Eberewu 11:40 - Mazu Otchena a Mulungu

⁴⁰ Tchoira Mulugu ohelavo zelru ira aliwa kibaranyede kana jatene mokwakwanela. So mbwenye Mulugu apanganne ira anigumanihe hiyo atene, a wanle na a tchineneva, amala ora yenno imohive anikwakwanelihede hiyo atene.

Eberewu 11:40 ပူးပေါင်းရင်းမြစ်များ

Eberewu 11:16

Mbwenye ante na vanove aliwa kohokana yoing'anela ira kadowe kavolowe ilambo yapama kwaranya. Ilambo yenno inafwanyeya yagali ilambo yokumela zulu. Nona Mulugu aavwa atu anne kamuitanaga na nzina na Mulugu wehu, liye kananyaswa zela atu anno anawonga eno. Mwasiwa na liyene umala asasanyedela sidadi yewa ira kadowe kakalegemo.

Eberewu 5:9

Agamanle onihiwa goyi dile, liye okala mutu okwakwanela, wenno unawanda avulusa kala no kala atu anno ananvwelela.

Eberewu 7:19

Voira malamulo tchawandile kwakwaneliheda yengo ili yatene, vamalroni va malamulo nihiwanda vahiwa yoing'anela ixa, unafwanyeya agali mutu unamuing'anela hiyo. Eto muwari mwa mutu wenno, hiyo nnowanda mukwivela Mulugu.

Eberewu 7:22

Muwari mwa yolumbela ya Mulugu, ku tapulela Yesu unonivaha ibaribari ira Yopangana Ixa ili pama hiyaniha na Yopangana ya Wanle ivirile.

Eberewu 8:6

Eto fwanyeya ira Kiristu mabasa uvahiwe liye bokwaranya mabasa kalaba anamakuta a wanle, sawasawa nnga yopangana ikungile Kiristu vari va Mulugu na atu tchapama kwaranya Yopangana ya Wanle. Tchoira yopangana inalabana Kiristu isakanyiwe na mapangano apama kwaranya mapangano a Yopangana ya Wanle.

Eberewu 9:23

Yali yofuneya ira jatene ja ilambo ya vati jejo jinalingana na jengo ja ilambo ya zulu jitchenihiwe muwari mwa sangiri na vinyama. Mbwenye jengo ja ibaribari jiwa jinafwanyeya zulu jafuna jitchenihiwe na mikuto dapama kwaranya sangiri na vinyama dile.

Jowandeliwa 6:11

Nomala enne, kada mutu ohoroma vahiwa bata yaye yotchena, aliwa wandeliwa ira: <<Mudedihe vang'onove fiyeda nikwakwane numero na abalinyu anafwanyeya mwilamboni ya vati anafuna piwa nnga mupiwile nyo. Numero niwa nakwakwanela, jinoza jiireye nnga munawongela nyo.>>