Eberewu 2:14 - Mazu Otchena a Mulungu

¹⁴ Fwanyeya ira voira ahimiwa anawenda muwari mwa sangiri na maningo, na liyene eto ohowanda tukula makalelo mamohive a sangiri na maningo ira awande kwa muwari momugondjiha wenno unna kopolo da ukwa unafwanyeya agali Diyabo.

Eberewu 2:14 ပူးပေါင်းရင်းမြစ်များ

Jenesesi 3:15

Miyo nnouidaniha weyo na muhiyana eto nnoaidaniha ahimawo na ahimaye. Mwana unafuna liye za mbala gwenno unafuna za uporotcha murwawo, we eto unoporotcha izondwaye.>>

Izaiya 25:8

Nabwiya Yehova unoza amalihe ukwa kala no kala, eto unoza apupute misodi mwintoni mwa kada mutu, eto unoza akumihewo manyazo a atwaye anakala mwilamboni yatene ya vati. Mwasiwa unawonga gu Yehova.

Izaiya 53:12

Na mwasa wenno miyo nnonvaha rihediwa wewo unafwanyeyana andimuwa andimuwa amohiwa. Liye vamohi na atu a kopolo anerege gaana jengo jaawakile atu amwidani kondoni. Tchoira liye ohovelela ingumi yaye, liye fiyeda piwa eto kohomuirela makalelo abure nnga mutu oviringana. Liye ohopwatela jotega ja atu adjindji eto unaalobelela atu okonda tongiwa ira kaleveleliwe.

Izaiya 7:14

Nona Nabwiya mwinnya unafuna auvaheni ionihedo. Kaing'anani, namwali ula ahagumanile na mulombwana unoza akayena vambani, ambale mwana wa mwanapongwe, anvahe nzina na Emanuwele.

Matewuji 16:17

Noira enne, Yesu ohowongaga eraga: <<Orelihiwa gu weyo mulombwana Simawu mwana Jonasi, mwasiwa jejo jiwongile we, uuwandenle kahi mutu wa sangiri nne wa maningo. Mbwenye uuwandenle jejo gu Baba wenno uli zulu!

Matewuji 25:41

<<Era eno unoza awongege na atu anne anaze kakale ikukuru ya muwononi waye oromana, ira: <Kakumanivo vali miyo va, nyo atu otembelrelreya nyo, mudowege munloni ohokana goma uwa, wenno asakanyediwe para Diyabo vamohi na angelro aye.

Juwawu 1:14

Mulombwana Mazu ohoza, liye wara maningo, kalaga vamohi na hiyo atu. Hiyo nihiona undimuwa waye ineriha liye gu Mwana mmohive wa Baba unafwanyeyana sayi dilukulu vamohi na ibaribari.

Juwawu 12:24

Miyo nnafuna duwandeleni ibaribari. Tanga imohi ya tirigu yahatatileliwe vati, inakalave tanga imohi yenno. Mbwenye yatatileliwa vati amala ivunda, imela, tangeyo inobaliha tirigu mudjindji.>>

Roma 14:9

Mwasiwa Kiristu para liye za kwa no venya mokwani, ali ira akale Mbwiye wa ale kakwile na ale kaliwo.

Roma 8:3

Tchoira Mulugu ohoirana yenno malamulo yahawandile atu irana. Malamulo tchawanda gondjiha jofuna jehu ja maningo ira hiyo niwandege irana joira japama. Mulugu mbwenye ohomuruma Mwanaye na maningo nnga mutu otega ira awatchele mmaningoni mwaye tongiwa wafuna hiyo tongiwa zela jotega jehu ira hiyo niiregena jengo japama jinafwanyeya mmalamuloni muwari mwa Munemba. Ale anawenda na maningo kinawanda irana jengo japama jinafwanyeya mmalamuloni. Anawanda irana gu hiyo atu owenda na Munemba.

1 Korinto 1:28

Mulugu ohosakulra jengo jing'ining'ini, ejo jinalramwisa atu, ejo jinaona atu nnga jengo johokana mabasa ira muwari mwa jing'ining'ini jile awande nonga mabasa matene a atu.

1 Korinto 15:50

Abalaga nnafuna duwandeleni ibaribari. Maningo anna hiyo a nyama na sangiri bahi kinawanda volowa Umwene wa Mulugu. Kavali wandeya yengo yovunda ivolowe Umwene wa Mulugu ohowanda vunda.

Galasiya 4:4

Mbwenye tempu yagakwakwanne, Mulugu ohomuruma Mwanaye, liye baliwa na muhiyana. Eto liye abaliwe ora yawenda atu na malamulo

Koloso 2:15

Mulugu ohawaka jowanana jiwa andimuwa abure na aliba utongi wabure, aanyaswihaga vatando. Anyaswiha uwa, Mulugu ohagondjiha muwari mwa Yesu Kiristu.

1 Timoteyo 3:16

Hiyo nnowanda rumelela mohokayikela ibaribari yenno yahaiziweyile wanle zela mutu otchena Yesu ira: Liye ohoza, ohooniwa agawarile maningo. Munemba Otchena ohomuhidedela umboni. Angelro kohomuona. Liye oholaleyiwa muwari mwa malogo madjindji. Kohokala atu kamuroromenle mwilamboni muno. Liye eto ohotukuleliwa zulu na undimuwa wohokala wa masika.

2 Timoteyo 1:10

Yofuna yaye na sayi daye jioneyile tchineneva muwari mwa Nvulusi wehu Yesu Kiristu. Liye uhuwanda gondjiha ukwa anizelagana ingumi na makalelo ohowanda kwa muwari mwa Muselu Wapama,

Eberewu 10:10

Muwari mwa Yesu Kiristu za irana jofuna ja Mulugu, liye za vivelelaga maningo aye fendo imohi eto fendo yogomiheda, pa evo vawandile hiyo tchenihiwa.

Eberewu 10:5

Voira sangiri na anavinyama kannawatchela jotega, nona pa evale vazile Kiristu mwilamboni ya vati, awongaga na Mulugu ira: <<Nyo kamufunne mikuto da vinyama na jovelela. Mbwenye nyo muhudisakanyela maningo.

Eberewu 2:17

Ira liye awande akamiheda ale kabaliwe muzizani mwa Abarahamu, yali yofwanela liye asanduwe, makalelo aye matene kakale olingana na abalaye. Ali ira awande kala mundimuwa wa anamakuta okana tangaranga, ororomeleya muwari mwa mabasa a Mulugu. Yali yofwanela liye kala namakuta wa makalelo anno ira awande sembeselra uwali wanna Mulugu zela jotega.

Eberewu 2:18

Liye eto unowanda akamiheda atu anne anaxixiwa mwasiwa na liyene ohoonihiwa goyi muwari moxixiwa.

Eberewu 4:15

Tchoira mundimuwa wa anamakuta unna hiyo kahi namakuta oimwanana nikumbanyeda zela jovuta jehu. Tchoira na liyene ohoroma xixiwa na makalelo matene nnga anaxixiwa hiyo, mbwenye liye kategile.

Eberewu 9:15

Nona pa evo vanawanda Yesu kala namasogolrelra wa Yopangana Ixa vari va Mulugu na atu. Muwari mwa Yesu atu atene oitaniwa anowanda watchela jorayela johokana mala uwa, jejo japanganne Mulugu ira aavahe. Tchoira Yesu ohokwa ira aawombole aliba itaniwa zela mwa jotega jaira atu muwari moviringaniha yopangana yoroma.

1 Peduru 1:20

Liye asakulriwe na Mulugu, zulu na ilambo ya vati jahanapandutchiwe, mbwenye tempu yogomiheda ila Mulugu uhuwanda muoneyiha ira muone upama wenyu.

Jowandeliwa 1:18

Miyo dili wenno unna ingumi. Dohokwa, mbwenye kaing'anani, dihikalawo eto nnerege kalawo kala no kala. Eto dihikana maxavi a Ukwa na maxavi a Nimburo na Anokwa.

Jowandeliwa 12:9

Evale kohomutamangihawo zulu daragawu ule, wenno unafwanyeya agali nyowa ya wanle, unaitaniwa Diyabo nari Satana, wenno unaanyenga atu a ilambo yatene ya vati. Liye vamohi na angelro aye atene kohovokediwa mwilamboni ya vati.

Jowandeliwa 2:10

<<Tchineneva nyo munoonihiwa goyi. Kavuruwanani, Diyabo uli vakwikwi vene ira aze, autukuleni, auvokedeni nyo amohiwa mukadeya ira muxixiwe. Xixiwa wenyu unafuna ukale wa malambo kumi. Mbwenye kamukukumuwe, inafwanela mudiroromele miyo fiyeda mukwele nzina naga. Tchoira mwafiyeda kwela nzina naga, miyo nnouvahani tchapowa wa ingumi.

Jowandeliwa 20:2

Vevale liye ohomuhinda daragawu, wenno unaitaniwa nyowa ya wanle nari Diyabo, nari Satana, liye mmanga ira akale omangiwene yaka 1.000.