Eberewu 3:14 - Mazu Otchena a Mulungu

¹⁴ Tchoira hiyo nihikana pandi na Kiristu nakala oimelene fiyeda makutulo na nroromelo nehu nanna hiyo voroma vene.

Eberewu 3:14 ပူးပေါင်းရင်းမြစ်များ

Roma 11:17

Ili nnga mutengo mmohi wa azeti unazaliwa vande. Mulugu gutukunle mutengo wapama ule, tambi dimohi diwa liye kotolawo, tatila. Dowa eto tukula mutengo wa azeti wa mukokolani, ohozaliwa, kotolawo tambi, liye za bandiha vamohi na tambi dihanle da mutengo wa vande ule. Evale tambi datene gumanela, datene kalagawo vamohi muwari mwa mahindje amohive anakumela nigodo nimohive na mutengole.

Roma 11:22

Kaing'anani uwali wa Mulugu na tangaranga daye. Tangaranga daye unauwendelani nyo atu ohokala aJudewu eto uwali waye unaaoniha ale kagwile. Nona yali yapama muwendegeve na tangaranga da Mulugu. Tchoira mwahiya tangaranga daye, na nyenne Mulugu unougwadani.

1 Korinto 1:30

Zela nyo mbwenye, Mulugu uhuvahani ingumi muwari mougumanihani na Yesu Kiristu. Mulugu eto usakanya ira Kiristu akale zelru dehu na upama wehu, nitchenihiwe muwari mwa liye eto niwomboliwe muwari mwa liye.

1 Korinto 10:17

Muwari moira pawuwa inadja hiyo tchi imohive bahi, na hiyene masiki nagalive adjindji, nnafwanyeya nagali maningo mamohive, mwasiwa nnadja pawu imohive.

1 Korinto 9:23

Jatene ejo jinera miyo, ilukuluwa so nnafuna atu kawande vwa Muselu Wapama ira kagavwile, kawatchele upama uwatchenle miyo.

Efezo 3:6

Yengo yokoyeya yali ira muwari morumela Muselu Wapama, atu ohokala aJudewu anokana yoing'anela imohive vamohi na aJudewu eto anokala jano ja maningo mamohive eto anowatchela nipangano nimohive neno nnafwanyeya muwari mwa Yesu Kiristu.

Detoronomiyo 1:35

<Atu a tempu yenna ba atu abure. Nona muwari mwa atu a tempu yenna, kalivo nne mmohi unafuna ona ilambo yapama yenno ilumbenle miyo avaha makolo enyu.

1 Timoteyo 6:2

Eto muzari akana patarawaye omuroromela Yesu, inafwanela ahawande mulramwisa moira: nnalabege vang'ono vang'ono mwasiwa unamulaba miyo gu mbalaga omuroromela Yesu. Mbwenye inafwanela asimbwege mulaba aiziwaga ira: vanalaba miyo va, vakuma yengo, unadja gu mbalaga omuroromela Yesu unamuziveliwa miyo. Wafundjihege eto wakokomezege jatene jinawonga miyo ji.

Eberewu 11:1

Nroromelo ku hawanganyeda jengo jinadediha hiyo vamohi no kana ibaribari zela jengo jejo jahanaona hiyo na meso.

Eberewu 12:10

Fwanyeya ira ababihu a mwilamboni ya vati kanilangetcha ora ya vang'ono na makalelo nnga mwaonela atu. Mbwenye Babihu Mulugu unanilangetcha para upama wehu ira niwande kala otchena nnga liye.

Eberewu 3:1

Nona nyo abalaga otchenihiwa, afwaga oitaniwa na Mulugu uli zulu, inafwanela muhele joumbuwela jenyu wa Yesu, wenno uli namarumiwa eto mundimuwa wa anamakuta unamurumela hiyo vatando.

Eberewu 3:6

Mbwenye Kiristu kahi namalaba bahi. Liye eto gu Mwana ororomeleya osogolrelra vande va Mulugu. Fwanyeya ira akala hiyo nnomuhideda pama wenno nnamuroromela hiyo, akala nnowanda titimiha zela inaing'anela hiyo, nyumba ya Mulugu gu hiyene.

Eberewu 6:11

Hiyo eto nnafuna ira kada mutu muwari mwa nyo awendegeve na makalelo anno fiyeda magomelo. Tchoira mwakanave makalelo anno, munowanda kana ibaribari yatene ira munoza mukayena yoing'anela inaing'anela hiyo.

Eberewu 6:4

Mwasiwa kohokalawo atu ani kagwa, kahawandaga venyihiwa ira katwaruwe akoka. Tchoira aliwa kohoroma watchela ibaribari ya Mulugu, koholawiha jovahiwa ja zulu eto kohokana pandi na Munemba Otchena.

1 Peduru 4:13

Mbwenye nyo mwafwanyeyana makatamiho amohive anno aonihiwe Kiristu inafwanela mukayena hagalala ira undimuwa wa Kiristu waza uoneyihiwaga, na nyenne muze mukayena hagalala no ziveliwa ulukulu.

1 Peduru 5:1

Va miyo nnafuna daawelruze aansiyawu anno anafwanyeya muwari mwa nyo. Tchoira na miyene eto nnafwanyeya dagali ansiyawu nnga aliwa eto nnafwanyeya dagali mutu ohidedela umboni zela goyi da Kiristu eto dihikana pandi na undimuwa wenno unafuna za oneyihiwa.

1 Juwawu 1:3

Wenno nuulaleyileni hiyo nyo, gwenno nimuonne hiyo eto gwenno nanvwetcha hiyo awongaga. Nuulaleyileni ira na nyenne muwendege vamohi na hiyo. Na ibaribari hiyo nnawenda vamohi na Baba na Mwanaye Yesu Kiristu.