Eberewu 12:23 - Mazu Otchena a Mulungu

²³ eto wewo unafwanyeya nikuru na arandji baliwa anno kalrembiwe zulu eto mufiyile wewo unafwanyeya Mulugu, Namatonga wa atene. Mufiyile wewo uli minemba da atu apama anno Mulugu aakwakwanelihedile liye.

Eberewu 12:23 ပူးပေါင်းရင်းမြစ်များ

Jenesesi 18:25

Kamuirena yengo yokala nnga ha yenna ira atu apama kapiwe vamohi na atu abure. Ira apama na abure atene katongiwe na makalelo amohive, kamuirena! Mwasiwa nyo muli namatonga wa ilambo yatene ya vati, wenno unatonga mwa ibaribari.>>

Ezodu 13:2

<<Mwaavelelege ahiminyu arandji baliwa wa miyo. Yengo yatene yoroma baliwa yagali ya mulombwana, inafwanela muiziwe ira inakala yaga, masiki atu nari anavinyama.>>

Ezodu 32:32

Mwa eno, Yehova nnauvepani ira mwaakurumuwele yotega yewa. Mbwenye mwahafune akurumuwela, ili pama mutimihe nzina naga mulivuruni mwenyu, mwemo mulrembile nyo mazina a atwinyu.>>

Ezodu 4:22

Yaireya eno, wamuwandele Farawu wire: <Yehova unawonga ira: <<Miyo dihinkana mwanaga oroma unafwanyeya agali aIzarayeli.

Lukaji 10:20

Nyo mbwenye kamuteyele zela minemba dabure dedo nnauvwelelani, nari. So mbwenye muteyele zela mazina enyu lrembiwa ilambo ya zulu.>>

Juwawu 5:27

Mulugu eto unvaha ira akayena utongi ira atongege mwasiwa liye gu Mwana wa Mutu.

Joira ja Anamarumiwa 20:28

<<Mwahala, nyo mwa annya muviing'ane pama. Mwaaing'anele pama eto mabila matene. Mwasiwa Munemba Otchena umala uhambihani ira nyo mukale mabixpu ira mukumbuzege nikuru na Mulugu neno nigunle liye na sangiri naye.

1 Korinto 13:12

Tempu ili hiyo ila, nili nnga mutu aing'anaga muxupeliyoni ora ya tchiguwo. Mbwenye inoza ifiye tempu ira jengo jioneyege nnga mutu unagumana liye na nfwaye kaonanaga kove na kove. Tempu ili hiyo ila diiziwile vang'ono mbwenye vasogolro miyo nnoza diiziwe mokwakwanela nnga Mulugu udiiziwile liye peno va.

1 Korinto 15:49

Sawasawa nnga nihikana maningo olingana na maningo a mutu wenno ukumenle teyani, nnoza nikayena maningo olingana na maningo a mutu wenno ukumenle zulu.

1 Korinto 15:54

Maningo ovunda okwa ala katukula makalelo ohowanda vunda, katukula makalelo ohowanda kwa tchi tempu yenno inafuna kwakwanela mazu oteya ukwa kalrembiwe mMazuni oira: <<We Ukwa, peno kunna mabasa, ingumi ihimala ugondjiha.

2 Korinto 5:8

Na ibaribari hiyo nili olimbene kopolo eto yofuna yehu ili ira nihiye maningwihu ala ira nikale vande vamohi na Nabwiya.

Efezo 1:22

Mulugu osakanya ira jatene jikale vati va manyalo a Kiristu, jitongiwe na liye. Mulugu eto amuhambihile ira Kiristu akale mwinnya wa jatene eto akale muru wa nikuru na atu omuroromela Yesu.

Detoronomiyo 21:17

Mbwenye inafwanela awande nvaha fendo mbinli jorayela mwanaye murandji wenno unafwanyeya agali mwana wa muhiyana wenne unamutakaleliwa liye. Tchoira liye unafwanyeya agali murandji. Nona undimuwa ozela kala murandji baliwa, kwaye.

Filipo 4:3

Vamohive vevo eto miyo nnouvepa weyo nfwaga ulabile vamohi na miyo ira waakamihede ahiyana ambinli ala kakale atu ovwanana. Aliwa malambo a mundulrimu kalabetcha vamohi na miyo mabasa olaleya Muselu Wapama vamohi na Kelementi na afwaga amohiwa kalaba na miyo kagali atu okana maziniwa muLivuru na Ingumi.

Koloso 1:12

mmutamalelaga Baba zela jatene jinera liye. Baba wenno usakanyile ira nyo muwande vahiwa upama unafuna vahiwa atu atene otchenihiwa anno anafwanyeya mmoneyani.

Koloso 1:24

Miyo nnohagalala na mwasa wa goyi nnaona miyo muwari moulimbihani. Eto dihalawo goyi dimohi diwa nnga goyi dedo dafwanyeyana Kiristu nnafuna miyo onihiwa mmaningoni mwaga muwari molimbiha maningo a Kiristu, anno anafwanyeya kagali nikuru na atu omuroromela aye.

1 Timoteyo 3:5

Tchoira wamuona mutu ahanawanda sasanyeda vande vaye na ahimaye, uiziwe ira liye atukula nikuru na Mulugu, kanawanda wendiha pama.

Eberewu 11:4

Mwa nroromelo Abeli ohovelela wa Mulugu mukuto ofuneyetchetcha hiyaniha na wa Kayini waye, fiyeda Mulugu liye mutetela nnga wapama, liye rumela jovelela jaye. Muwari mwa nroromelo naye bahi Abeli masiki agakwile, na vanove unowonga.

Eberewu 11:40

Tchoira Mulugu ohelavo zelru ira aliwa kibaranyede kana jatene mokwakwanela. So mbwenye Mulugu apanganne ira anigumanihe hiyo atene, a wanle na a tchineneva, amala ora yenno imohive anikwakwanelihede hiyo atene.

Eberewu 2:12

liye wongaga na Mulugu ira: <<Miyo nnodowa davweyihe nzina nenyu vamentoni va abalaga. Nnouimbelani nyumbo doutamalelani vari va mutugumano.>>

Eberewu 9:27

Eto sawasawa nnga kada mutu uvahiwe ira akwe fendo imohi bahi, amala atongiwe na Mulugu, sawasawa eto nnga Kiristu.

Tiyagu 1:18

Liye ohowanda nikaliha ahimaye mofuna mwaye, muwari mwa mazwaye a ibaribari, ira niwande kala johanda joroma muwari mwa jatene jipandutchile liye.

1 Peduru 2:23

Liye aruwaniwaga, kaanna zelru doweliha eto aonihiwaga goyi, kawongile miririmuwo zela wa atwale kamuoniha goyi. Liye mbwenye ovivelela mmandani mwa wenno unatonga mokwakwanela.

Jowandeliwa 13:8

Atu atene a mwilamboni ya vati mwatene komutamalela. Atu anne aatonga liye, anne kamutamalela, ba atu anno kahalrembiwile mazina ewa muLivuru na Ingumi na Nibila, neno napiwe romela mapanduwelo a ilambo.

Jowandeliwa 14:4

Aliwa banno kahavitakalihile na ahiyana, tchoira aliwa kimulawihile muhiyana. Aliwa banno anamuhara mwana Nibila watene unadowa liye. Aliwa anafwanyeya kagali arandji womboliwa ira kakale a Mulugu aye na a mwana Nibila aye.

Jowandeliwa 20:15

Evale mutu wenno nzina naye nahalrembiwe muLivuru na Ingumi nne, otukuliwa, liye tatileliwa ntiya na munlo.

Jowandeliwa 6:11

Nomala enne, kada mutu ohoroma vahiwa bata yaye yotchena, aliwa wandeliwa ira: <<Mudedihe vang'onove fiyeda nikwakwane numero na abalinyu anafwanyeya mwilamboni ya vati anafuna piwa nnga mupiwile nyo. Numero niwa nakwakwanela, jinoza jiireye nnga munawongela nyo.>>

Jowandeliwa 6:9

Nomala enne, mwana Nibila nne nohotwavo yofungihana yanetanu. Mwa enne miyo dohoonaga mukukusuni mwa ibuwa minemba da atu kapiwile na mwasa wa mazu a Mulugu na umboni wahidedela atu.