Eberewu 11:26 - Mazu Otchena a Mulungu

²⁶ Liye ohowanda umbuwela ira: <<Zuzuma na mwasa wa Kiristu ku rayela kwaranya jorayela jatene jinafwanyeya muIjipitu.>> Tapulela liye aing'anela yotambilra yaye.

Eberewu 11:26 ပူးပေါင်းရင်းမြစ်များ

Izaiya 51:7

Mudivuruwane nyo mwatene muiziwile upama, nyo atu okana malamulo aga mmirimani mwenyu, kamuove atu kaupudjagani nne kamurendeye zela joruwana jiwa.

Matewuji 10:41

Mutu wenne unamuwatchele namafiyiheda momuona ira ula gu namafiyiheda, unoza atambilre yotambilra ya namafiyiheda. Eto wenne unamuwatchela mutu wapama momuona ira ula gu mutu wapama, na liyene unoza atambilre yotambilra ya mutu wapama.

Matewuji 5:12

Kauirelani jabure jatene ejo inafwanela muhagalale eto muziveliwe, mwasiwa muhukana yotambilra ilukulu ilambo ya zulu. Tchoira anamafiyiheda a malambo a mundulri na aliwene koharahariwa na makalelo amohive.

Matewuji 6:1

<<Inafwanela muing'ane pama zela makalelo anafuna nyo hinda mabasa a Mulugu. Kamuiregena japama vatando mofuna ira atu kauteteleni. Mwairana eno, kamunna yotambilra yokumela wa Babinyu zulu.

Lukaji 14:14

Waira eno, weyo unorelihiwa. Tchoira waaitana atu osimela, aliwa kinapagalri yenno yaairele we, mbwenye Mulugu gunafuna za upagalri siku na mavenyelo wa atu atene apama.>>

Lukaji 14:33

Yesu ohomarihaga eraga: <<Sawasawa muwari mwa nyo, mutu wenno ahanawanda rumela hiya jatene jinna liye, wenno kanawanda kala namadiharaga.>>

Joira ja Anamarumiwa 5:41

Anamarumiwale kakumaga valigi anamatongale, kohagalala mwasiwa kohoiziwa ira Mulugu unaniona nnga nili atu ofwanelela bubudiwa muwari movweyiha nzina na Yesu.

2 Korinto 12:10

Eto nona muwari molaba ja Kiristu miyo kadinna makani ozela johokana kopolo, ruwaniwa, segedeya, harahariwa na jodiireyela jabure. Tchoira ora inavuta miyo, tchi ora inalimba miyo.

2 Korinto 6:10

Ananiwesa nnga atu okumbanya eto ora ili yatene nihikana hagalala. Ananiwesa nnga osimela eto nnoarayeliha atu adjindji. Ananiwesa nnga atu ohokana yengo eto nihikana jatene. Hiyo nnorumela ireliwa jatene ejo mwasiwa nili anamalaba a Mulugu.

Efezo 1:18

Mmirimani mwenyu muhuroma masuwa zela ja Mulugu. Miyo nnoulobelelani ira muwande iziwa pama pama yoing'anela yenno Mulugu iniitanele liye no rayela wapama wohokala wa masika unafuna nyo za kana vamohi na atu atene otchenihiwa eto muwande iziwa

Efezo 3:8

Miyo dili mutu mung'ining'ini kwaranya atu atene otchenihiwa. Masiki eno Mulugu udivahile sayi ira diwande alaleya atu ohokala aJudewu zela rayela undimuwa wohokala wa masika unafwanyeyana Kiristu.

Filipo 3:7

Mbwenye dohofiyeda mwezo oiziwa ira jatene jinaroromela miyo ji, jinadiweliheda mundulri. Miyo hiya jatene jene ira dikayena yengo imohi unafwanyeya agali Kiristu.

Eberewu 10:33

Malambo amohiwa nyo moruwaniwa eto moireliwa makalelo ohokala pama vatando vene. Eto malambo amohiwa nyo modowa gumanela na ale kaireliwa makalelo mamohive anno.

Eberewu 10:35

Mwagairilena jatene japama jile, kamutatile yodediheda inna nyo. Tchoira muwari mwa yodediheda inna nyo, muhukana yengo ilukulu inafuna nyo za tambilra sogolro.

Eberewu 11:6

Eto vahali nroromelo, kavali wandeya ira mutu airena yengo yomuziveliha Mulugu. Tchoira mutu ira awande mukwivela Mulugu, unaroma rumela ira Mulugu ukalawo eto unoatambilriha ale ananvenda.

Eberewu 13:13

Voira Yesu ohovilela muwari mopetiwa wapetiwa liye unde wa kapamento, na hiyene ndoweni nanfwanye unde wa kapamento, nawatchele petiwa umohive.

Eberewu 2:2

Tchoira wanle Mulugu ohavaha mpanganyo angelro ira kaawandele atu. Mazwale kawongile angelro kafwanyeya kagali mazu a ibaribari. Muwari mokala mazu a ibaribari, mutu uli watene unongile na wenne ahavwelenle mazu kawongile angelro, otongiwa zela yotega yatene yairile liye.

1 Peduru 1:11

Na mwasa oira Munemba wa Kiristu ali muwari mwa aliwa, kohofiyiheda mazu a Mulugu kawongaga zela makatamiho afuna Kiristu ona na upama wafuna liye watchela magomelo wa goyi danna liye. Aliwa eto mutuwa kamuwonga atu tchawandile muiziwa. Evale aliwa kohosakasaka ira kaiziwe ira: <<Kodi mutu guvi unafuna za eto tempu tchivi inafuna liye fiya?>>

1 Peduru 4:14

Nyo mwaruwaniwaga na mwasa wa nzina na Kiristu, munorelihiwa. Tchoira mwera eno, Munemba wa Undimuwa wenno uli Munemba wa Mulugu, unafwanyeya na nyo.

Jowandeliwa 2:9

Miyo dihiiziwa makatamiho malukulu munna nyo, no simela wenyu. Eto simela musimenle nyo, kamusimenle. Nyo muhurayela. Dihiona eto ira munnave luluvihiwa na anno anaviitana aJudewu eto kahali. Aliwa anafwanyeya kagali nyumba yofundjamo mazu ya Satana.

Jowandeliwa 3:18

<<Miyo mbwenye nnouwelruzani ira inafwanela mugule oru na miyo, oru wapama, opiyiwa vaparani ira mukale atu orayela. Eto inafwanela mugule na miyo jowara jotchena, muware ira manyazo enyu zela kala mandave kamale eto mugule na miyo murombwe, muzolihe meso enyu ira muwande ona.

Ruti 2:12

Yehova awande utambilriha jatene jiirile we eto Yehova Mulugu wa Izarayeli, wenno uzile we utawela mmapepeloni mwaye awande uvaha yotambilra yawo na mwasa wa jatene jiirile we.>>