Eberewu 10:36 - Mazu Otchena a Mulungu

³⁶ Inafwanela mukale atu ovilela muiragana funa wa Mulugu. Tchoira mwavilela, mwagairilena yofuna ya Mulugu, munoza muwatchele yenno Mulugu ipanganne liye ira auvaheni.

Eberewu 10:36 ပူးပေါင်းရင်းမြစ်များ

Matewuji 10:22

Atu atene anerege uidani nyo na mwasa wa nzina naga. Mbwenye mutu wenno unavilele ante magomelo, unovulumuwa.

Matewuji 12:50

Tchoira mutu wenno unerana funa wa Baba uli zulu, mbalaga, murongolaga, na mmaga, gwenno.>>

Matewuji 21:31

Kodi va ahima ambinli ala, uirilena yenno yafunne babiwa guvi?>> Evale aliwa kohowakulaga keraga: <<Airilena funa wa babiwa ali mwana oroma ule.>> Evale Yesu ohowongaga eraga: <<Na ibaribari nnouwandelani ira anamasokiha misoko na aputa banafuna kala sogolro wenyu kavolowaga muUmweneni mwa Mulugu, hiya nyo.

Matewuji 24:13

Mbwenye mutu wenno unavilele ante magomelo wa makatamiho anno, unovulumuwa.

Matewuji 7:21

<<Kahi atene anadiitana keraga: <Nabwiya, Nabwiya!>, anafuna za volowa muwari mwa Umwene wa zulu. Mbwenye unafuna volowa gwenno unairana funa wa Baba uli zulu.

Markuji 3:35

Tchoira mutu wenno unerana funa wa Mulugu, mbalaga, murongolaga, na mmaga, gwenno.>>

Lukaji 21:19

Eto nyo mwakalave ovilela muwari mwa eji, munoza mukayena ingumi.

Lukaji 8:15

Mbwenye mbewu dedo damorenle vateyani vapama, ba atu anne anavwa mazu a Mulugu, kakoyaga kaganna murima wapama na makalelo apama eto kavahaga jovaha japama muwari movilela.>>

Juwawu 7:17

Ule unafuna irana funa wa Mulugu unoza aonelremo akala miyo nnafundjiha jaga, owu akala miyo nnafundjiha ja Mulugu.

Joira ja Anamarumiwa 13:22

Evale Mulugu agamuwakile Sawuli umwene, ohomuhambiha Davi, wenno Mulugu amuhidedele liye umboni eraga: <Dihinfwanya Davi mwana Jese, wenno unafwanyeya agali mulombwana okana murima wapama nnga murima waga. Liye gunafuna irana jofuna jaga jatene.> >>

Joira ja Anamarumiwa 13:36

Tchoira na ibaribari ahavundile kaali Davi, mwasiwa mulombwana Davi agamanle laba mabasa matene anfunana Mulugu tempu yenno, Davi ohogona gona wa ukwa, liye tukuliwa, dowa koyiwa na makalelo amohive nnga akoyiwe andimuwaye a wanle, liye vundela evo.

Roma 12:12

Mukale atu ohagalala muwari moing'anela, mukale atu ovilela muwari mwa makatamiho eto mulobelege tempu datene.

Roma 12:2

Kamulandihiwe mawendelo a atu a mwilamboni ya vati. Mbwenye inafwanela musanduwe muwari motukula joumbuwela jixa ja Mulugu ira muwande xefwa jatene ira mukayena ibaribari, muone ndila inafuna Mulugu. Mwaira eno munoiziwa jengo japama, jofwanela, jokwakwanela jinafuna Mulugu.

Roma 2:7

Ale kavilenle irana joira japama muwari mofuna upama wa ibaribari, no titimihiwa na Mulugu, na ingumi yohokana goma uwa, Mulugu unoavaha ingumi yohomala.

Roma 8:25

Akala hiyo ninnave dediha yengo yahanaona hiyo, ku wonga ira nnadediha muwari movilela.

1 Korinto 13:7

Wamuziveliwa nfwawo, unowanda levelela jatene, unororomela jatene, unodediha jatene eto unovilela mwa jatene.

Galasiya 6:9

Kanigomeni irana jengo japama mwasiwa sogolro ukala handa. Malringana nahahiye irana japama, nnoza nihandeni.

Efezo 6:6

Kamulabege japama patarawinyu akalavo, mbwenye avenyavo, nyo labaga jovuza, nne kamulabege ira patarawu aziveliwe bahi. Mbwenye mulabege nnga mutu omulaba Kiristu, muiragana jofuna ja Mulugu na mmirimani mwenyu mwatene.

Koloso 1:11

Mulugu na kopolo dilukulu dinna liye aulimbiheni ira mukayena kopolo datene ira muwari mwa jatene jinaufwanyani, muwandege kana vilela watene no pwaseya watene mwaganna hagalala,

Koloso 3:24

Tchoira nyo muhumala iziwa ira mabasa matene apama munalaba nyo, unafuna utambilrihani rayela wenyu gu Nabwiya. Mwamulabaga patarawinyu, nyo munamulaba eto Nabwiya wehu Yesu Kiristu.

Koloso 4:12

Mulombwana Epafaraji, wenno uli nkuda waninyu, muzari wa Yesu Kiristu, unoulondjelani. Mulombwana Epafaraji eto unakaleletcha uzuzumelani muwari moulobelelani. Liye aulobelelagani, unanvepetcha Mulugu ira nyo mukale olimba muwari mwa nroromelo eto mukayena ibaribari zela yofuna ya Mulugu inafuna liye ira nyo muiregena.

1 Tesalonika 1:3

Tchoira hiyo nnoumbuweletcha vamentoni va Mulugu Babihu mabasa munahinda nyo muwari mwa nroromelo nenyu na makalelo analaba nyo muwari moaziveliwa afwinyu mwaakamihedaga no dediha wenyu wolimba munna nyo muwari mwa Nabwiya wehu Yesu Kiristu.

Eberewu 11:39

Atene anna kohoteteliwa na mwasa wa nroromelo newa. Mbwenye kagali mwilamboni ya vati, tchawatchenle nipangano neno Mulugu awonga liye.

Eberewu 12:1

Afwihu atene naawongile hiyo ala anafwanyeya kagali amboni oindjiva kanirindjile. Nona naona zela amboni adjindji ozela joira jiwa, inafwanela nitatile yengo ili yatene inaninyemela na jotega jejo jinanipitikelrelra, nitamange korida yenno ivahiwe hiyo.

Eberewu 6:12

Muwari mokana ibaribari zela yoing'anela inna hiyo, kamunakala atu oimwa mbwenye munaasazihege afwinyu anno anawanda vahiwa japama Mulugu apanganne liye mwasiwa aliwa kohokana nroromelo no vilela.

Eberewu 6:15

Mwa enne mulombwana Abarahamu ohoroma dediha muwari movilela ante liye fiyeda vahiwa yapanganne Mulugu.

Eberewu 6:17

Nona Mulugu na liyene ira awande aoniha ale kafuna watchela nipangano naye ira mwa ibaribari jofuna jaye kajinatchindjeya, agawongile nipangano naye, liye eto ohowendjeda yolumbela yaye.

Eberewu 9:15

Nona pa evo vanawanda Yesu kala namasogolrelra wa Yopangana Ixa vari va Mulugu na atu. Muwari mwa Yesu atu atene oitaniwa anowanda watchela jorayela johokana mala uwa, jejo japanganne Mulugu ira aavahe. Tchoira Yesu ohokwa ira aawombole aliba itaniwa zela mwa jotega jaira atu muwari moviringaniha yopangana yoroma.

1 Peduru 1:9

Muwari mwa emule, munoza muwatchele yenno yasaka nyo muwari mwa nroromelo nenyu, inafwanyeya yagali vulusiwa wa minemba denyu.

1 Juwawu 2:17

Ilambwela vamohi na josilrilra jatene jinafwanyeyamo jinoza jivire. Mbwenye wenno unairana funa wa Mulugu unokalawo kala no kala.

Jowandeliwa 13:10

Ule usakulriwe ira ahindiwe, unohindiwa. Ule usakulriwe ira apiwe na supada, unopiwa na supada. Jafiya eno, inafwanela atu otchenihiwa kakale ovilela eto kakale olimba mwa nroromelo.

Jowandeliwa 14:12

Jafiya eno, inafwanela atu otchenihiwa anno anakoya malamulo a Mulugu eto anafwanyeya kagalive olimbene momuroromela Yesu kakale atu ovilela.