Eberewu 11:32 - Mazu Otchena a Mulungu

³² Kodi nnafuna diwendjede nni? Tchoira kadinna tempu ira diwongegeve zela Jideyawu na Baraki na Samisawu na Jefite na Davi na Samuweli na anamafiyiheda.

Eberewu 11:32 ပူးပေါင်းရင်းမြစ်များ

Matewuji 5:12

Kauirelani jabure jatene ejo inafwanela muhagalale eto muziveliwe, mwasiwa muhukana yotambilra ilukulu ilambo ya zulu. Tchoira anamafiyiheda a malambo a mundulri na aliwene koharahariwa na makalelo amohive.

Lukaji 13:28

Evale nyo mwaza mmuona Abarahamu, Izaki, Jako vamohi na anamafiyiheda atene kagali muUmweneni mwa Mulugu eto nyo mwavokediwa unde, munoza munlege no takuna meno.

Lukaji 16:31

Abarahamu mbwenye ohomuwakulaga eraga: <Aliwa kahafune vwa jolremba ja Mozeji nne ja anamafiyiheda, masiki mutu okwa avenye adowe awonge na aliwa, kinawandeya.> >>

Juwawu 21:25

Teto jihikalawo jengo jimohi jiwa joindjiva jiirile Yesu jahalrembiwe mulivuruni mu. Ahakale nnga jatene jiirile liye jilrembiwa imohi na imohi, miyo nnoona ira malivuruwa kafuna lrembiwa tchakwakwanamo mwilamboni! Kukala mazu Juwawu alrembile liye muwari mwa Munemba Otchena zela jejo jaira Yesu agali mwilamboni ya vati.

Joira ja Anamarumiwa 10:43

<<Liye gwenno unahidedeliwa umboni na anamafiyiheda atene a wanle ira mutu uli watene unamuroromela, unoleveleliwa jotega muwari mwa nzina naye.>>

Joira ja Anamarumiwa 13:20

Ira jatene ejo jiireye, vamanle wandamelana yaka 450. <<Nomala eno, Mulugu oharuma anamasogolrelra, aliwa asogolrelraga aIzarayeli fiyeda namafiyiheda Samuweli.

Joira ja Anamarumiwa 3:24

Peduru ohowongagave eraga: <<Anamafiyiheda atene owonga mazu a Mulugu kuma Samuweli zaga sogolro kawonga zela jinaireya malambwala.

Roma 3:5

Atu amohiwa anawonga ira: <<Akala ubure wehu unaoniha upama wa Mulugu, kodi Mulugu kanairana yengo yabure anitongaga mwa uwali?>>

Roma 4:1

Kodi inafwanela niwonge ira nikolo nehu Abarahamu ira akalihiwe wapama vamentoni va Mulugu ali na mwasa wa mabasa alabile liye? Nari.

Roma 6:1

Kodi nagavwile ira sayi da Mulugu dihikwaranya jotega, niire avi? Kodi inafwanela hiyo atu nitegegeve ira sayi da Mulugu diindjivegeve?

Roma 7:7

Nnga vire hiyo nikutchiwa zela wenda na malamulo, nnafuna niwonge avi? Kodi malamulo tchi yengo yotega? Nari, nne vang'ono! Tchoira dahaiziwa malamulo, miyo kadaiziwa jotega. Mwasiwa ahakala malamulo kawonga ira: <<Kusilrilre>>, miyo kadaiziwa ira silrilra tchi yengo yabure.

Tiyagu 5:10

Abalaga muumbuwele makalelo a anamafiyiheda anno kawonga na nzina na Nabwiya. Aliwa kohowanda vilela muwari mwa goyi didjindji dene. Inafwanela na hiyene naasazihege aliwa.

2 Peduru 1:21

Tchoira mazu ofiyihediwa kikumile muwari mofuna wa mutu, nari. So mbwenye atu kawonga mazu a Mulugu muwari mosogolrelriwa na Munemba Otchena, hiya mofuna mwewa.

2 Peduru 3:2

ira muwande tulela jengo ja sogolro jawongile anamafiyiheda otchena eto muumbuwelegeve nlamulo na Nabwiya, Nvulusi wehu, nawongile liye muwari mwa anamarumiwa kaulaleyileni.

Anamasogolrelra 13:24

Vagavirile tempu, muhiyanole ohombala mwanapongwe, liye nvaha nzina na Samisawu. Evale mwanole ohoulukula eto Yehova ohomureliha.

Anamasogolrelra 15:20

Samisawu aasogolrenlre aIzarayeli yaka 20, tempu aFilistewu yatonga atu ilambo ya aIzarayeli.

Anamasogolrelra 4:1

Mbwenye mulombwana Ewudi agakwile, Ana Izarayeli kohowelelave sakanya jabure vamentoni va Yehova.

Anamasogolrelra 6:1

Mbwenye Ana Izarayeli kohosakanya jabure vamentoni va Yehova. Na mwasa wenno Yehova ohavaheda mmandani mwa akuda Midiyani fiyeda yaka tanu na mbinli.

Anamasogolrelra 6:11

Siku nimohi Mungelro wa Yehova ohozaga liye garati vati va mutengo wa karvaliyo unafwanyeya ilambo ya Ofara, wenno ali mutengo wa mulombwana Jowasi nkuda Abiyezeri. Eto tempu yenno mwanaye Jideyawu afwanyeya abubudaga tirigu nimburo nonyingalela uva. Liye airana mozemba tawiha ira akuda Midiyani ananfwanye, kamuwake.

Anamasogolrelra 6:14

Evale Yehova ohomuing'ana mulombwana Jideyawu, liye muwandela eraga: <<Kavenya na kopolo dinna we, udowe waavunele aIzarayeli mmandani mwa akuda Midiyani. Unauruma gu miyo Yehova.>>

1 Samuweli 1:20

Ana ohofiyeda kana vambani eto siku nobala nagafiyile, ohombala mwanapongwe. Agabanle, ohowonga eraga: <<Mwanola danvepile Yehova, nomala liye divaha.>> Mwa enne ohonvaha mwanole nzina na Samuweli [ku wonga vepa].

1 Samuweli 12:11

Mwa enne Yehova agavwile yovepa yewa, ohomuruma mulombwana Jerubaali, Baraki, Jefite na miyo Samuweli. Hiyo dowa agondjiha amwidaninyu atene, nyo roma wendaga na murendele.

1 Samuweli 16:1

Evale Yehova ohowongaga na Samuweli eraga: <<Kodi unaza uhiye mukumbanya Sawuli alini, agali miyo dihimala munyanyala ira liye ahakale mwene wa mulogo wa Izarayeli akoka? Uvenye utukule nnyanga, uzalihemo makura, umaruwe udowe sidadi ya Beleme. Wafiya wewo, udowe vande va mulombwana mmohi unaitaniwa Jese. Liye uhumukana mwanaye mmohi wenno dimusakunlre miyo ira akale mwene.>>

1 Samuweli 16:13

Evale Samuweli ohotukulaga nnyanga neno mwafwanyeya makura, liye mukutulela Davi vamentoni va abalaye atene. Evale Munemba wa Yehova ohomuzelaga kala na liye roma siku nenne ante dowaga sogolro. Nomala eno, Samuweli ohowelelaga waniwa wakoka wene ilambo ya Rama.

1 Samuweli 17:45

Evale Davi ohowongaga na Goliya eraga: <<Weyo unaza wa miyo na supada na mwanango vamohi na mwanango wawo mung'onong'ono. Mbwenye miyo nnafuna dize wa weyo na nzina na Yehova wa Makuru Matene, Mulugu wa nikuru na anyakondo a aIzarayeli anno unaapokiha we.

1 Samuweli 2:11

Noira eno, mulombwana Elikana na muhiyanaye Ana kohovenyihanaga, aliwa dowa waniwa ilambo ya Rama. Mbwenye mwanole Samuweli komuhiya Silo wewule, liye roma labaga mabasa a Yehova vamentoni va namakuta Eli.

1 Samuweli 2:18

Mbwenye muzombwe Samuweli akaletchave wewule, alabaga mabasa a Yehova. Ora yenno liye owaretcha kuleti ya unamakuta yosakanyiwa na nguwo yapama.

1 Samuweli 2:4

Maurwa a atu a kopolo kohomala kotowa, mbwenye atu anne kali ovuta, peno bawandile kana kopolo dowanda gondjiha.