watene. Tchoira Yehova unaona jatene jili mmirimani mwa mutu uli watene eto uiziwa joumbuwela na jofuna jatene. Weyo wanvenda, liye unorumela ira unfwanye, mbwenye wamuhiya, liye unoukonda kala no kala.

Daniyeli 2:22

Liye unowanda oneyiha jengo jorutcha na jengo jokoyeya. Liye uhumala iziwa jatene jinafwanyeya muisini eto liye tempu yatene unawenda no wareya!

Matewuji 6:4

Muiregena eno ira jovaha jenyu jikale jokoyeya. Mwaira eno Babinyu wenno unaona jinaireya mokoyeya, liye gunautambilrihani.

Juwawu 2:24

Yesu mbwenye kaaroromela atwale mwasiwa ohoiziwa joumbuwela ja atene anne.

Juwawu 21:17

Noira eno, Yesu ohowelela nfuka akoka fendo yaneraru eraga: <<Simawu mwana Juwawu, kodi weyo unodiziveliwa?>> Evale Peduru ohokala okumbanyene na mwasa ofukiwa na Yesu yengo imohive fendo taru ira: <<Kodi weyo unodiziveliwa?>> Mwa enne ohorumela eraga: <<Nabwiya nyo muhuiziwa jatene eto muhuiziwa ira miyo nnouziveliwani!>> Evale Yesu ohomuwandela eraga: <<Waadjihege mabilaga!>>

Juwawu 4:16

Yesu ohomuwandelaga muhiyanole eraga: <<Kadowa wamuitane mamunawo, muze vamohi.>>

Joira ja Anamarumiwa 17:31

Tchoira Mulugu umala helavo siku nnafuna liye atonga atu atene mwa ibaribari. Muwari motonga mule, Mulugu umusakulra namatonga unafuna za atonga atu. Mutuwa gwenno Mulugu amuvenyihile liye mokwani ira atu atene kakayena ibaribari ira unafuna za tonga gu liye.>>

Roma 2:16

Jatene ejo jinoza jiireye nnga munalaleya miyo ira nafiya siku nivitanle Mulugu, liye unoza amurume Yesu Kiristu ira amutonge kada mutu zela malamulo aiziwile liye mmirimani mwaye na joumbuwela jokoyeya jaumbuwela liye mmirimani mwaye.

1 Korinto 4:5

Nona kakalevo mutu unafuna nitonga hiyo anamarumiwa zela jengo johooneya tempu yahanafiye, Nabwiya ahanaze. Tchoira aza, liye gunafuna vitula jengo johooneya jejile jaireya muisini eto unokumiha vatando joumbuwela ja kada mutu. Pa evale vanafuna za Mulugu mutambilriha kada mutu upama wenno unafuna liye vahiwa.

2 Korinto 5:10

Tchoira hiyo atene nnoza nifiye mpando otonga wa Kiristu ira kada mutu awatchele yotambilra yaye zela joira jaye jaira liye ora yawenda liye mmaningoni mwaye, akala jali japama nari akala jali jabure.

Jowandeliwa 2:23

Eto nnoatukula ahima a muhiyanole, daape ira makuru matene a atu omuroromela Yesu kaiziwe ira miyo vano dili wenno unaiziwa joumbuwela ja mutu vamohi na jofuna ja mmirimani mwaye eto miyo gunamutambilriha kada mutu zela joira jaye.

1 Samuweli 16:7

Mbwenye Yehova ohowongaga na Samuweli eraga: <<Weyo kuing'ane baleya wa mutu, nne ulukula wa mutu. Miyo wenno kadinfunile mwasiwa miyo kannaing'ana nnga makalelo anaing'ana atu. Tchoira atu anaing'ana makalelo a mutu, mbwenye miyo dagali Yehova nnaing'ana mmirimani mwa mutu.>>