Eberewu 13:14 - Mazu Otchena a Mulungu

¹⁴ Tchoira mwilamboni ya vati hiyo kaninna sidadi ya mukalakala. Hiyo mbwenye nnavenda sidadi yenno inafuna za.

Eberewu 13:14 ပူးပေါင်းရင်းမြစ်များ

1 Korinto 7:29

Miyo abalaga, inafuna miyo duwelruzeni tchi ila. Tempu ibanlre Mulugu imala gwadeya gwadeya. Nona roma peno dowa sogolro, ule utenle, kabalre ira: <<Miyo dihitela.>>

2 Korinto 4:17

Tchoira zuzumihiwa unna hiyo wa vang'ono eto wahanadibeliwa, unanilabela ira nikayena undimuwa ulukulu wohomala, wohowanda fwalrafwanihiwa na yengo imohiwa.

Efezo 2:19

Nona nyo atu ohokala aJudewu kamulive alendo, kamuli amarala. Muli atu a nikuru na Mulugu vamohi na atu atene otchenihiwa eto muli anamurala vande va Mulugu.

Filipo 3:20

Hiyo mbwenye wanihu tchi ilambo ya zulu. Eto nnamudediha Nvulusi wehu wenno unafuna za kumela zulu wewule, wenno unafwanyeya agali Nabwiya Yesu Kiristu.

Eberewu 10:34

Nyo mowanda awendela tangaranga ale kavokediwe mukadeya. Nyo eto mowanda hagalala muwari mowakiwa jengo janna nyo. Tchoira nyo mohokana ibaribari ira: <<Ja ilambo ya vati jiwakiwe hiyo kahi yengo. Tchoira nnoza niwatchele yengo yapama kwaranya jiwakiwe hiyo eto inafuna hiyo kana tchi yengo yohomala.>>

Eberewu 12:22

Nyo mbwenye mufiyile mwango Siyawu, sidadi ya Mulugu Okalawo, Jeruzalemu wenno uli ilambo ya zulu wewo uli angelro ohowanda kontareya kagumanne muwari mohagalala,

Eberewu 12:27

Navwa ira Mulugu ohowonga zela tika wanembinli, inafwanela niiziwe ira jatene jowanda tikeya, ku wonga jatene jopandutchiwa, jinoza jikumihiwemo, jimale dimela ira jihale ejo jahanawanda tikeya bahi.

Eberewu 2:5

Zela ilambo ya sogolro inafuna za yenno inawonga hiyo, Mulugu kaasakunlre angelro ira aliwa kaze katongege ilambo yenno, nari.

Eberewu 4:9

Nona uhala eto vuma para atu a Mulugu. Vuma uwa unakala nnga vuma Mulugu avumile liye siku na sabado agamanle pandutcha jatene.

Eberewu 9:11

Mbwenye tempu ili hiyo ila, Kiristu gu mundimuwa wa anamakuta wenno unasogolrelra jatene japama jizile tchineneva. Liye mbwenye ohovolowa Musasa wa Yehova mundimuwa, okwakwanela, wenno unafwanyeya ilambo ya zulu hiya wenno asakanyiwe na manda a atu unafwanyeya ilambo yopandutchiwa ya vati ila.

1 Peduru 4:7

Magomelo wa jengo jatene uhuwandamela. Na mwasa wenno inafwanela muviwendihe pama eto mukayena muru wapama ira muwande lobela.

Jowandeliwa 3:12

Mutu wenno unagondjihe, miyo nnomutimbela ira akale nimbozo muNyumbani mwa Mulugu waga. Liye muNyumbani mule kaza akumamo. Miyo nnoza dimulrembe mazina mararu. Nzina noroma, nzina na Mulugu waga. Nzina nanembinli, nzina na sidadi ya Mulugu waga, sidadi ya Jeruzalemu Muxa yenno inafuna kumela zulu wa Mulugu. Nzina naneraru nnakala nzina naga.