Eberewu 12:9 - Mazu Otchena a Mulungu

⁹ Eto hiya yennove bahi, hiyo nihakana ababihu a mwilamboni ya vati anno kanibanle. Eto aliwa kanilangaga, hiyo noarihedetcha. Akala nnowanda ariheda ababihu, inafwanela niwande nvwelela Baba wo kalawo wehu na makalelo okwaranya makalelo nnaarihedetcha hiyo ababihu ira niwande kalawo.

Eberewu 12:9 ပူးပေါင်းရင်းမြစ်များ

Ezodu 20:12

<<Umurihedege babawo na mmawo ira ugonele malambo madjindjene ilambo yenno inafuna Yehova Mulugu wenyu uvahani.

Izaiya 38:16

Nabwiya atu atene okalawo makalelo ewa mwaavahile nyo banno eto na miyene ingumi yaga vamohi no kalawo waga unakala wa eno. Na mwasa wenno nnouvepani ira mudivulumutche eto mudivahe ingumi.

Izaiya 42:5

Mulugu gu Yehova wenno upandutchile jatene jili zulu, liye tandaga zulu. Liye eto ohotanda ilambo ya vati na jatene jinafwanyeya emo. Liye ohavaha yovuma atu anakala mwilamboni muno. Liye ohovaha ingumi jatene jinawenda emo. Liye unawonga na namalabaye ira:

Izaiya 45:10

Udilu wa wenno unanfuka babaye ira: <Mubanle nni?> Owu unanfuka mmaye ira: <Mubanle nni?> >>

Izaiya 57:16

Miyo kadiza dikangana na aliwa kala no kala. Eto nne kadiza ditakaleliwa zela aliwa tempu datene, tawiha ira daira eno, atu ovuma daapandutchile miyo anamale kwamo.

Malakiya 1:6

Yehova wa Makuru Matene unawonga ira: <<Mwana unomuriheda babaye eto namalaba unomuriheda patarawu waye. Akala na miyene dili babi, nnga rihediwa waga uli uvi? Akala na miyene dili patarawu, oviwa waga uli uvi? Nyo anamakuta munapeta nzina naga eto munawonga ira: <Nzina nenyu nipetile moira avi?>

Lukaji 18:2

Liye ohowongaga eraga: <<Muwari mwa sidadi imohi ohokalamo namatonga mmohi. Namatongole kamuova Mulugu nne liye kambalra mutu uli watene.

Lukaji 18:4

Mwa enne vohomala tempu ilukulu namatonga ule ahafunaga tonga milandu da muhiyanole. Mbwenye liye oumbuwela ira: <Na ibaribari miyo kannamuova Mulugu nne kannambalra mutu.

Juwawu 3:6

<<Mwasiwa ule ubaliwe mwa maningo, gwa maningo, ule ubaliwe mwa Munemba gwa Munemba.

Joira ja Anamarumiwa 2:30

Davi muwari mokala namafiyiheda wa Mulugu eto aiziwaga ira Mulugu oholumbela ira: <Mwa ahimawo a musogolro, ukala mutu unafuna za agarati vampandoni vawo va umwene>,

Roma 9:3

Abalaga nnaawonga miyo ba aIzarayeli. Tchoira aliwa eto kinna pandi na Kiristu. Yahawandeye, miyo derege kana yofunafuna nnga Mulugu aditembelrelre, nnga miyo dikumemo muwari mwa Kiristu ira aliwa kayemo.

Roma 9:5

Aliwa banno kakumile mwa makolo ehu a wanle. Eto Kiristu abaliwaga na maningo, abaliwe munlogoni mwa aIzarayeli. Kiristu eto gu Mulugu otonga jatene eto gwenno unateteliwa kala no kala. Ame!

Detoronomiyo 27:16

<<Mutu wenne unamulramwise babaye nari mmaye, uhutembelrelreya.>> Era eno atu atene kawakule kaire: <<Ame!>>

Tiyagu 4:10

Muviyevihe vamentoni va Nabwiya, mwaira eno liye unoutukulelani.

Tiyagu 4:7

Nona inafwanela murumele tongiwa na Mulugu. Eto mmurunihege Diyabo jofuna jaye. Mwaira eno, Diyabo unoutawani.

1 Peduru 5:6

Nona inafwanela mukale oviyeviha vati va ndanda na Mulugu na kopolo ira autukuleleni yafiya tempu inafuna liye.

Jowandeliwa 22:6

Mungelrole ohodiwandelaga eraga: <<Jinawonga miyo ji ti jengo jororomeleya eto ja ibaribari. Tchoira Nabwiya Mulugu wenno unaawandela anamafiyiheda aye ibaribari muwari mwa Munemba waye, gumurumile mungelro waye ira aze aawandele anamalabaye zela jengo jinafuna ireya tchineneva.>>