Eberewu 11:13 - Mazu Otchena a Mulungu

¹³ Atu atene anna kohofiyeda kwa kahanawatchele jatene Mulugu apanganne liye. Mbwenye kakwileve na nroromelo niwa nene. So aliwa kaonne mapangano apanganne Mulugu olapela wene ati ati ati, aliwa ziveliwa eto aliwa rumelaga ira: <<Mwilamboni muno nili atu oza. Hiyo so nnafwanyeya nagali aliba vira.>>

Eberewu 11:13 ပူးပေါင်းရင်းမြစ်များ

Jenesesi 21:34

Evale mulombwana Abarahamu ohomala tempu ilukulu ilambo ya aFilistewu ile agali mutu oza.

Jenesesi 23:4

<<Miyo nnakala muwari mwa nyo mbwenye dili mutu oza ilambo yenna eto dili mwanowenda. Nnauvepani ira mudigulihede teya ira diwande mukoyavo muhiyanaga.>>

Jenesesi 25:8

Aganna yaka dedi, ku vuma wogomiheda, ku kwa wene. Abarahamu ohokwa agaulunle, aganna idadi yapama, liye dowa gumana na makolo aye.

Jenesesi 47:9

Jako ohomurumelaga, liye ira: <<Yaka daga dowendawenda mwilamboni ya vati dinna 130. Yaka daga kahi dinene eto ti yaka da makatamiho pwi. Miyo kadifiyihile nnga yaka da makolo aga damanle atu kawendaga mwilamboni ya vati.>>

Jenesesi 48:21

Nomala eno, Izarayeli ohowonga na mwanaye Joze eraga: <<Weyo unodiona eni mwanaga, dihanle vang'ono ira dikwe. Mbwenye miyo dakwa, Mulugu unakalave na nyo, ante unofiyeda ukumihanimo mwilamboni muno, auwelihedeni ilambo ya makolo enyu.

Jenesesi 49:10

Mulombwana Juda kalivo mutu mmohiwa unafuna muwaka umwene waye, nne ikumbuzo yaye ya umwene, fiyeda tempu inafuna liye za vahiwa umwene waye wa ibaribari. Malogo matene anerege zana mivaho, kanvahege eto atu atenene anerege nvwelela.

Jenesesi 49:18

Mulombwana Jako ohowongagave eraga: <<Mbwenye miyo vano nnadediheda vulusiwa wokumela wa nyo so Yehova.>>

Jenesesi 49:28

Ala ba malogo kumi na menli a Izarayeli vamohi na mazu aawandela babiwa tempu yaareliha liye. Kada mwana ohonvaha mareliho aye onfwanelela.

Jenesesi 49:33

Jako amalaga akokomeza ahimaye mazu anne, ohogonantigi vakamani vaye, ora imohive ku vuma wogomiheda, liye mariheya, dowa gumana na makolo aye anno kakwile.

Jenesesi 50:24

Siku nimohi Joze ohowonga na abalaye ira: <<Miyo eni dihanle vang'ono ira dikwe. Mbwenye Mulugu unoza aukamihedeni, aukumihenimo muIjipitu muno ira audowenani ilambo yenno yalumbenle liye avaha makolo ehu Abarahamu, Izaki, na Jako.>>

Ezodu 2:22

Agamutenle, Zipora ule ohombala mwana mmohi wa mwanapongwe. Mozeji ohonvaha nzina na Jeresoni, [ku wonga mutu oza], liye wonga ira: <<Miyo dili mutu oza ilambo ya annya.>>

Matewuji 13:17

Na ibaribari nnouwandelani ira anamafiyiheda adjindjene na atu owongowa adjindji a malambo a mundulri, kohofunafuna ira kaone jengo jejo jinaona nyo, mbwenye aliwa tchaonile. Eto aliwa kohofunafuna ira kavwe jengo jejo jinavwa nyo, mbwenye tchavwile!>>

Juwawu 12:41

Ira Izaiya awonge mazu anne mwasiwa ohoona undimuwa wa Yesu, nona awanda wonga zela liye.

Juwawu 8:56

<<Babinyu Abarahamu ohagalala modediha ira aone za waga. Evale liye ohoona za waga. Nomala ona za waga, liye ohoziveliwa.>>

Roma 4:21

aganna ibaribari ira Mulugu ukana kopolo dokwakwaneliheda jatene jiwongile liye.

Roma 8:24

Tchoira kuma vavulusiwe hiyo, nnadedihave ira maningwihu ala kaze kawomboliwe. Fwanyeya ira dediha yengo inaona we, kahi dediheda. Tchoira kalivo unadediha yengo inna liye.

2 Korinto 4:18

Tchoira hiyo kannakukumuwela jengo jooneya na meso, mbwenye nnakukumuwela johooneya na meso bahi. Mwasiwa jengo jooneya ti jengo johodibeliwa vira mbwenye jengo johooneya ti jengo ja mukalakala.

2 Korinto 5:6

Nona hiyo ora ili yatene nilive olimbene kopolo, masiki niiziwagave ira tempu inna hiyo maningo anna, nili olapela wene na Nabwiya.

Efezo 2:19

Nona nyo atu ohokala aJudewu kamulive alendo, kamuli amarala. Muli atu a nikuru na Mulugu vamohi na atu atene otchenihiwa eto muli anamurala vande va Mulugu.

Eberewu 11:14

Tchoira anne anafiyeda wonga eno, anowanda oniha ibaribari ira aliwa anavenda ilambo ira ikale waniwa.

Eberewu 11:17

Mwa nroromelo Abarahamu, Mulugu agawombezile nroromelo naye, ohowanda nvelela mwanaye Izaki mukuto. Liye ohonvelela mwanaye mmohive wenno anna liye, wenno Mulugu amusakanyilena liye nipangano.

Eberewu 11:27

Mwa nroromelo Mozeji ohokuma Ijipitu, ahaovaga uwali wa mwene. Liye ohowanda vilela mwa jengo jidjindji jene, kalaga nnga liye ohomuona wenno ahanaoneya.

Eberewu 11:39

Atene anna kohoteteliwa na mwasa wa nroromelo newa. Mbwenye kagali mwilamboni ya vati, tchawatchenle nipangano neno Mulugu awonga liye.

1 Peduru 1:1

Unalremba gu miyo Peduru, namarumiwa wa Yesu Kiristu. Nnoulrembelani nyo atu osakulriwa na Mulugu munafwanyeya omwadeyene, mutawenle vilambo da unde maporovinsiya a Ponto, Galasiya, Kapadosiya, Aziya na Bitiniya,

1 Peduru 1:17

Akala nyo munowanda muira Baba wenno unatonga mohokana nsakulro molingana na mabasa analaba kada mutu, inafwanela muwendege momuova Mulugu malambo matene anawenda nyo nnga alendo mwilamboni muno.

1 Peduru 2:11

Afwaga anaaziveliwa miyo, muumbuwele ira nyo peno muli anowenda, muli atu oza mwilamboni muno. Nona miyo nnoukokomezani ira mukonde jabure jejo jinaziveliwa maningo enyu jiwanaga na minemba denyu.

1 Juwawu 3:19

Muwari mozivelana pa evo vanawanda hiyo iziwa ira hiyo nili a ibaribari eto mmirimani mwehu nnowanda limbiheya vamentoni vaye.