Eberewu 13:17 - Mazu Otchena a Mulungu

¹⁷ Mwaavwelelege andimuwinyu eto murumelege tongiwa na aliwa. Tchoira aliwa banaing'anela minemba denyu nnga atu anafuna za tongiwa vamentoni va Mulugu zela mabasa kalabile atu. Musakanye ira aliwa kawande laba mabasiwa muwari mohagalala hiya muwari moona nyemela. Tchoira aliwa kaona nyemela, yenno mbwenye kinaupindulrani.

Eberewu 13:17 ပူးပေါင်းရင်းမြစ်များ

Jenesesi 16:9

Evale Mungelro wa Yehova ohomuwandelaga eraga: <<Uwelele wa sinyorawo wakoka wene, mbwenye wadowa, waviyevihe, unvwelelege.>>

Ezodu 32:31

Noira enne, mulombwana Mozeji ohowelelaga wa Yehova wakoka wene, liye nvepa eraga: <<Yehova atwala kohosakanya yotega ilukulu, aliwa visakanyelaga amilugu a oru.

Izaiya 62:6

Kaing'ana weyo Jeruzalemu. Muru wa sidadi yawo miyo dihimala ahelamo anamaing'anela. Aliwa kinamiyala malambo matene, ntana na mahiyu, kaulobelelagani. Nyo atene munavepa na nzina na Yehova, kamumiyale,

Lukaji 16:2

Patarawule agavwile enne, ohomuitana namasogolrelra ule, liye nfuka kwi: <Katchiye, miyo nnovwa atu kawongaga jengo jidjindji zela nkani wawo. Miyo nnafuna udiwelihede jatene jene duhiyedile miyo, eni weyo kuma peno dowa sogolro kunawelela wendiha akoka jaga, mwasiwa kuli namasogolrelra ofwanela.>

Joira ja Anamarumiwa 20:28

<<Mwahala, nyo mwa annya muviing'ane pama. Mwaaing'anele pama eto mabila matene. Mwasiwa Munemba Otchena umala uhambihani ira nyo mukale mabixpu ira mukumbuzege nikuru na Mulugu neno nigunle liye na sangiri naye.

Roma 14:12

Ku wonga ira mutu uli watene unoza awongege vamentoni va Mulugu yenno iirile liye.

1 Korinto 16:16

Inafwanela nyo eto mwamuona mutu omuroromela Yesu oakamiheda afwaye nnga Estefano, mwamuona mutu omuroromela Yesu unalabetcha ja Mulugu, murumele tongiwa na liye.

Efezo 5:21

eto inafwanela muwari momuriheda Kiristu, kada mutu omuroromela Yesu arumele tongiwa na atu omuroromela Yesu afwaye.

Filipo 1:4

Tempu ili yatene inaulobelelani miyo, nnoulobelelani muwari mohagalala

Filipo 2:12

Nona nyo afwaga nnauziveliwani miyo, inafwanela na nyenne munvwelelegeve Mulugu nnga mweretcha nyo tempu yali miyo na nyo. Eto tempu ila yahali miyo na nyo, muwendegeve na makalelo ofwanelela zela vulusiwa wenyu na makalelo oova eto na makalelo ongurumela.

Filipo 2:16

Moneya uwa, ku tapulela laleya mazu onvaha mutu ingumi. Mwairana eno, siku nnafuna za Kiristu nafiya, miyo nnowanda ziveliwa mwasiwa kaditamangele vasayi eto kadilabele vasayi.

Filipo 2:29

Inafwanela mmuwatchele mohagalala nnga nfwinyu wa muUmweneni mmohive mwa Nabwiya. Mwaarihedege eto atu atene okala ha liye.

Filipo 3:18

Tchoira nnga mwauwandenleni miyo malambo a mundulrimu, peno nnouwandelani akoka muwari monla ira kohokalawo atu oindjiva anawenda kagali amwidani anaida mabasa alabile Kiristu vamuradini.

Filipo 4:1

Nona nyo abalaga nnauziveliwani miyo eto nnausauwelani miyo, nyo muli hagalala waga eto muli yotambilra yaga. Nnafuna dukokomezeni nyo atu anauziveliwani miyo ira muimele pama muwari mwa Nabwiya.

2 Tesalonika 3:14

Akala muwari mwa nyo ukala mutu unakonda irana jengo jilrembile hiyo mukartani mu, inafwanela nyo muwande mutonya vatando ira atu kamuhiye mmambalo ira liye anyaswe zela joira jaye.

1 Timoteyo 5:17

Inafwanela atu omuroromela Yesu kaakamihedege aansiyawu ewa. Makamaka ansiyawu olaba mabasa olaleya eto ofundjiha, wenno arihediwe. Muwari morihediwa inafwanela ansiyawu wenno akamihediwe.

Eberewu 13:24

Nnoalondjela eto andimuwinyu atene na atu atene otchenihiwa kali wewo. Eto ale kakuma Italiya anoulondjelani.

Eberewu 13:7

Kamudiwalege mawendelo a andimuwinyu anno kauwandenleni mazu a Mulugu. Inafwanela eto mwahadiwale makalelo anafuna atu gomela zela mawendelo ewa, na nyenne musazihe nroromelo ninna atu.

Tiyagu 4:7

Nona inafwanela murumele tongiwa na Mulugu. Eto mmurunihege Diyabo jofuna jaye. Mwaira eno, Diyabo unoutawani.

1 Peduru 5:5

Na nyenne eto azombwe inafwanela mwaavwelelege andimuwa. Eto inafwanela muwendege moviyeviha mmohi na nfwaye. Tchoira Mulugu unoatakaleliwa aliba vitukulela mbwenye unoairela sayi atu anne anaviyeviha.

1 Samuweli 8:19

Evale atwale kagavwile jawonga Samuweli jile, aliwa tchabanlre. Mofutukula kohowakula, aliwa ira: <<Nari! Hiyo nnafuna nimukayena mwene.