Eberewu 12:7 - Mazu Otchena a Mulungu

⁷ Mwalangiwaga, mukale atu ovilela. Mwasiwa Mulugu unoubalrani nnga ahimaye. Tchoira kalivo mwana ahanalangiwa na babaye.

Eberewu 12:7 ပူးပေါင်းရင်းမြစ်များ

2 Samuweli 7:14

Miyo nnokala babaye eto liye unokala mwanaga. Liye mbwenye atega, miyo nnomulanga na nkogozo wa atu, na viwaxuwaxu da atu.

1 Amwene 1:6

Eto fwanyeya ira malambo a mundulrimu mulombwana Adoniya airana yengo yabure, babaye Davi kamusumululetcha. Adoniya eto afwanyeya agali mulombwana oriyetchetcha. Eto fwanyeya ira zela baliwa waye, Adoniya ali wenno amuharile marafula Abisalawu.

Joira ja Anamarumiwa 14:22

Kowenda emule kaalimbihaga anamamuhara Yesu, kaakokomezaga ira kakaleve olimba muwari mwa nroromelo niwa. Eto koawandela keraga: <<Ulrendo unna hiyo nidowaga ira navolowe muUmweneni mwa Mulugu gu ulrendo wa makatamiho madjindji.>>

1 Korinto 11:32

Mbwenye masiki nitongiwe na Nabwiya, nnatongiwela ira nitchindje makalelo ehu ira nahagwena mulandu vamohi na atu abure anafwanyeya mwilamboni ya vati ila.

Detoronomiyo 8:5

<<Inafwanela muiziwe pama mmirimani mwenyu ira Yehova Mulugu wenyu unoutongani auonihagani goyi na makalelo mamohive nnga mutu unamutonga liye mwanaye amuonihaga goyi.

1 Samuweli 2:29

Nnga mwasiwa gwa nni nyo luluvihaga mikuto daga na jovelela jejo jaurumileni miyo ira muirena, mufunaga nnga jikale jenyu? We mulombwana Eli, kodi mwasiwa gwa nni we atetelaga ahimawo dikwaranya miyo? Kodi mwasiwa gwa nni we viruvihaga vamohi na ahimawo muwari modja japama japama ja mikuto datene nnavelela atwaga aIzarayeli?> >>

1 Samuweli 2:34

Ira we ukayena ibaribari ira jatene jene jinawonga miyo ji ti jengo ja ibaribari, ionihedo inafuna we ona tchi ila. Ahimawo ambinlene Hofini na Fineyasi anokwa siku nimohive. Waona eno, pa evo vanafuna we kana ibaribari ira jatene jawongile miyo jinoza jiireye.

1 Samuweli 3:13

Miyo dihimala muwandela mulombwana Eli ira nnafuna daatonge atu a muibalini mwaye kala no kala. Mwasiwa ahimaye kohodiluluviha miyo vano eto babiwa Eli agaiziwileve ira miyo nnoatonga, kafunne ahiyiha.