Eberewu 11:34 - Mazu Otchena a Mulungu

³⁴ kohotimiha kopolo da munlo, kohotawa irwa wa supada. Siku naligi atu ovuta, kohovahiwa kopolo, kohokana kopolo dilukulu kawanaga kondoni, kohotamangiha makuru a anyakondo a vilambo da unde.

Eberewu 11:34 ပူးပေါင်းရင်းမြစ်များ

1 Amwene 19:1

Akabe ohomuwandela muhiyanaye Jezabeli zela jatene jairile Eliya eto zela makalelo aapile liye anamafiyiheda a mulugu Baali ale na supada.

1 Amwene 19:3

Evale mulombwana Eliya agavwile enne, ohoovaga, liye maruwa, roma tamanga ira ahapiwe, liye dowa sidadi ya Beriseba mwilamboni mwa Juda. Agafiyile Beriseba, liye amuhiyile namalabaye wewule.

2 Amwene 6:1

Siku nimohi asempuru a anamafiyiheda kohomuwongagana Elizewu, aliwa ira: <<Mbwiyeni nimburo nnakala hiyo nigumanaga na nyo, nihitabwa yeva.

2 Amwene 6:32

Mwa tempu yenne Elizewu afwanyeya ogaratene vande vaye, agali vamohi na andimuwa a sidadile. Mwa enne mwene ule ohomurumaga mutu ira asogolre, adowe wa Elizewu. Mbwenye maliba rumiwa ule ahanafiye, Elizewu ohawandelaga andimuwa ale eraga: <<Kaing'anani nyo! Eni mpanga ule uhumuruma mutu ira aze adigwade muru. Mutu umurumile liye afiya, mufunge musuwo eto mulimbihe pama ira ahavolowe. Eto nnovwa migugudo da mbwiyaye umurumile. Eni unaza mundulri mwaye.>>

Ezodu 18:4

Mwana mmohiwa ule nzina naye ali Eliyezeri [ku wonga Mulugu waga gunadikamiheda]. Tchoira Mozeji ohowonga ira: <<Mulugu wa babaga gudikamihedile, adiwombola mmandani mwa mwene Farawu ira miyo dahakwe.>>

Izaiya 43:2

Walambuwaga muwari mwa mahindje, miyo nnokala na weyo. Walambuwaga mihindje, mihindje dile kannaubwabwiha. Waviraga vamunloni, kunaja eto nne malumi a munlo kinautumeya.

Lukaji 21:24

Atu adjindji anoza kapiwege na masupada eto amohiwa anoza kahindiwe, katukuleliwege vilambo datene dene. Eto atu a unde anoza kamunyingalelege Jeruzalemu fiyeda tempu yewa imale.

1 Peduru 4:12

Afwaga anaaziveliwa miyo, kamutikine zela makatamiho anafuna ufwanyani anno anakala nnga munlo ohindetchetcha wenno unaza wa nyo ira auxixeni kalaga nnga tchi yengo imohiwene.

Anamasogolrelra 15:8

Evale ohapaga na makalelo ohokala a masika, liye kamuwendenle mutu tangaranga. Noira eno, ohomaruwaga, liye dowa kalaga nifukwe na nibwe nafwanyeya Etani.

1 Samuweli 18:11

Evale Sawuli ohoumbuwelaga ira: <<Miyo nnafuna dimuwambe Davi vantchihini!>> Nomala eno, Sawuli ohonvokaga Davi na mwanango ule. Mbwenye Davi ohorambaga, liye vonya. Noira enne, Sawuli ohonvokagana akoka. Eto Davi ohorambaga akoka, liye vonya.

1 Samuweli 19:10

Evale Sawuli ohonvokagana Davi mwanango wenne ahidedile liye mmandani mwaye mule ira amulatena, amuwambe na ntchihi. Mbwenye Davi ohorambaga. Evale mwanangole adowilege lata vantchihini. Nomala eno, mahiyu amohive anne Davi ohovuluwaga, liye tawela vande vaye.

1 Samuweli 20:1

Mwa tempu yenne Davi ohotawa Nayoti ilambo ya Rama wali Sawuli, liye dowa wafwanyeya Jonata. Aganfwannye Jonata, ohonfukaga eraga: <<Kodi miyo disakanyile yabure nni? Mulandu unna miyo gwa nni? Yotega tchivi isakanyile miyo yofwanela ira babawo adiharaharege ira adipe?>>