Eberewu 12:15 - Mazu Otchena a Mulungu

¹⁵ Polre polre tawiha ira unakalevo mutu unaze ahafwanye sayi da Mulugu eto tawiha ira unaze akalevo mutu unafuna kala nnga mutchitchi owawa unafuna buwa muwari mwa nyo, amale avaha afwaye oindjiva makatamiho, aatakalihaga.

Eberewu 12:15 ပူးပေါင်းရင်းမြစ်များ

1 Amwene 14:16

Mulugu unoanyanyala aIzarayeli na mwasa wa jotega ja mwene Jerobowawu tchoira liye uhutega eto uhategiha aIzarayeli.>>

Ezodu 32:21

Noira eno, Mozeji ohonfukaga mulombwana Arawu eraga: <<Kodi atwala kauirele yengo nni fiyeda weyo ategiha na yotega ilukulu yokala nnga ha yenna?>>

Izaiya 5:4

Kodi kohokalavo makalelo amohiwa afuna miyo nnga diirena, anno dahairilena miyo? Miyo dadediheda ira mmundani mu munovaha uva wapama. Nnga jiwandeyile avi vahaga uva ohokana mabasa?

Izaiya 5:7

Tchoira munda wa uva wa Yehova wa Makuru Matene nnamuwonga miyo ula, ba akuda Izarayeli. Eto alombwana a Juda, aliwa ti miratchi dapama dazala liye. Liye adediheda ira munokuma tonga wa ibaribari. Mbwenye aonnemo tatiliwa wa sangiri bahi. Adediheda upama, mbwenye avwa kuto bahi.

Lukaji 22:32

Mbwenye miyo duhulobelela weyo Simawu ira nroromelo nawo nahautawe. Eto watwaruwa, waalimbihe abalawo.>>

1 Korinto 10:12

Nona mutu unaviona ira dihiimela, inafwanela aing'ane pama makalelo aimenle liye tawiha ira unagwe.

1 Korinto 13:8

Fiyiheda ja Mulugu unokana goma uwa. Eto wonga na viwongelo dohofundjiwa unoza umale. Eto iziwetchetcha unokana goma uwa. Mbwenye muziveliwa nfwawo kunakana magomelo uwa.

1 Korinto 15:33

Nyo kamunyengiwe. Wandana wabure unononga mawendelo apama.

1 Korinto 5:6

Makalelo anavitetela nyo kili pama. Kodi nyo kamuiziwile ira leverina wa vang'onove amwadeya, masa matene anomala nyakuwa?

2 Korinto 13:5

Inafwanela muvipime ira muone akala mulive olimbene mwa ibaribari inahara hiyo. Muviing'ane vili nyo. Mwavipima, mwaviona ira munafwanyeya muwari mwa ibaribari, muiziwe ira Yesu Kiristu uli muwari mwa nyo.

2 Korinto 6:1

Nona hiyo muwari molaba vamohi na Mulugu, nnoukokomezani ira mwahawatchele sayi da Mulugu vasayi vene.

Galasiya 2:13

AJudewu atene omuroromela Yesu kohoiziwa ira hiyo podi dja vamohi na atu ohokala aJudewu omuroromela Yesu. Eto kagaonne ungongomwa wa mulombwana Peduru, na aliwene kohoroma muhara Peduru viringaniha waira liye. Ante mwinnyiwene Barnabe, ohiya ibaribari, liye haraga ja ungongomwa jaira afwaye.

Galasiya 5:4

Nona ule unafuna kala wapama vamentoni va Mulugu muwari mwa malamulo uhumala mwalana na Kiristu eto uhumala tatila sayi da Mulugu.

Efezo 5:3

Mbwenye muwari mwa nyo atu otchenihiwa, kakalevo unavenda joraruwa, kakalevo unera jotakala, kakalevo unasilrilra. Tchoira kinafwanela hiyo atu otchenihiwa vweyagana jatene jejo.

Detoronomiyo 29:18

Nona, polre polre tawiha ira muwari mwa nyo unaze akalemo mulombwana nari muhiyana, owu nivande, owu nlogo neno nnafuna kana murima omuhiya Yehova Mulugu wehu, dowa roma alabaga amilugu a malogo nnaawonga miyo. Tchoira mwaroma ahara amilugu amohiwa inakala nnga mutchitchi unapuwa, aulukula, avahaga jovaha jowawa na jopa.

Detoronomiyo 32:32

Tchoira aliwa miratchi dewa da uva anakumana minda da uva da akuda Sodoma, na minda da akuda Gomora. Uva wewa gu uva opa, mazamwa ewa bonyunya.

Detoronomiyo 4:9

<<So inafwanela mukale ororomeleya. Eto polre polre tawiha ira munadiwale jejo jionne nyo na meso enyu eto kajikumemo mmirimani mwenyu kalawo wenyu watene. Eto mwaawandelege ahiminyu vamohi na ahiminyu ahimiwa.

Koloso 3:5

Nona inafwanela mukwihe jofuna ja ilambo ya vati jinafwanyeya muwari mwa nyo. Jofuna ja ilambo jinafuna nyo kwiha ti ji: joraruwa, irana jotakala, irana jofuna jenyu, kana jofuna jabure no funa kana jorayela pwi. Funa kana jorayela pwi eto tchi imohive no hara ikwamutu yosema.

Titu 1:15

Mutu wenne uli wapama, para liye jatene jene jili japamave. Mbwenye mutu wenno uli otakala, ule ahanamuroromela Yesu, agarati, kilivo yengo ili yapama para liye. Jili mmirimani mwaye nari jili mmuruni mwaye jinafwanyeya jagali jotakalave.

Eberewu 3:12

Polre polre abalaga tawiha ira muwari mwa nyo unakalemo mutu mmohi okana murima otakala, ohororomela wenno unafuna amubalrabanduwihe na Mulugu Okalawo.

Eberewu 4:1

Agali afwihu wanle kohoimwanana volowa, Mulugu univaha nipangano ira nivolowe movuma mwaye. Nona polre polre tawiha ira muwari mwa nyo unakalemo mutu mmohi unaimwanane volowa muwari movuma mwa Mulugu mule.

Eberewu 4:11

Nona inafwanela nizuzumele ira nivolowe muwari movuma wewo ira ahakalevo mutu unafuna gwana mulandu ohonvwelela Mulugu nnga jaira atu wanle.

Eberewu 6:11

Hiyo eto nnafuna ira kada mutu muwari mwa nyo awendegeve na makalelo anno fiyeda magomelo. Tchoira mwakanave makalelo anno, munowanda kana ibaribari yatene ira munoza mukayena yoing'anela inaing'anela hiyo.

Jozuwe 6:18

Eto muviing'anele pama tawiha ira munaze mutukule yengo ili yatene yenno inafuna veleliwa wa Yehova muwari motolotchiwa. Tchoira, nyo mwatukula yengo ili yatene muwari mwa jengo jejo jinafuna veleliwa wa Yehova muwari motolotchiwa, munozana wa aIzarayeli tolotchiwa no bwanyuliwa.

2 Peduru 1:10

Nona abalaga inafwanela muzuzumelege ira ioneye ira mwa ibaribari muli atu oitaniwa, atu osakulriwa. Tchoira mwairaga eno, kamuza mugwagwaduwa.

2 Peduru 2:18

Kaaona atu axa karomaga wene atawa afwiwa anairana joviringana, aliwa anodowa anyenga muwari mokuwa na mazu pwi ovitukulela, a uzimora, kaanyengaga ira kairegena joraruwa jinafuna maningo.

2 Peduru 3:11

Mwawanda iziwa ira jatene jene jinoza jinyungulruwe na makalelo anno, inafwanela nyo mukale atu owenda na makalelo otchena, atu oirana ja Mulugu,

2 Peduru 3:14

Nona afwaga anaaziveliwa miyo, voira nyo muli vari vodediha eji, inafwanela muzuzumelege ira liye azaga, aufwanyeni mwahanna ndamba nari yodugudela eto mwagali opwaseyene.

2 Juwawu 1:8

Inafwanela muviing'anele pama ira mwahanonge yenno yafuna kuma muwari mwa mabasa nilabile hiyo, mbwenye muwande watchela yotambilra yokwakwanela.