Eberewu 12:22 - Mazu Otchena a Mulungu

²² Nyo mbwenye mufiyile mwango Siyawu, sidadi ya Mulugu Okalawo, Jeruzalemu wenno uli ilambo ya zulu wewo uli angelro ohowanda kontareya kagumanne muwari mohagalala,

Eberewu 12:22 ပူးပေါင်းရင်းမြစ်များ

2 Amwene 19:4

Mwene wa Asiriya ohomuruma mundimuwa ule unawongetcha mazwaye ira aze wa hiyo, ampokihe Mulugu Okalawo. Yehova Mulugu wenyu avuruwane joruwana jatene jeji eto amutonge mutu wenne uwongile mazu abure matene anna. Mwa eno, inafwanela munilobelele hiyo atu a vang'onove nihanlewo.>>

Izaiya 12:6

Imbani mokuwa nyo akuda Siyawu mwasiwa Mulugu Otchena wa Izarayeli unairana ja kopolo muwari mwa nyo.>>

Izaiya 14:32

Nnafuna dize daawakule avi aliba milanyo a nlogo nimohi niwa? Nnoza diwonge ira: <<Yehova umala garatiha na wanle Siyawu. Tchi sidadi anafuna tawelamo atwaye kaonihiwe goyi.>>

Izaiya 24:23

Mwedi unoza akale tchulriya, eto nzuwa nnoza ninyaswe, mwasiwa Yehova wa Makuru Matene uli Siyawu eto uli Jeruzalemu wewo unatonga liye. Unoza aonihe undimuwa waye vamentoni va andimuwa aye anno anaasogolrelra atwaye.

Izaiya 27:13

Siku neno palraza ilukulu inoza iimbiwe, yaaitanaga aIzarayeli atene kadimenle mwilamboni mwa Asiriya eto katamangihiwe ilambo ya Ijipitu. Aliwa anoza kaze kamutamalele Yehova va mwango otchena unafwanyeya Jeruzalemu.

Izaiya 28:16

Nona Nabwiya Yehova unawonga ira: <<Kaing'anani, gu miyene uhenle aliserisi muwari mwa Siyawu, nibwe nagali nibwe na ibaribari, nibwe na vamwendoni nofuneya valukulu. Ule unaroromele nibwe neno, kaza atekenyeya.

Izaiya 51:11

Atu owomboliwa a Yehova anoza kawele, kaze Siyawu kaimbaga, kaganna hagalala wohomala mmuruni mwiwa. Anoza kakayena teyela no hagalala. Kumbanya no dumbela unoza umale.

Izaiya 51:16

Dihimala hela mazu aga vamulomoni venyu eto duhukunelani na muriti wa ndanda naga. Muwari moirana eno puzile garatihiwa zulu eto puzile mangiwa maaliserisi a ilambo ya vati eto puzile Siyawu wandeliwa ira: <<Nyo muli atwaga.>>

Izaiya 59:20

Yehova unawonga ira: <<Namawombola unoza aze Siyawu ira aawombole Ana Jako anno anahiye jabure jinaira atu.>>

Izaiya 60:14

Eto ahima a atu anno kauzuzumihetcha anoza kaoramihege kove diwa vamentoni vawo eto ale kaulramwisetcha anoza kakokorege vamanyaloni vawo. Eto anoza kauitanege Sidadi ya Yehova, Siyawu wa Mulugu Otchena wa Izarayeli.

Daniyeli 6:26

Miyo nnasakanya nlamulo naga ira mwatene munavira utongi wa umwene waga, atu kawande ngurumela eto kawandege muova Mulugu wa Daniyeli. Mwasiwa Mulugu wa Daniyeli gu Mulugu okalawo eto gwa mukalakala. Eto umwene waye kuza ubwanyuliwa eto utongi waye uneregeve dowa sogolro malambo a mukalakala!

Daniyeli 7:10

Eto dohomuona muhindje wa munlo akumaga vampandoni vafwanyeya liye vale. Eto vohokala atu matchikwi na matchikwi kamulaba. Eto atu amohiwa matchikwi na matchikwi ohokala a masika kohoimela vamentoni vaye. Mwa enne liye ohogarati ira arome tonga eto malivuru kohuliwa.

Matewuji 16:16

Agafukile enne, Simawu Peduru ohowonga ira: <<Nyo muli Namatikeliwa, Mwana Mulugu Okalawo!>>

Matewuji 5:35

Nne kulumbelele ilambo ya vati, mwasiwa ilambo ya vati ili nnga yengo yonyingalihavo manyalo aye. Nne kulumbelele Jeruzalemu, mwasiwa tchi sidadi ya Mwene mundimuwa!

Roma 11:26

Numero na atu ohokala aJudewu nakwakwana, tchi tempu yenno aIzarayeli atene anafuna atu za vulusiwa. Kalaga nnga mazu a Mulugu kalrembiwe wanle oira: <<Nvuni unoza akumele mwa Siyawu. Liye aza unotamangihamo ubure watene unafwanyeya mwa Ana Jako.

Roma 9:26

Mulugu eto ohowonga ira: <<Atu anno kawandeliwe ira: <Nyo kamuli atwaga>, aliwa banafuna za itaniwa: <Ahima a Mulugu Okalawo.> >>

Galasiya 4:26

Mbwenye Jeruzalemu unafwanyeya ilambo ya zulu kahi muzari. Hiyo mmihu gu Jeruzalemu wenno.

Efezo 2:19

Nona nyo atu ohokala aJudewu kamulive alendo, kamuli amarala. Muli atu a nikuru na Mulugu vamohi na atu atene otchenihiwa eto muli anamurala vande va Mulugu.

Detoronomiyo 33:2

liye wonga eraga: <<Yehova ohoza akumelaga mwango Sinayi, ohonikumelela azelaga pandi ya Seyire, ohowareya akumelaga mwango Parani. Ohoza vamohi na atu otchenihiwa matchikwi na matchikwi, aganna munlo wa malamulo pandi ya ndanda naye nodjana.

Detoronomiyo 5:26

Mwasiwa kalivo mutu ubabihile vuruwana nizu na Mulugu Okalawo awongaga muwari mwa munlo nnga nnavwela hiyo peno, amala eno mutuwa akalawo.

Filipo 3:20

Hiyo mbwenye wanihu tchi ilambo ya zulu. Eto nnamudediha Nvulusi wehu wenno unafuna za kumela zulu wewule, wenno unafwanyeya agali Nabwiya Yesu Kiristu.

1 Tesalonika 1:9

So akuda Masedoniya na Akaya banawonga ira: <<Sidadi ya Tesalonika mazu kalaleyile aPawulo wewo, atu kohomala hiya vikwamutu josema jahara atu, peno mbwenye aliwa anamuhara Mulugu Okalawo, Mulugu wa ibaribari.

2 Timoteyo 4:18

Nabwiya eto uneregeve divunela muwari mwa yoireya yabure ili yatene eto liye unodifiyana muUmweneni mwaye zulu. Undimuwa watene ukale waye kala no kala! Ame!

Eberewu 10:31

Gwana milandu mmandani mwa Mulugu Okalawo tchi yengo yowopiha.

Eberewu 11:10

Tchoira liye adediha ira avolowe sidadi yokana aliserisi, yenno ilrembelriwe eto imangiwe na Mulugu.

Eberewu 11:16

Mbwenye ante na vanove aliwa kohokana yoing'anela ira kadowe kavolowe ilambo yapama kwaranya. Ilambo yenno inafwanyeya yagali ilambo yokumela zulu. Nona Mulugu aavwa atu anne kamuitanaga na nzina na Mulugu wehu, liye kananyaswa zela atu anno anawonga eno. Mwasiwa na liyene umala asasanyedela sidadi yewa ira kadowe kakalegemo.

Eberewu 13:14

Tchoira mwilamboni ya vati hiyo kaninna sidadi ya mukalakala. Hiyo mbwenye nnavenda sidadi yenno inafuna za.

Eberewu 3:12

Polre polre abalaga tawiha ira muwari mwa nyo unakalemo mutu mmohi okana murima otakala, ohororomela wenno unafuna amubalrabanduwihe na Mulugu Okalawo.

Eberewu 9:14

na ibaribari sangiri na Kiristu nnolaba kwaranya. Tchoira Kiristu ohowanda vivelela wa Mulugu agali mukuto ohokana yotega muwari mwa kopolo da Munemba Otchena wa Mukalakala. Nona sangiri na Kiristu nnowanda nihuwa mmirimani mwehu ira nahakayena yowanganyeda zela jotega jozana ukwa jaira hiyo mbwenye niwande mulaba Mulugu Okalawo.

Jozuwe 3:10

Evale aliwa kagazile, Jozuwe ohowonga ira: <<Jinafuna nyo ona peno jinalaba ira nyo muwande iziwa ira Mulugu Okalawo uli vamohi na nyo eto muwande iziwa ira na ibaribari liye unoatamangiha sogolro wenyu akuda Kana, aEti, aEvi, aFerizi, aJirigazi, aAmore na aJebuzi.

Judaji 1:14

Zela aliwa, mulombwana Inoki mutu wanetanu na mbinli okumela wa Adawu ohofiyiheda ja Mulugu awongaga zela tongiwa wa atu anno eraga: <<Kaing'anani. Nabwiya unoza vamohi na atwaye otchena matchikwi na matchikwi

Jowandeliwa 14:1

Nomala eno, miyo dagaing'anne, dohoonaga mwana Nibila nagaimenle mwango Siyawu, nagali vamohi na atu 144.000. Atwale vakoveni viwa voholrembiwa nzina na Nibila vamohi na nzina na Babaye.

Jowandeliwa 21:10

Nomala enne, mungelrole ohoditukula muwari mwa Munemba, didowana vazulu va mwango mmohi olapa bure, liye dioniha sidadi yotchena Jeruzalemu, yenno yakumela wa Mulugu zulu, ititelaga mwilamboni ya vati.

Jowandeliwa 21:2

Eto dohoiona Sidadi Yotchena, Jeruzalemu Muxa, ikumelaga zulu wa Mulugu, ititelaga ilambo ya vati, yagamanle sakanyiwa pama nnga jini namateliwa afunaga watcheliwa na mamunaye.

Jowandeliwa 22:19

Eto mutu wenne unavungule mazwala, Mulugu unomuvungula ira ahawande volowa sidadi yotchena eto ira ahawande dja jovaha ja Mutengo Ovaha Ingumi jejo jilrembiwe mulivuruni mu.

Jowandeliwa 3:12

Mutu wenno unagondjihe, miyo nnomutimbela ira akale nimbozo muNyumbani mwa Mulugu waga. Liye muNyumbani mule kaza akumamo. Miyo nnoza dimulrembe mazina mararu. Nzina noroma, nzina na Mulugu waga. Nzina nanembinli, nzina na sidadi ya Mulugu waga, sidadi ya Jeruzalemu Muxa yenno inafuna kumela zulu wa Mulugu. Nzina naneraru nnakala nzina naga.

Jowandeliwa 7:2

Eto dohomuonaga mungelro mmohiwa akumelaga makumelo wa nzuwa, aganna mmandani mwaye karimbu ya Mulugu Okalawo. Evale mungelrole agazile ohowongaga aakuwelaga angelro annayi anno kavahiwe utongi oira kanonge ilambo ya vati vamohi na mbara, liye ira: