Eberewu 10:34 - Mazu Otchena a Mulungu

³⁴ Nyo mowanda awendela tangaranga ale kavokediwe mukadeya. Nyo eto mowanda hagalala muwari mowakiwa jengo janna nyo. Tchoira nyo mohokana ibaribari ira: <<Ja ilambo ya vati jiwakiwe hiyo kahi yengo. Tchoira nnoza niwatchele yengo yapama kwaranya jiwakiwe hiyo eto inafuna hiyo kana tchi yengo yohomala.>>

Eberewu 10:34 ပူးပေါင်းရင်းမြစ်များ

Matewuji 19:21

Mwa enne Yesu ohomuwakulaga eraga: <<Wafunaga kala mutu okwakwanela vamentoni va Mulugu, inafwanela udowe wagulihe jatene jinna we, kobiriwa waagawele aliba simela. Waira eno, uhukoya jawo zulu. Wamala uze, udihare.>>

Lukaji 10:42

mbwenye yengo yofuneya tchi imohi bahi. Tchoira Mariya uhusakulra pandi yapama eto kalivo unawande muwaka.>>

Lukaji 12:33

Mugulihe jinna nyo, kobiri diwa mwaavahe atu osimela. Musakanye masartera kahanakauwa, ira mukoye jorayela jenyu ilambo ya zulu, wewo wahanafiya ambava eto wahananonga anantumbwa. Rayela wewo kunakana mala uwa.

Lukaji 9:25

Mutu adjavo jatene jili mwilamboni ya vati, amala apuzeya ingumi ya ibaribari, jaye jipile liye jinamupindulra nni?

Joira ja Anamarumiwa 21:33

Evale ndimuwole oharuma anyakondwaye ale ira kamuhinde Pawulo, kammange na makurenti menli. Vevale ohafuka atwale eraga: <<Kodi mutula bani? Udawile nni?>>

Joira ja Anamarumiwa 28:20

Miyo duitanihileni ira duwandeleni jeji. Masiki mudionege kagadimangile na kurenti ula, kadire kana mulandu. Ilukuluwa mulandu unna miyo, nnamangiwela yodediha ya aIzarayeli bahi.>>

Joira ja Anamarumiwa 5:41

Anamarumiwale kakumaga valigi anamatongale, kohagalala mwasiwa kohoiziwa ira Mulugu unaniona nnga nili atu ofwanelela bubudiwa muwari movweyiha nzina na Yesu.

2 Korinto 5:1

Maningo ehu ala nnakalamo hiyo mwilamboni muno anafwanyeya nnga musasa. Muwari mobalra jengo johooneya, hiyo nihiiziwa ira musasa wehu ula atolowa, nihikana nyumba imohiwa yokumela wa Mulugu, yohomangiwa na manda, ya mukalakala inafwanyeya ilambo ya zulu.

Efezo 3:1

Miyo Pawulo na vanove dilive munyakadeya na mwasa omuhara Yesu Kiristu eto na mwasa oulaleyani nyo atu ohokala aJudewu. Na mwasa wa jatene Mulugu juireleni liye-

Efezo 4:1

Na mwasa wenno, miyo Pawulo dagali munyakadeya na mwasa omuhara Nabwiya nnafuna dukokomezeni ira mutukule mawendelo Nabwiya aniitanele liye ira niiregena.

Efezo 6:20

Malambwala miyo nnafwanyeya omangiwene na makurenti na mwasa olaleya mazu. Mudilobelelege miyo ira diwandege laleya Muselu Wapama mohoova nnga munafunela Mulugu.

Filipo 1:7

Ili yofwanela duumbuweleni eno mwasiwa miyo nnouziveliwani valukulu mmirimani mwaga tchoira dahanakale mukadeya, ora yawendawenda miyo na mabasa oaoniheda atu ibaribari zela Muselu Wapama, daarunihaga ale karuniha, muwari mwa sayi da Mulugu, na nyenne eto mwalabave mabasa amohive dalaba miyo. Eto ora ila ili miyo mukadeya eni, munalabave nnga mabasa amohive anna miyo.

Koloso 1:5

mwasiwa nyo muhukana ibaribari zela yoing'anela inafuna nyo vahiwa ilambo ya zulu. Yoing'anela yenno muromile vwa muwari mwa mazu a ibaribari anno anafwanyeya kagali Muselu Wapama.

1 Timoteyo 6:19

Kera eno, anakoyela jorayela ira kadowe kafwanye rayela wewa sogolro, kafwanye ingumi yenno ili ingumi ya ibaribari.

2 Timoteyo 1:16

Mbwenye Nabwiya aawendele tangaranga akuda Oneziforo mwasiwa liye gwadilimbihile miyo fendo didjindji dene eto kanyaswile zela miyo kala omangiwene na makurenti.

2 Timoteyo 2:9

Miyo eni dili omangiwene na makurenti nnga dili mutu wabure na mwasa olaleya Muselu Wapama wenno. Mbwenye masiki miyo dikale omangiwene, mazu a Mulugu mbwenye kinamangiwa!

2 Timoteyo 4:8

Kuma peno dowa sogolro nnaing'anela tambilra tchapowa wa upama wenno Nabwiya Namatonga wapama unafuna liye divaha siku niwa nafiya. Siku neno miyo kannatambilra meka, mbwenye nnatambilra vamohi na atu atene anne kaziveliwe za waye.

Eberewu 11:16

Mbwenye ante na vanove aliwa kohokana yoing'anela ira kadowe kavolowe ilambo yapama kwaranya. Ilambo yenno inafwanyeya yagali ilambo yokumela zulu. Nona Mulugu aavwa atu anne kamuitanaga na nzina na Mulugu wehu, liye kananyaswa zela atu anno anawonga eno. Mwasiwa na liyene umala asasanyedela sidadi yewa ira kadowe kakalegemo.

Eberewu 13:14

Tchoira mwilamboni ya vati hiyo kaninna sidadi ya mukalakala. Hiyo mbwenye nnavenda sidadi yenno inafuna za.

Eberewu 13:3

Eto kamwaadiwalege ale anafwanyeya mukadeya. Mwaairelege upama muwari moumbuwela kalaga nnga na nyenne muli mukadeya vamohi na aliwa. Kamwadiwalege eto ale anaireliwa ubure vasayi mwasiwa na nyenne tambe muli atu okalawo na maningo.

Eberewu 9:15

Nona pa evo vanawanda Yesu kala namasogolrelra wa Yopangana Ixa vari va Mulugu na atu. Muwari mwa Yesu atu atene oitaniwa anowanda watchela jorayela johokana mala uwa, jejo japanganne Mulugu ira aavahe. Tchoira Yesu ohokwa ira aawombole aliba itaniwa zela mwa jotega jaira atu muwari moviringaniha yopangana yoroma.

Tiyagu 1:2

Abalaga miyo nnafuna duwelruzeni ira mwafwanyeyana makatamiho ohiyana-hiyana, inafwanela mukayena hagalala ulukulu.

1 Peduru 1:4

Liye ohonibala akoka ira nize niwatchele mareliho ohowanda vunda, ohowanda takalihiwa, ohoduwa anno Mulugu uukoyenleni liye ilambo ya zulu.

1 Juwawu 3:2

Afwaga oziveliwiwa peno nili ana Mulugu. Eto makalelo anafuna hiyo za kana kinaoneye. So mbwenye hiyo nihiiziwa ira liye avituwa, nnoza nikale nnga liye mwasiwa nnoza nimuone mwa ibaribari nnga mukalele liye.