Eberewu 10:30 - Mazu Otchena a Mulungu

³⁰ Tchoira hiyo nihimuiziwa wenno uwongile ira: <<Weliha kunyakunya kwaga. Miyo nnomuweliheda kada mutu zela mabasa alabile liye.>> Inakala nnga ilrembiwe mMazuni ira: <<Nabwiya unoatonga atwaye.>>

Eberewu 10:30 ပူးပေါင်းရင်းမြစ်များ

Izaiya 59:17

Liye ohowara makalelo owongowa kalaga nnga kamiza dokana magoru a mukuwa eto ohowara kapaseti ovulusa mmuruni mwaye na jowara jowelihana kunyakunya. Eto ohovikunela no jamo waye undimuwa nnga mutu avikunelaga na kapa.

Izaiya 61:2

Eto udirumile ira dilaleye yaka ya sayi da Yehova na siku nnafuna Mulugu wehu aweliheda kunyakunya amwidanaye. Eto udirumile ira daadidilihe murima anne anawenda okumbanyene.

Izaiya 63:4

Mwasiwa siku noweliha kunyakunya nohodifiyela eto yohofiya yaka yoawombola atwaga.

Roma 12:19

Abalaga oziveliwiwa, inafwanela mwahamuwelihede mutu kunyakunya. So muhiye yengwele mmandani mwa uwali wa Mulugu. Kalaga nnga mazu a Mulugu kalrembiwe wanle oira: <<Nabwiya gunawonga ira: <Weliha kunyakunya kwaga. Miyo nnomuweliheda kada mutu zela mabasa alabile liye.> >>

Roma 13:4

Tchoira andimuwa analaba mabasa a Mulugu ira we ukale pama. Mbwenye we waira yabure, waaovege. Tchoira andimuwa mwilamboni muno anawenda na masupada. Eto masupadale kinawendelana vasayi, mbwenye anawendana ira kalabegena. Aliwa ba anamalaba a Mulugu, ba aliba weliha kunyakunya daye, banamuoniha uwali wa Mulugu ule unera jabure.

2 Korinto 5:10

Tchoira hiyo atene nnoza nifiye mpando otonga wa Kiristu ira kada mutu awatchele yotambilra yaye zela joira jaye jaira liye ora yawenda liye mmaningoni mwaye, akala jali japama nari akala jali jabure.

1 Samuweli 25:26

Dizaga eni mbwiyeni, ilukuluwa inafwanela muiziwe ira gu Yehova udirumile malro ouhiyihani ira nyo mbwiyeni mwahawande aweliheda kunyakunya amwidaninyu, nne mwahavuvihe sangiri newa. Mbwenye miyo peno nnawonga vamentoni venyu vamohi na vamentoni va Yehova ira miyo nnafuna nnga amwidaninyu vamohi na atu atene anafuna jouirelani ubure, katongiwe na makalelo nnga anafuna tongiwa Nabali.

1 Samuweli 26:10

Miyo nnawonga vamentoni va Yehova okalawo ira liyene mwinnya unompa, hiya kala miyo. Owu hehi liye podi kwa siku naye nafiya. Owu hehi liye podi kwa kondoni!