Eberewu 12:28 - Mazu Otchena a Mulungu

²⁸ Mulugu univahile ira niwatchele umwene ohotikeya. Naona ira Mulugu uhuwanda nivaha umwene ohowanda tikeya, inafwanela nikale atu omutamalela Mulugu. Inafwanela nimutamalele na makalelo omuziveliha muwari momutitimiha eto muwari momuova.

Eberewu 12:28 ပူးပေါင်းရင်းမြစ်များ

Izaiya 56:7

anno miyo nnoza daadowena mwango waga otchena eto nnoavaha hagalala muwari mwa nyumba yaga yolobelamo. Nnoza dirumele jovelela jewa jotumeya vamohi na mikuto dimohi diwa jejo jinafuna atu velelaga vaibuwani vaga. Tchoira nyumba yaga inaitaniwege Nyumba yolobelamo para atu a malogo matene.

Izaiya 9:7

Ulukula wa utongi waye na murendele kunakana goma uwa. Unoza atonge vampandoni va umwene wa Davi. Unoza avenyihe eto agarateyihe umwene waye, muwari motonga mwa ibaribari eto muwari mwa upama, roma tempu yenno ante dowa sogolro kala no kala. Yehova unoirana jatene eji na mwasa wa sandje yaye.

Daniyeli 2:44

<<Mbwenye malambo a amwene ale, Mulugu wa zulu unoza akunge umwene wenno wahanaza bwanyuliwa. Eto umwene wenno kuza utongiwaga na atu amohiwa. Nyo muhuona ira nibwe nagwadiwe mwangoni kanagwadiwe na manda a mutu, eto nibwe nne nohowanda tchila momba, mukuwa, ulongo, parata vamohi na oru. Ku wonga umwene wenno unafuna kungiwa na Mulugu wa zulu unoza ubwanyulege eto utchilege maumwene matene anna. Eto unoza ukalewove malambo a mukalakala. Jatene eji ku wonga Mulugu Mundimuwa unauonihani nyo so mwene jengo jinafuna za ireya sogolro. Yoroha yenyu kahi yokayikela eto yotapuleliwa tcha ibaribari!>>

Daniyeli 7:14

Eto ohovahiwaga utongi na undimuwa vamohi na umwene ira atu a malogo matene, vilambo datene, atu a viwongelo datene kamulabege. Eto utongi waye gu utongi wa mukalakala wenno wahanamala eto umwene waye kuza ubwanyuliwa.>>

Daniyeli 7:27

Evale umwene, na utongi, na undimuwa wa amwene atene a mwilamboni unoza utukuliwe uvahiwe mmandani mwa atu otchenihiwa a Wenno Ukwaranyile Jatene. Umwene wewa unaza ukale umwene wa mukalakala, eto utongi watene unerege alaba no avwelela aliwene.>

Matewuji 25:34

Mwa enne mwenole unoza awongege na atu anne anaze kafwanyeyege muwononi waye odjana erege: <Zani, nyo atu orelihiwa na Baba. Zani muwatchele umwene wenno usakanyediwe para nyo roma mapanduwelo a ilambo.

Lukaji 1:33

Liye unerege tonga mulogo wa Jako. Umwene waye kuza umala. Unakala umwene wa mukalakala.>>

Roma 11:20

Mwera eno, muhukana ibaribari. Eto Mulugu akotonlewo tambi dedile na mwasa ohomuroromela Yesu. Nyo mbwenye tambi mubandihiwe muli apamene mwasiwa munomuroromela Yesu. Nona, kamukale ovitukulelene mbwenye ifwanele muovege.

Efezo 1:6

ira nimutitimihege liye zela sayi dilukulu uniirele liye. Fwanyeya ira sayi dedo nnakumela muwari mwa Yesu, wenno Mulugu umuziveliwe liye.

Efezo 5:10

Mwagarati mukayegena youmbuwela ira: <<Ira Nabwiya aziveliwe jinera miyo, diirege avi?>>

Filipo 4:18

Miyo dihimala watchela wa nyo jatene janvahedile nyo mulombwana Epaforoditu ira adivahe. Muwari mwa jengo jile jodihalela jatene danna miyo jihimala, kadinna yodihalela eto dihalana jengo pwi. Jovaha jenyu jili nnga yovelela yonukela pama, nnga mukuto ofwanela, oziveliwiwa vamentoni va Mulugu.

Eberewu 10:19

Nona abalaga, muwari mwa sangiri na Yesu, hiyo nnowanda volowa mamburo otchena molimbiha murima.

Eberewu 13:15

Nona inafwanela nivelelegeve mukuto wehu omutamalela Mulugu muwari mwa Yesu ora ili yatene. Mukutuwa ku wonga jowonga jehu na milomo dihu niromolege nzina naye.

Eberewu 3:6

Mbwenye Kiristu kahi namalaba bahi. Liye eto gu Mwana ororomeleya osogolrelra vande va Mulugu. Fwanyeya ira akala hiyo nnomuhideda pama wenno nnamuroromela hiyo, akala nnowanda titimiha zela inaing'anela hiyo, nyumba ya Mulugu gu hiyene.

Eberewu 4:16

Nona tempu inasegedeya hiyo inafwanela niwande kwivela mohokayikela mpando wa umwene wewo unakumela sayi ira niwande wendeliwa tangaranga eto nifwanye sayi ira niwandege kamihediwa tempu inafuna hiyo nnga nikamihediwe.

Eberewu 5:7

Muwari mwa malambo Yesu awarile liye maningo, olobela no kuwa ulukulu na misodi anvepaga wenno awanda muwombola mokwani. Jalobela liye jovweya mwasiwa liye ohorumela irana jofuna ja Mulugu.

1 Peduru 1:17

Akala nyo munowanda muira Baba wenno unatonga mohokana nsakulro molingana na mabasa analaba kada mutu, inafwanela muwendege momuova Mulugu malambo matene anawenda nyo nnga alendo mwilamboni muno.

1 Peduru 2:20

Tchoira nyo mwabubudiwaga na mwasa wa jabure jinera nyo, amala muvilelaga, kodi yowatchela nni inafuna nyo za kana? Mbwenye nyo akala muonihiwaga goyi muwari moirana upama, muvilelaga muwari mwa goyi dile, inakala yengo yapama vamentoni va Mulugu.

1 Peduru 2:5

na nyenne eto muli nnga mabwe a ingumi anno Mulugu unamangana liye nyumba ya Munemba ira mukale anamakuta otchena okana mabasa ovelela mikuto dozela ja Mulugu, mikuto dedo nnarumeliwa na Mulugu mwa Yesu Kiristu.

Jowandeliwa 1:6

eto uwandile nitukula hiyo, nisakanyeda ira nikale anamakuta muUmweneni mwa Babaye Mulugu. Undimuwa unna liye, utongi unna liye udowegeve sogolro kala no kala. Ame!

Jowandeliwa 15:4

Bani ahanauoveni nyo Nabwiya eto bani ahanautitimiheni? Tchoira nyo bahi guli otchena. Malogo matene anoza kaukokorelegeni, kautamalelegeni, mwasiwa atu atene anoona joira jenyu japama.>>

Jowandeliwa 5:10

eto muhavolotchiha muUmweneni mwenyu, nyo asandutcha ira kakale anamakuta na amwene a Mulugu wehu ira kaze katonge ilambo yatene ya vati.>>