Eberewu 11:27 - Mazu Otchena a Mulungu

²⁷ Mwa nroromelo Mozeji ohokuma Ijipitu, ahaovaga uwali wa mwene. Liye ohowanda vilela mwa jengo jidjindji jene, kalaga nnga liye ohomuona wenno ahanaoneya.

Eberewu 11:27 ပူးပေါင်းရင်းမြစ်များ

Ezodu 11:8

Mozeji ohomuwandelaga mwene Farawu ira: <<Jaireya eno, anamalabawo anoza wa miyo, kaze kadikokorele, kanigunyaga, keraga: <Mudowege nyo vamohi na atwinyu atene anauharani.> Era eno, miyo nnovenyamo mwilamboni muno.>> Evale Mozeji ohokumaga vali Farawu notakaleliwa wohokala wa masika.

Ezodu 12:11

Mwadjaga nyamele, mudjege mwagawarile jowara ja ulrendo, xineli domangiha dene eto mwaganna ikumbuzo mmandani mwinyu. Mudjege mobaranya. Tchi Pwando ya Mavirelo ya Yehova.

Ezodu 12:50

Evale Ana Izarayeli atene kohoirana jatene nnga mwemo Yehova mwamurumele liye Mozeji na Arawu.

Ezodu 4:19

Mozeji ahanagundeye ilambo ya Midiyani ira adowege Ijipitu, Yehova ohowonga na Mozeji akoka eraga: <<Atu atene anne kafuna upa, kohomala kwawo. Nona tchiye uwelele Ijipitu.>>

Matewuji 10:22

Atu atene anerege uidani nyo na mwasa wa nzina naga. Mbwenye mutu wenno unavilele ante magomelo, unovulumuwa.

Matewuji 24:13

Mbwenye mutu wenno unavilele ante magomelo wa makatamiho anno, unovulumuwa.

Markuji 13:13

Atu atene anerege uidani na mwasa wa nzina naga. Mbwenye mutu wenno unavilele ante magomelo, unovulumuwa.>>

Markuji 4:17

Eto mwa tempu ya vang'ono anohiya mazwale mwasiwa aliwa kimenle mitchitchi mwa mazwale. Anavilela tempu ing'onong'onove mbwenye kaona ira muwari mwa mazu munoza sanyeya wohokala wa masika no harahariwa, aliwa anovayela balrabanduwa.

Joira ja Anamarumiwa 2:25

<<Mulombwana Davi eto oholremba mazu zela Yesu oira: <Miyo domuonetchave Nabwiya agali vamohi na miyo. Tchoira liye uli ikukuru yaga ya muwononi odjana ira miyo dahakukumuliwege.

1 Korinto 13:7

Wamuziveliwa nfwawo, unowanda levelela jatene, unororomela jatene, unodediha jatene eto unovilela mwa jatene.

2 Korinto 4:18

Tchoira hiyo kannakukumuwela jengo jooneya na meso, mbwenye nnakukumuwela johooneya na meso bahi. Mwasiwa jengo jooneya ti jengo johodibeliwa vira mbwenye jengo johooneya ti jengo ja mukalakala.

Koloso 1:15

Kiristu gu nlandaniho na Mulugu wenno ahanawanda oneya eto gu Mwana Murandji wa jatene jipandutchiwe.

1 Timoteyo 1:17

Mulugu Mwene wa tempu datene, wenno ahanawanda kwa, ahanawanda oneya na meso, Mulugu mmohive uliwo, ateteliwe eto undimuwa waye uoneye kuma peno dowa sogolro kala no kala. Ame.

1 Timoteyo 6:16

Mulugu eka gwahanakwa, gunakala muwari mowareya undimuwa wewo wahanawanda fiya mutu. Kalivo umuonne eto kalivo unawanda muona. Inafwanela liye ateteliwe, utongi watene ukale na liye kala no kala. Ame!

Eberewu 10:32

Nyo eto kamudiwale ira malambo mwaromile nyo onelramo ibaribari, mohowanda vilela muwari mwa makatamiho madjindjene ozela onihiwa goyi.

Eberewu 11:1

Nroromelo ku hawanganyeda jengo jinadediha hiyo vamohi no kana ibaribari zela jengo jejo jahanaona hiyo na meso.

Eberewu 11:13

Atu atene anna kohofiyeda kwa kahanawatchele jatene Mulugu apanganne liye. Mbwenye kakwileve na nroromelo niwa nene. So aliwa kaonne mapangano apanganne Mulugu olapela wene ati ati ati, aliwa ziveliwa eto aliwa rumelaga ira: <<Mwilamboni muno nili atu oza. Hiyo so nnafwanyeya nagali aliba vira.>>

Eberewu 6:15

Mwa enne mulombwana Abarahamu ohoroma dediha muwari movilela ante liye fiyeda vahiwa yapanganne Mulugu.

Tiyagu 5:11

Kaing'anani, hiyo nnowanda iziwa ira anno anavilela ba atu ofuna relihiwa. Nyo muhumala vwa makalelo avilenle mulombwana Jobu. Eto muhuiziwa makalelo amwirele Nabwiya magomelo uwa. Tchoira Nabwiya gwa upama ulukulu eto gwa tangaranga dilukulu.

1 Peduru 1:8

Masiki nyo malambo a mundulrimu mwahamuonileve Yesu, munowanda muzivela. Eto nyo masiki peno va mwahamuonagave, munowanda muroromelave eto munowanda kana hagalala wohowanda wongeya, hagalala wohokala wa masika.