Eberewu 12:14 - Mazu Otchena a Mulungu

¹⁴ Muzuzumele ira muwendege mwa murendele na atu atene. Muzuzumele eto ira muwende na makalelo otchena mwasiwa mutu wenne ahanakayena makalelo otchena kaza amuona Nabwiya.

Eberewu 12:14 ပူးပေါင်းရင်းမြစ်များ

Jenesesi 32:30

Noira enne, Jako ohowonga eraga: <<Miyo dihimuona Mulugu kove na kove mbwenye dilive ngumi.>> Evale ohovaha nimburo nenne nzina na Penuweli, [ku wonga kove ya Mulugu].

Izaiya 51:1

Mudivuruwane nyo munahara upama eto munanvenda Yehova. Muing'ane wewo uli nibwe musemiwe nyo eto muing'ane muliha mutimbiwe nyo.

Markuji 9:50

Mwinnyu tchi yengo yapama. Eto yozivele yamalamo, nyo munowanda nvaha yozivele akoka? Inafwanela mukayena mwinnyu mwa nyenne nyoka eto mukalegewo mwa murendele mutu mmohi na nfwaye.>>

Lukaji 1:75

Liye awongele eno ira hiyo niwende vamentoni vaye na makalelo otchena vamohi na makalelo apama, kalawo wehu watene.

Roma 12:18

Akala jowandeya, zela pandi yenyu, muvende wenda na murendele na atu atene.

Roma 14:19

Nona ndoweni niiregena jengo ejo jinanizelana murendele na afwihu ira hiyo atene nilimbihiwege.

Roma 6:22

Mbwenye muhumala kutchiwa muuzarini mwa jotega mwafwanyeya nyo. Peno muli azari a Mulugu. Mbwenye mpindu zela kala azari a Mulugu, mawendelo enyu anotchenihiwa. Muwari motchenihiwa mule, goma uwa ku kana ingumi yohomala.

1 Korinto 1:10

Miyo abalaga, nnoukokomezani nyo mwatene na nzina na Nabwiya wehu Yesu Kiristu ira inafwanela nyo mwatene muvwananege. Kavikale gaweya muwari mwa nyo. Inafwanela mukayena joumbuwela jimohive na mirima dimohive.

1 Korinto 13:12

Tempu ili hiyo ila, nili nnga mutu aing'anaga muxupeliyoni ora ya tchiguwo. Mbwenye inoza ifiye tempu ira jengo jioneyege nnga mutu unagumana liye na nfwaye kaonanaga kove na kove. Tempu ili hiyo ila diiziwile vang'ono mbwenye vasogolro miyo nnoza diiziwe mokwakwanela nnga Mulugu udiiziwile liye peno va.

2 Korinto 6:17

Nona inafwanela mukume muwari mwa aliwa, mukale venyu vene hiya kala vamohi na aliwa. Unawonga gu miyo Nabwiya. Kamuhinde yengo yatene ili yotakala. Mwera eno, miyo nnouwatchelani.

2 Korinto 7:1

Muwari moira nihikana mapangano anna, afwaga anaazivela miyo inafwanela nivihuwe zela yotakala ili yatene ya maningo nari ya munemba nikwakwanelihedaga tchena wehu muwari momuova Mulugu.

Galasiya 3:21

Kodi malamulo anoruniha mapangano a Mulugu? Kavali wandeya. Tchoira wahakale nlamulo nowanda nvaha mutu ingumi, atu kerege kala apama vamentoni va Mulugu muwari mwa malamulo.

Efezo 5:5

Tchoira inafwanela mukayena ibaribari ira mutu watene unairana joraruwa, nari mutu wenno unairana jotakala, nari mutu wenno unasilrilra, atu anno mbwenye kinna yodediheda ira anoza kavahiwe pandi muUmweneni mwa Kiristu na Mulugu. Ule unasilrilra na ule unatamalela ikwamutu yosema gu mmohive.

Filipo 3:12

Venya unawonga miyo, kahi ira venya wewo miyo dihimala wanda. Eto kahi ira eniva dili okwakwanelene, nari. Mbwenye miyo dinnave limbiheda ja sogolro ira dikayena venya unafuna miyo venya, mwasiwa Yesu Kiristu usakanya makalelo ira dikale waye.

1 Tesalonika 3:13

Mwaira eno, Nabwiya Yesu aza azaga na atwaye otchenihiwa, Mulugu Babihu unoza anifwanye mmirimani mwehu mwagali mwapama mwene eto mwagali motchena.

1 Tesalonika 4:7

Tchoira Mulugu kaniitanne ira niiregena jengo jabure mbwenye uniitanne ira niiregena jengo japama, jotchena.

1 Tesalonika 5:15

Mwamuona nfwinyu ira unafuna amuwelihede nfwaye kunyakunya, muwande muhiyiha. Mwaairelege atu atene upama masiki mukalele nyo nari atu atene.

1 Timoteyo 6:11

Mbwenye weyo voira uli mutu wa Mulugu, inafwanela utawe jabure jatene ejo, uzuzumelege irana jengo japama ejo jinafuna Mulugu, ulimbiheve nroromelo nawo, waazivelegeve afwawo, ukale olimbiheyene, ukayenave fwaseya na atu.

2 Timoteyo 2:22

Nona inafwanela utawege jofuna ja maningo jejo jinakanetcha azombwe. So mbwenye uvendege irana ja upama, ja nroromelo, jozivelana, ja murendele. Jatene ejo uiregena vamohi na atu atene anamuitana Nabwiya na murima otchena.

Eberewu 12:10

Fwanyeya ira ababihu a mwilamboni ya vati kanilangetcha ora ya vang'ono na makalelo nnga mwaonela atu. Mbwenye Babihu Mulugu unanilangetcha para upama wehu ira niwande kala otchena nnga liye.

Eberewu 9:28

Kiristu ukwile fendo imohi bahi ira awatchele jotega ja atu oindjiva. Liye unoza aze akoka. Mbwenye za waye wanembinli kahi ira unazela awatchele jotega. Azaga fendo yanembinli unazela ira aavuluse atene anno anamudediha mohagalala.

1 Peduru 3:11

Inafwanela akale olapela wene na jabure, airegena upama, avende murendele eto aharege murendele wenno.

1 Peduru 3:13

Nyo mwakalela ntindi irana japama, kodi bani unafuna uirelani jabure?

2 Peduru 3:11

Mwawanda iziwa ira jatene jene jinoza jinyungulruwe na makalelo anno, inafwanela nyo mukale atu owenda na makalelo otchena, atu oirana ja Mulugu,

2 Peduru 3:18

So nyo mbwenye muulukulege muwari mwa sayi no onelramo unavaha Nabwiya Nvulusi wehu Yesu Kiristu. Undimuwa watene ukale waye tempu ili hiyo ila fiyeda malambo a mukalakala. Ame! Kukala mazu a karta nanembinli nilrembiwe na Peduru.

3 Juwawu 1:11

Mbalaga oziveliwiwa kuharege jabure mbwenye inafwanela uharege japama. Wenno unera upama ukumile wa Mulugu. Mbwenye wenno unakaleletchave irana ubure liye kanababihe muona Mulugu.

Anamasogolrelra 11:14

Mbwenye Jefite ohowelelave rumiha milanyo akoka wa mwene wa akuda Amoni,