Eberewu 10:33 - Mazu Otchena a Mulungu

³³ Malambo amohiwa nyo moruwaniwa eto moireliwa makalelo ohokala pama vatando vene. Eto malambo amohiwa nyo modowa gumanela na ale kaireliwa makalelo mamohive anno.

Eberewu 10:33 ပူးပေါင်းရင်းမြစ်များ

Izaiya 51:7

Mudivuruwane nyo mwatene muiziwile upama, nyo atu okana malamulo aga mmirimani mwenyu, kamuove atu kaupudjagani nne kamurendeye zela joruwana jiwa.

1 Korinto 4:9

Mbwenye dionne ira Mulugu usakannye ira atu kaniona, kanionege nnga atu ohokana mabasa. Mulugu usakanya ira atene anafwanyeya mwilamboni ya vati muno nari atu nari angelro kaniing'ana hiyo anamarumiwa, kanionege nnga nili atu ogondjihiwa odowa mapiwelo.

2 Korinto 12:10

Eto nona muwari molaba ja Kiristu miyo kadinna makani ozela johokana kopolo, ruwaniwa, segedeya, harahariwa na jodiireyela jabure. Tchoira ora inavuta miyo, tchi ora inalimba miyo.

Filipo 1:7

Ili yofwanela duumbuweleni eno mwasiwa miyo nnouziveliwani valukulu mmirimani mwaga tchoira dahanakale mukadeya, ora yawendawenda miyo na mabasa oaoniheda atu ibaribari zela Muselu Wapama, daarunihaga ale karuniha, muwari mwa sayi da Mulugu, na nyenne eto mwalabave mabasa amohive dalaba miyo. Eto ora ila ili miyo mukadeya eni, munalabave nnga mabasa amohive anna miyo.

Filipo 4:14

Masiki eno, nyo mohosakanya pama mudikamihedaga tempu yasegedeya miyo.

1 Tesalonika 2:14

Tchoira nyo abalihu muwanda saziha makalelo a makuru a atu omuroromela Yesu Kiristu anno anafwanyeya kagali atu a Mulugu a ilambo ya Judeya. Sawasawa nnga afwihu kali ilambo ya Judeya koharahariwa na aJudewu kali wewule, na nyenne moharahariwa na akuda waninyu.

2 Timoteyo 1:8

Nona kunyaswege zela muhidedela umboni Nabwiya wehu nne kunyaswege zela miyo nnafwanyeya dagali munyakadeya na mwasa wa Yesu. So mbwenye ukayena zuzuma umohive wewo unna miyo na mwasa olaleya Muselu Wapama muwari mwa kopolo da Mulugu.

Eberewu 11:26

Liye ohowanda umbuwela ira: <<Zuzuma na mwasa wa Kiristu ku rayela kwaranya jorayela jatene jinafwanyeya muIjipitu.>> Tapulela liye aing'anela yotambilra yaye.

Eberewu 11:36

Amohiwa kohoonihiwa goyi muwari mopetiwa no waxuliwa fiyeda mangiwa na makurenti, aliwa tatileliwa mukadeya.

Eberewu 12:4

Tchoira kondo inna nyo ira mugondjihe yotega, kamunawane ante mufiyeda vuvihiwa sangiri ninyu.

Eberewu 13:13

Voira Yesu ohovilela muwari mopetiwa wapetiwa liye unde wa kapamento, na hiyene ndoweni nanfwanye unde wa kapamento, nawatchele petiwa umohive.