Eberewu 13:13 - Mazu Otchena a Mulungu

¹³ Voira Yesu ohovilela muwari mopetiwa wapetiwa liye unde wa kapamento, na hiyene ndoweni nanfwanye unde wa kapamento, nawatchele petiwa umohive.

Eberewu 13:13 ပူးပေါင်းရင်းမြစ်များ

Matewuji 16:24

Noira enne, Yesu ohowongaga na anamamuharaye ale eraga: <<Akala uhukalawo unafuna dihara miyo, inafwanela alramwise ingumi yaye, atukule muradi waye, arome dihara!

Matewuji 27:32

Mwa enne aliwa kamudowagana nimburo nafuna atu dowa mukomela nne, kohongumanana mulombwana mmohi eni nkuda Sirene aitaniwa Simawu. Kaganfwanyile mulombwanole, kohomukanyihedaga, aliwa mutukuliha muradi wenno afuna komeliwavo Yesu.

Matewuji 5:11

Mwaruwaniwa, mwaharahariwa, mwawongeliwa mazu abure ounukedani zela nyo kala anamadiharaga, munokala orelihiwa.

Lukaji 6:22

Mwaharahariwa, mwalramwisiwa, mwaruwaniwa, mwawongeliwa jengo jabure na mwasa wa Mwana wa Mutu, munokala orelihiwa.

Lukaji 9:23

Yesu ohawandelaga atene eraga: <<Akala uhukalawo unafuna dihara miyo, inafwanela alramwise ingumi yaye, malambo matene atukule muradi waye arome dihara miyo!

Joira ja Anamarumiwa 5:41

Anamarumiwale kakumaga valigi anamatongale, kohagalala mwasiwa kohoiziwa ira Mulugu unaniona nnga nili atu ofwanelela bubudiwa muwari movweyiha nzina na Yesu.

2 Korinto 12:10

Eto nona muwari molaba ja Kiristu miyo kadinna makani ozela johokana kopolo, ruwaniwa, segedeya, harahariwa na jodiireyela jabure. Tchoira ora inavuta miyo, tchi ora inalimba miyo.

Eberewu 11:26

Liye ohowanda umbuwela ira: <<Zuzuma na mwasa wa Kiristu ku rayela kwaranya jorayela jatene jinafwanyeya muIjipitu.>> Tapulela liye aing'anela yotambilra yaye.

Eberewu 12:2

Nitamangege nimuing'anaga Yesu, wenno unafwanyeya agali maliba romiha nroromelo nehu eto maliba kwakwaneliheda nroromelo nehu, wenno avilenle akomeliwa vamuradini, alramwisaga nyaswa ozela piwa. Liye airagana eno, abalra ira: <<Dakomeliwa vamuradini, kahi yengo. Tchoira vasogolro hagalala unafuna miyo kana kahi ung'ono.>> Peno eto, ugarati nimburo na ibaribari, muwononi odjana, mpandoni wa Umwene wa Mulugu.

Eberewu 12:3

Mmuumbuwele wenno awandile vilela muwari mwa goyi daonihiwa liye na atu otega. Inafwanela muumbuwele jatene jeji ira mwahakale ovutene eto mwahawaheye.

Eberewu 12:4

Tchoira kondo inna nyo ira mugondjihe yotega, kamunawane ante mufiyeda vuvihiwa sangiri ninyu.

1 Peduru 4:4

Mbwenye peno atu a unde annana kukumuwa na mwasa oira muhatawa, aliwa katamangaga ira kairegena jabure jatene johokala ja masika jinairana atu nyo kamuli na aliwa. Nona peno aliwa anouwambani.