Eberewu 12:26 - Mazu Otchena a Mulungu

²⁶ Tempu yovaha malamulo, nizu na Mulugu nohotika ilambo ya vati. Eto Mulugu ohowanda nivaha ibaribari ira: <<Ihala fendo imohiwa inafuna miyo tika ilambo ya vati. Mbwenye tika unafuna miyo tika kannagomela ilambo ya vati bahi. Nnotika ilambo ya vati vamohi na ilambo ya zulu.>>

Eberewu 12:26 ပူးပေါင်းရင်းမြစ်များ

Ezodu 19:18

Fwanyeya ira ora yenne, mwango Sinayi watene otuwelaga utchi mwasiwa Yehova ohotitela mwangoni ule na makalelo a munlo. Utchiwa ali nnga utchi unakuma muhofuni. Eto mwango watene otekenyeyaga na makalelo ohokala a masika.

Izaiya 13:13

Nafiya siku na uwali waga owopiha, nnoza ditikinye zulu, eto ilambo ya vati inoza ikumevo vili atu. Jatene eji jinoza jiireye na mwasa wa uwali wa miyo Yehova wa Makuru Matene.

Izaiya 2:19

Yehova avenyaga ira atekenye ilambo na kopolo, atu anoza kavolowe mmafukweni anakala mabweni, eto anoza kavolowe miliha dotimbiwa vati, katawaga uwali wa Yehova, katawaga eto undimuwa wa umwene waye.

Izaiya 66:22

Voira ilambo ya zulu ixa na ilambo ya vati ixa yenno inafuna miyo sakanya inafuna ikale ya mukalakala, na nyenne ahiminyu vamohi na mazina enyu anaza kakalewo kala no kala na makalelo mamohive anno. Unawonga gu Yehova.

Eberewu 12:27

Navwa ira Mulugu ohowonga zela tika wanembinli, inafwanela niiziwe ira jatene jowanda tikeya, ku wonga jatene jopandutchiwa, jinoza jikumihiwemo, jimale dimela ira jihale ejo jahanawanda tikeya bahi.

Anamasogolrelra 5:4

Nyo Yehova mwagakumile Seyire, muwendaga roma pandi ya Edomu, ilambo yatene yohotekenyeya eto zulu wohokumela muzongwe, mirambo dohomorihaga mahindje.