Eberewu 10:39 - Mazu Otchena a Mulungu

³⁹ Hiyo mbwenye kanili muwari mwa anno anawelela mundulri ira katolotchiwe. Hiyo nili muwari mwa ale kanna nroromelo. Muwari mwa nroromelo ninna hiyo, nnowanda koya kalawo wehu.

Eberewu 10:39 ပူးပေါင်းရင်းမြစ်များ

Markuji 16:16

Mutu wenno unaroromele jinalaleya nyo eto abatiziwa, unovulusiwa. Mbwenye mutu wenno ahanaroromele unotongiwa.>>

Lukaji 11:26

Era eno unodowa tukula minemba dabure dimohi diwa mitanu na minli dokana makalelo abure omukwaranya liye, aliwa za volowa mmaningoni mwa mutule, kalaga mwemule. Era enne makalelo ogomiheda a mutule anakala abure kwaranya makalelo oroma anna liye.>>

Juwawu 17:12

Diwendaga mwilamboni ya vati vamohi na aliwa, doakoya na nzina nenyu, neno nidivahile nyo. Dahakoya atene mwadivahile nyo. Miyo kadimudimelihile mutu ahali mulombwana wenno unafuna tolotchiwa, muwari mokwakwaneliheda jejo jilrembiwe mMazuni.

Juwawu 20:31

Mbwenye jionihedo jilrembiwe ji, jilrembiwele ira mwavwa muwande roromela ira Yesu na ibaribari gu Kiristu, Mwana Mulugu ira mwamuroromela, mukayena ingumi mwa nzina naye.

Juwawu 5:24

<<Miyo nnafuna duwandeleni ibaribari. Ule unavwa mazu aga eto amuroromelaga wenno udirumile, ukana ingumi yohomala. Mutuyo kaza atongiwa, mbwenye mofutukula liye umala kuma mokwani mwali liye, uvolowa muingumini.

Juwawu 6:40

Mwasiwa yofuna ya Baba tchoira mutu watene unadiing'ana eto adiroromelaga miyo Mwanaye udirumile liye, mutuyo akayena ingumi yohomala eto vasogolro dize dinvenyihe mokwani.>>

1 Tesalonika 5:9

Tchoira Mulugu anisakulraga wanle, kanisakunlre ira nize nione takaleliwa waye wohokala wa masika, nari. Mulugu mbwenye unisakunlre hiyo vano ira nize niwatchele vulusiwa muwari mwa Nabwiya wehu Yesu Kiristu,

2 Tesalonika 2:3

Nyo kamunyengiwe na mutu zela yengo ili yatene. Tchoira siku na Nabwiya nahanaze, ikala tempu inafuna za yoira atu oindjiva kahiye ja Mulugu. Eto siku na Nabwiya nahanaze, unoza aoneyihiwe mulombwana oirana jinakondiha malamulo, mwana ofuna tolotchiwa.

1 Timoteyo 6:9

Atu anne anafuna kana jorayela ja ilambo ya vati banagwa motegani, banavimangana ngohi, banakana jofuna jabure johokala pama. Jofuna ejo jinoazelana nongeya no tolowa.

Eberewu 10:26

Tchoira nadowave sogolro nitegaga komove nagamanle wandeliwa mazu a ibaribari, kavihanle mukuto mmohiwa unafuna rumelela jotega jejo.

Eberewu 10:38

Mbwenye mutu wenno uli wapama unokana ingumi mowenda na nroromelo. Eto awelela mundulri, miyo kannakana ziveliwa zela liye.>>

Eberewu 11:1

Nroromelo ku hawanganyeda jengo jinadediha hiyo vamohi no kana ibaribari zela jengo jejo jahanaona hiyo na meso.

1 Peduru 1:5

Muwari mwa kopolo da Mulugu nyo munokoyiwa na nroromelo nenyu eto ira muze muwatchele vulusiwa wenyu wewo unafuna za oneyihiwa tempu yogomiheda.

2 Peduru 3:7

Eto Mulugu muwari mowonga waye bahi unokoya ilambo ya zulu na ilambo ya vati jejo jiliwo tchineneva ira vasogolro jitumeyiwe na munlo. Jeji jinafuna jize jiireye siku notonga eto siku nnafuna tolotchiwa atu ohoirana ja Mulugu.

1 Juwawu 5:16

Wenno unamuona mbalaye airagana yotega yahananfiyana makwelo, inafwanela liye anvepe Mulugu zela nfwaye ule. Evale Mulugu unonvaha ingumi wenno utegile yotega yahananfiyana makwelo. Ikalawo eto yotega yonfiyana mutu makwelo. Yotega yenno mbwenye miyo kannawonga ira inafwanela nilobelele.

1 Juwawu 5:5

Kodi mutu guvi unagondjiha joira ja ilambo? Gwenno unaroromela ira Yesu gu Mwana Mulugu.

Jowandeliwa 17:11

<<Besta wenno aliwo eto wenno ahaliwo peno va, gu mwene mmohiwa wanetanu na taru unafuna za sogolro. Liye aza, unovenyiha umwene waye muwari mwa amwene atanu na ambinli oromale. Eto vasogolro besta ule aza, unagomela tolotchiwa.

Jowandeliwa 17:8

Besta umuonile we ule, aliwo wanle. Mbwenye malambwala kanafwanyeya mwilamboni. Tchineneva bestole uli muliha odiha ohokana magomelo. Tchineneva eto unoza akume mmulihani odiha ohokana magomelo emo muli liye ira adowe atolotchiwe. Ora inafuna liye kuma mmulihani odiha ohokana magomelo mule, atu anno kahalrembiwe maziniwa muwari mwa Livuru na Ingumi romela mapanduwelo a ilambo, aliwa kaza kamuona bestole akoka, anoza katikinege kerege: <Bestola wanle ohokalawo. Nomala eno, liye dimela. Eto peno uwelela kalawo akoka.> >>

1 Samuweli 15:11

<<Miyo nnokumbanya na mwasa omusakulra Sawuli ira akale mwene. Tchoira liye uhudihiya, uhulramwisa jejo jamuwandenle miyo.>> Samuweli agavwile mazu anne, ohokana kumbanya ulukulu. Mahiyu matene anne ohokalela lobela na mwasa wa jengo jawongile Yehova.