Eberewu 11:19 - Mazu Otchena a Mulungu

¹⁹ Mwa enne Abarahamu ohowanda ona ira Mulugu unowanda nvenyiha mokwani. Eto molingana na mwemo mwaumbuwela liye, Abarahamu ohomuwatchela mwanaye mokwani.

Eberewu 11:19 ပူးပေါင်းရင်းမြစ်များ

Jenesesi 22:13

Abarahamu agarungunuwile, ohoonaga unduli waye nibila na mulombwana nagamangeyile manyanga vanikupuni. Ohodowa tukula nibila nne, liye hela vaibuwani, sakanya mukuto otumeya vamalroni va mwanaye.

Matewuji 12:36

Miyo mbwenye nnouwandelani ira siku notonga naza nifiya, kada mutu unoza amangiwe mulandu zela jowonga jatene johofwanela jinakumela vamulomoni vaye.

Matewuji 9:28

Evale liye agavolowile mmba, aliba haona ale kohofiyaga valigi liye. Evale Yesu ohafukaga eraga: <<Kodi nyo munororomela ira miyo nnowanda uvulumutchani?>> Evale aliwa kohowakulaga keraga: <<He, Nabwiya, nnororomela!>>

Roma 5:14

Eto kuma Adawu fiyeda tempu yawandeliwe Mozeji malamulo, atu atene kerave kwa. Masiki ale kategile na mategelo ohiyana na jairile Adawu, atene kohokwa. Adawu ali mbwiye airilena yengo ilukulu yofiyeda mwadeya mwa atu atene sawasawa nnga Mbwiye mmohiwa afuna za.

Efezo 3:20

Mulugu ukana kopolo daye dinalabana liye muwari mwa hiyo. Muwari mwa kopolo daye, liye unowandetchetcha jatene kwaranya nnga jinavepa hiyo, kwaranya eto nnga jinaumbuwela hiyo. Nona hiyo atu omuroromela Yesu inafwanela nimutamalelege Mulugu movira mwa Kiristu matempu matene, kala no kala. Ame!

Eberewu 9:24

Tchoira Kiristu kavolowile mamburo otchena kali mwilamboni ya vati muno kasakanyiwe na manda a atu. Mwasiwa mamburo a ilambo ya vati ila anafwalrafwaniha mamburo otchena a ibaribari anafwanyeya ilambo ya zulu. Kiristu mbwenye uvolowile zulu uwa wene ira awonge vamentoni va Mulugu zela wa hiyo.

Eberewu 9:9

Jatene eji jali jofwalrafwaniha para tempu ili hiyo ila. Tchoira mwa tempu yenno mabasa kalaba anamakuta kavelelaga jovelela na mikuto, ejo kajawanda sakanyeda mmirimani mwa aliba mutamalela Mulugu ale ira kahakayena yowanganyeda zela vali atu.