Eberewu 13:16 - Mazu Otchena a Mulungu

¹⁶ Kamuhiye irana japama eto kamuhiye vahana jinna nyo. Tchoira mweragana eno, ejo jinafwanyeya jagali mikuto nnaziveliwa Mulugu.

Eberewu 13:16 ပူးပေါင်းရင်းမြစ်များ

Lukaji 18:22

Yesu agavwile enne, ohoira: <<Ihala yengo imohi ira uirena. Udowe wagulihe jatene jinna we, utukule kobiriwa waagawele aliba simela. Waira eno, unokana rayela wawo ilambo ya zulu. Wamala irana jatene jejo, uze udihare.>>

Joira ja Anamarumiwa 10:38

Eto muhuiziwa ira Mulugu ohomuhambiha Yesu wa Nazareti na Munemba Otchena na kopolo. Mwa enne liye ohoroma wendawenda airagana jatene japama, aavulumutchaga ale kazuzumihiwa na Diyabo mwasiwa Mulugu ali na liye.

Joira ja Anamarumiwa 9:36

Ilambo ya Jope wohokala mwana muhiyana mmohi eni, eriwa Tabita. Tabita ku wonga Dorika. Liye ali namamuhara wa Yesu eto ali mutu airetcha japama, aakamihedetcha atu osimela.

Roma 12:13

Mukayena makalelo oakamiheda afwihu otchenihiwa zela jengo jinaahalela. Muzuzumelege ira mwaawatchelege alendo na makalelo apama.

Galasiya 6:10

Inafwanela niwande akamiheda atu atene na makalelo anawanda hiyo. Eto muwari moakamiheda atu atene mule, inafwanela nisimbwege kamihedana mukalele hiyo atu okana nroromelo.

Galasiya 6:6

Inafwanela ira mutu wenne unafundjihiwa mazu a Mulugu awande mukamiheda na makalelo matene wenne unanfundjiha.

Efezo 4:28

Wenno abetcha, ahiye umbava waye, adowe alabe mabasa a ibaribari na mandaye ira akayena yengo ira adowe anvahe ule unna makatamiho.

Filipo 4:14

Masiki eno, nyo mohosakanya pama mudikamihedaga tempu yasegedeya miyo.

Filipo 4:18

Miyo dihimala watchela wa nyo jatene janvahedile nyo mulombwana Epaforoditu ira adivahe. Muwari mwa jengo jile jodihalela jatene danna miyo jihimala, kadinna yodihalela eto dihalana jengo pwi. Jovaha jenyu jili nnga yovelela yonukela pama, nnga mukuto ofwanela, oziveliwiwa vamentoni va Mulugu.

1 Tesalonika 5:15

Mwamuona nfwinyu ira unafuna amuwelihede nfwaye kunyakunya, muwande muhiyiha. Mwaairelege atu atene upama masiki mukalele nyo nari atu atene.

2 Tesalonika 3:13

Mbwenye nyo abalihu, kamugomegena irana japama.

1 Timoteyo 6:18

Inafwanela aliba rayela kairegena japama, kakale orayela zela irana jengo japama, kaavahege atu jengo na manda menli eto kakale okozeyene ira kameyewo jokana jiwa, kaakamihedegena afwiwa.

Filemoni 1:6

Miyo eto nnalobela ira uwendegeve na nroromelo kwaranya neno ninna we. Tchoira muwari mowendave na nroromelo ninna we, tchi tempu inafuna we mariha onelramo jatene japama jinna hiyo mokala muwari mwa Kiristu.

Eberewu 6:10

Tchoira Mulugu gu Mulugu otonga pama. Liye kanalramwisa jatene jaira nyo momuumbuwela liye, mwaakamihedaga afwinyu otchenihiwa, mwaalabelaga eto mwaaziveliwaga. Eto tcheniyo inairana nyo na vanove. Jatene ejo Mulugu kanalramwisa.

3 Juwawu 1:11

Mbalaga oziveliwiwa kuharege jabure mbwenye inafwanela uharege japama. Wenno unera upama ukumile wa Mulugu. Mbwenye wenno unakaleletchave irana ubure liye kanababihe muona Mulugu.